هدد 2007 اسود

[سند العتيبي]

هدد 2007

يا ويّ جيبٍ جديدي=وارد جميلٍ ويابان
انتاج مصنع فريدي=ماسمكروه المريكان
امصمد ٍ بالحديدي=نوعه هدد يا شعيفان
مديل سبع الاكيدي=مارهموه اهل لبنان
اسود سواد العبيدي=بافريقيا جالهم شان
طبلون عاجٍ شريدي=والداخلي بيج طربان
تيره قضيفٍ جريدي=يمشي على قمة آبان
والياي يفرد يعيدي=اتقول هندول ورعان
مكينته ما تبيدي=اربع وعشرين حنّان
لن فز فزت عنيدي=شيخ ٍ على جمع عتبان
ماهي بفزت بليدي=والا هنيدي بدكان
ايقرب ابعد بعيدي=من فوق قارنٍ وكثبان
مطلوب راع الرصيدي=ما هو بمطلب لطفران
حبه بقلبي يزيدي=لو ما املك لمثله اثمان
لو كنت مثل الوليدي=(ابن سعود ابن مرخان)
لو بس يومٍ وحيدي=اخذ حصيله ليا زان
ما تنقص ابن العقيدي=البنك بالكاش مليان
نويت معها الشديدي=لجده اشري كحيلان
والراي رايٍ سديدي=ارقب سهيلٍ ليا بان
نسري بممشاً ركيدي=لروضة اخريم يا فلان
معي الخوي والعضيدي=هذاك اسميه سرحان
عن دربنا ما نحيدي=حتى نخيم بريضان
والعزبه امن السنيدي=ما تنقص ولو فنجان
هذا ترى عيد عيدي=والعقد اصوغه بقيفان
صلوا على سيد سيدي=صفوة مخاليق الاكوان

[معجب العتيبي]

صح لسانك







هذا جيب الهدد؟

التوقيع

[ابن محماس العصيمي]

صح لسانك ولاهنت ..

[عبدالله الجـــذع]

مالك حيله والله

الف شكر على هذه الجزله ياشاعرنا الجميل

والجيب يستآهل اكثر

محبك

,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[/عبد العزيز الجذع/]

صح لسانك..


تحياتي..

[ابوصقر الحربي]

صح لسانك


تبيعة ايجار



ابوصقر

[سند العتيبي]

المشاركة الأصلية كتبت بواسطة معجب العتيبي

صح لسانك







هذا جيب الهدد؟

صح بدنك يا معجب

ايه هذا هدد خليجي

[سند العتيبي]

المشاركة الأصلية كتبت بواسطة ابن محماس العصيمي

صح لسانك ولاهنت ..

صح بدنك 0000

[سند العتيبي]

المشاركة الأصلية كتبت بواسطة عبدالله الجـــذع

مالك حيله والله

الف شكر على هذه الجزله ياشاعرنا الجميل

والجيب يستآهل اكثر

محبك

,’

انت تشوف يا عبدالله

احبك الله

[سند العتيبي]

المشاركة الأصلية كتبت بواسطة /عبد العزيز الجذع/

صح لسانك..


تحياتي..

عبد العزيز الجذع
صح بدنك