عتبان مع مطران ..مطران عتبان.. !1

[عايض بن زوير]

بدون



مقدمات




أضعها أمامكم لتعبر عما تريد




؛؛

؛؛

بسم الذي دور دواليب الأزمان=واللي رفع فالكون سبع وعلاها
رب رحيم ومنزل الغيث رحمن= فضله قسم رزق العباد وعطاها
أبدا فصيح القول والقول نيشان=وأهل الفطن ما كل علم يحداها
وأنا حداني للطواريق شيطان=صوته مع الجهال يبحث خفاها
ليت الولي سواه في صورة الجان=كان أستعيذ بقدرته ويخساها
مار البلى شيطان في صورة انسان=يمشي مع أهل الدين لو هو وراها
ولا قمت أبى ابرر تصاريف غلطان=وأهل الفتن بالشرع تاخذ جزاها
ولا عندنا من فرق في فلان وفلان=ولو هي من العتبان نلعن ثواها
حنا عتيبه مجدنا سنان وعنان=في صفحة التاريخ كل "ن" قراها
حتى غدانا للتواريخ عنوان=في ماضي الأيام واللي تلاها
واللي يبا ياخذ على القول برهان=أهل الحجج لا بد نشقر عصاها
حرب الرشيد فيوم نخوة اغزالان=قصة وفا يا قوم محد "ن" نساها
ومن عهد أبو تركي ليا العام للآن=رحلة وفا وانجاز كل مشاها
واليوم أبو متعب ملكنا ..وسلطان=في حكمهم والدار نرفع لواها
لا جا نهار "ن" فيه عج "ن" وبركان=أرض الوطن كل القبايل ذراها
وليا ظهر بياع داره وخوان=من فوقهم لا شك ندرج رحاها
والخس يخسى ولا خسى كل من كان=ينكر على المخطين حزة خطاها..!!
شيطانكم يا مطير قدام الأعيان=له شامة فالوجه بين مداها
يضحك مع الجلاس من منطق لسان=والحيه أم قرون بشته كساها
ولا أقول أنا علام باللي فالاكفان=وأرض الولي لا شك يستر ثراها
مار الصدور قدور في بعض الأحيان=وفوح القدور السود يكشف غطاها
وكان الرجال رجال لا تمد نقصان=وكان الرجال رجال تحشم لحاها
وعتبان مع مطران.. مطران عتبان=ومطران مع عتبان ما أطيب نداها..!1
جيران رفقة روح وأنساب وأخوان=واللي يعرف مطير يعرف غلاها
ورجل يبا تفريق طلقين الأيمان=فعله ردي.. والعين سبب عماها
خوة رجال الطيب لولو ومرجان=ولو هي براس المال كل"ن" شراها
والخس جنب الثوم في كل دكان=بأرخص ثمن فالسوق كل قناها
بشتك حساوي يا أسود الوجه لو بان=له لمعة فعيون مثلك لقاها
ويا من يودي العلم لديار شقران=دار الدويش اللي يميز رداها
ويلقى مع أهل الطيب شكره وعرفان=وحبة خشم بالطيب تاتي قفاها
ويقول له لا شاف فالدار فيران=تنوي هدام السد ,, يقضي علاها
وحنا مع المطران للطير جنحان=يكفخ بها لا قام يرقب سماها
وتمت وصلوا عد ميلات الأغصان=على شفيع الخلق ساعة شقاها

آخر تعديل عايض بن زوير يوم 27-Jun-2008 في 11:39 PM.

[ابن طامي]

والخس يخسى ولا خسى كل من كـان
ينكر على المخطين حزة خطاهـا..!!
شيطانكم يـا مطيـر قـدام الأعيـان
لـه شامـة فالوجـه بيـن مـداهـا
يضحك مع الجلاس من منطق لسـان
والحيـه أم قـرون بشتـه كسـاهـا

انشهد انك صدقت

وبيض الله وجهك ..

جيران رفقة روح وأنسـاب وأخـوان
واللي يعرف مطيـر يعـرف غلاهـا
ورجل يبا تفريـق طلقيـن الأيمـان
فعله ردي.. والعيـن سبـب عماهـا

وحتي في هذي والله ماكذبت


وما اقول الا بيض الله وجهك على هالقصيده

وكفو

وونعم فيك

[قادح شرار]

يا سلام سلم .

صح لسانك يا عايض , ولا فض فوك يا بن عمي .


تقبل مروري وتحياتي لك .

[عايض بن زوير]

رويس مصده



صح بدنك ولا عليك زود


؛؛




قادح شرار

صح بدنك





ولا هنت ولا هان مرورك





::

[فهد صقر الغنامي]

والخس جنب الثوم فـي كـل دكـان


بأرخص ثمـن فالسـوق كـل قناهـا


يستاااهل الخس يستاهل اللئيم




سلــــــــــــــــــــــــــــــــــــــــــمت يميــــــــــــــــــــــــــنك يابن العم


وصح السانك


كلام عليه الكلام ويستاهل من يحط نفسه في هالمواقف



تحيتي

[سفن اب]

صح لسناك قصيده جزله وصدقت في الخس والله يعطيك العافيه....

[ابو عطا]

ورجل يبا تفريـق طلقيـن الأيمـان
فعله ردي.. والعيـن سبـب عماهـا

صح لسانك وبيض الله وجهك ..

[ناصر العصيمي]

صح لسانك يالمقاطي

[عبدالله الجـــذع]

مار الصدور قدور في بعض الأحيـان
وفوح القدور السود يكشـف غطاهـا

عايض
ماشاء الله عليك
صح لسانك وراسك يالذيب
قصيده جزله من راس جزل
محبك
.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[/عبد العزيز الجذع/]

الله الله..



صدقت يالذيب..

وصح لسانك...