سلام من الدوحه

[سند العتيبي]

سلام رديه من الدوحه ليا حد الرياض=مضمونها عز وعلوم الطيب محدٍ ملها
كل البيارق في قطر والضبي لعّاب الفياض=ماضيّعه كود العشيم اللي عجز ياصل لها

[علي فلاح العضياني]

يا مرحبا عداد برقٍ في سحاب الصيف ناض=مضمونها التقدير وعلوم النشاما كلها
الفرق مثل الفرق في لون السواد عن البياض=الاوله والثانيه ما جالها كفوٍ لّها

التوقيع

(( رأس الحكمه مخافة الله ))

[هاني خاشقجي]

الاولـه والثانيـه مـا جالهـا كفـوٍ لّـهـا

هع هع هع هع

[سند العتيبي]

دام البقا والشبرمي يمٍ تلاطم واستفاض=قدمه بعام المري اللي كم كبود ٍ ملها
صدقت يالروقي واشوف الناكس اللي مااستعاض=ادموعه الاربع على خده مقفّي هلها

[سند العتيبي]

صح
ما جالها كفو لها

هع هع هع

مرحبا يا خاشقجي

[علي فلاح العضياني]

بانت حقيقتها على المكشوف والمكنون فاض=عمتك صار الغشّ قدّام الملا .. طبعٍ لّها
من لا يعرف الصيرميّ اللي يجيد الانقضاض=يشويه ما يدري و لا يذهن و لا يفطن لها

[عبدالله الجـــذع]

ماجا لها كفو لها ..

علي وش اقول بس...

صح الالسن والقلوب..


متابع بشغف..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[سند العتيبي]

اخذتها غصبٍ عن الزعلان والحقته شواض=يحرق بقايا عنجيهيتكم ويرهي غلها
من النجيل لمكتن وعوِّد ليا قاع المراض=مامنكم اللي ياصل (الراحة) يبا يحتلها !؟!

[سند العتيبي]

الله يحيي عبدالله الجذع

متابعتك تلهب الحماسه

[علي فلاح العضياني]

انته عظامك تنتفض في لحظة الخوف إنتفاض=والضحك ما يمشي على ناسٍ شريفٍ دلّها
بحبالكم لو تجذبون الدلو ما يملا الحياض=و كبودكم تبقى عطاش و دلوكم ما بلّها