قالوعجوز وقلت والله مانسميها عجوز

[عبدالله قطنان القوبع]

قالوعجوز وقلت والله مانسميها عجوز=ماكل من كبرت تغير شكلها واسلوبها
بعض الكباراليانضرها الرجل ينقص الفيوز=وبعض الصغارايعافها من يوم ينظرثوبها
كم من كبيره ادفعو من شانها الناس البنوز=وكم من كبيره قبلنا الشعار قد هذرو بها
اهم شي مرتبه ومنظمه والها بروز=ماهي كما اللي لامشت قامت تحك جنوبها
وهاذي تراها كنها ريميتن قامت تحوز=كثرالحيا والزين والحشمه هذا عذروبها
متعوده من صغرها دايم عليهنه تفوز=لاطبت الميدان حطتهن تحت عرقوبها
انا ذبحني حبها وانا منول كنت انوز=واليوم خلتني كسير الله يحل اذنوبها
قالو يجوز الحب في هذا العمر قلنا يجوز=دام المحبه فوضت بين البشر مندوبها
لكن لاتطلع عنيده كنها ذيك العزوز=تمشي ولاتدري وش اللي صارفي محبوبها
والرجل لاينقز عليها ثم يسمونه نقوز=يشوف عيبه قبل عينه ماتشوف عيوبها
قالو تعرف انك تحب وكل يوم براس قوز=قلت ايه تدري وادخلت قلبي على حاسوبها
والعام بغيت انتحرفي غصن راك وغصن موز=لكنها صبت لي الدله حسب ماجوبها
وقالت ترى درب الهواء سكرنبات بطعم لوز=والناس عن درب الهواءعيت تموج قلوبها
والغازيصدرعبرانابيبه على روس القزوز=والنارتحرق كل شين ينطلونه صوبها

آخر تعديل عبدالله قطنان القوبع يوم 02-Oct-2011 في 05:51 PM.