قصيدة في الشيخ / مسعد بن سعود بن سمار العتيبي

[حباب حسين]

بسم الله الرحمن الرحيم




الأخوه الأعزاء في منتدى الهيلا




بعد التحيه

أهدي هذه القصيدة أولاً : للشيخ / مسعد بن سعود بن سمار العتيبي
وأنا أعلم والكل يعلم بأنه غني عن التعريف وليس بحاجه لمدحي أو لمدح غيري ولكن القصيده إذا نظمت قيمتها في ذكرها
ثم أهديها لكم ثانيا وأتمنى أن تحوز على رضاء الجميع وأنا لا أعد نفسي شاعر بل متذوق للشعر


الســــمعه الطـــيبة ماجتك ببلاش .... جاتك بــعد جهد وفعول(ن) كليفه
كسبت كلمة نعم ماتقــــبل إنقاش .... لا جــا مـــجال الرياجيل الشريفه
وتستاهله غصب والمثبور لاعاش ... لو زاد مال الردي نفـسه ضعيفه
الظبي مااحد(ن) ذكر في راسه إعراش ...حتى ولو عاش في دار(ن) مريفه
وألا أنت يمــناك غيث وكـــفك إنـــعاش ... للــي شـكا الـــدهر وظروفه محيفه
تعطي لوجه الكريم إمســــير الطاش ... ترجـــي ثـــوابه بــلحظات(ن) مخيفه
صنايعك في دروب الخير بالكاش ... مـــــاهي مـــواعيد وعـــلوم(ن) خفيفه
وأسست صرح(ن) يغيض الحاقد اللاش ... لاجل الوطن والمواطن تستضيفه
خمس وثلاثين عام إتثير الإدهــــاش ... ماتـــــرد العـــد بحــــبال(ن) قصيفه
محسوب في كل حال وثابت الجاش ... وسيرتك من فضل خلاقك نظيفه
يابن سمار الوفا والصدق يــنعاش ... والعـــقل والـــــدين والنفس العفيفه
تنعاش وتشاف في شخصك وتناش ... بإثبات حتى من الــــناس الكفيفه
وفعـــلك معي ماانكره لو حسحس الواش ... ياضــــلع سنجار إلــك قمه منيفه
ماقــــــلتها مقـــصدي بالشعر أبا أعتاش ... هاذي صفاتك ولا أكملت النصيفه


حباب حسين

[فهد العازمي العتيبي]

يستاهل رجل الأعمال الخير والمشهود له

الشيخ / مسعد بن سعود بن سمار الكرشمي العتيبي

والله يعينه ويوفقه على فعل الخير اينما حل ،،،

التوقيع

للتواصل على تويتر https://twitter.com/falotaibi5115 ،،

[سرور السريح العتيبي]

يستاهل الشيخ مسعد ابن سعود ابن سمارالكرشمي

صح السانك قصيدة جزلة من جزل

والله يعينه ويوفقه على فعل الخير اينما حل ،،،


لاهنت وبيض الله واجهك

[حباب حسين]

الأخوان فهد العازمي و أبو بدر


أشكركم على المرور



تقبلواتحياتي

[فهد عبدالله العتيبي]

قصيدة جزله و إبن سمار يستاهل المدح

وهذا تواضع منك عندما قلت أنك ليس بشاعر وبهذه المناسبة أتذكر كلام للشاعر المشهور عايض بن شجاع حيث قال أن الشخص العاقل تصغر قصيدته في عينه

[ولدعساف]

صح لسانك ويستاهل الممدوح

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[حباب حسين]

الأخوان

فهد عبدالله و ولد عساف
أشكركما على مروركما

تقبلا تحياتي

[أبو طالع العتيبي]

لاهنت وبيض الله وجهك

[حباب حسين]

أشكر الجميع

[خلف القثامي]

يستاهل الممدوح وصح لسانك