اختيار تصميم الجوال
|
|
|
« آخـــر الـــمـــشـــاركــــات » |
أدوات الموضوع | انواع عرض الموضوع |
|
10-Jun-2011, 07:30 PM | رقم المشاركة : 1 | |||
|
((مطير وعتيبه )) .. بين العتيبي والمطيري صداقه .. من عصرنا الاول الى وقتنا الحين
السلام عليكم ورحمة الله
عندما رايت ان هناك من لاتعجبه العلاقه الطيبه والمتميزه بين قبيلتين عزيزتين متجاورتين قبيلتي مطير وقبيلة عتيبه ويثير النعرات والعصبيات الجاهليه واشعال الفتنه خاصة في بعض المسابقات الشعريه وغيرها ، جادت قريحتي بهذه الابيات : بين العتيبي والمطيري صداقه ... من عصرنا الاول الى وقتنا الحين اخوان فالاسلام ربع ورفاقه ... وهذا طبيعي فالعرب والمسلمين واللي مشكك في وثوق العلاقه .. يروح للدوشان والا الرباعين ينشد شيوخ المعرفه والعراقه .. ويلقى الجواب اعلوم زينن على زين واللي مضى من جهل والا حماقه .. كانت قبل مايدخل الناس فالدين كانت تقوم المعركه لاجل ناقه ... كان السبب فيها اضعوف ومجانين اكبر فخرنا ديننا واعتناقه ... شريعة محمد بها العدل واللين جيران مااحد خان جاره وباقه .. غير النسب معروف بين الاصيلين عدونا ماهو على اسم البطاقه ... عدواننا هم اليهود الملاعين ولو كان فيه اشخاص فيهم صفاقه .. يبقون دوم ايسار والعالم ايمين لمطير وعتيبه ثمانين باقه ... من الزهور اليانعه والرياحين هدية ن لاهل القلوب الرقاقه ... يستاهلون الطيب قومن كريمين الطيب فيهم يعشقونه اعشاقه ... ولاهي غريبه فالرجال الشجيعين اعلومهم جزلات ماهي ادقاقه ... الله خلقهم روس ماهم كراعين حذرا منافق ما تبين نفاقه ... يبي يخرب بينكم يالنظيفين يجيه على ضر الاجواد فاقه ... خبيث طبع ورفقته للشياطين العز والنوماس قايم اسباقه ... وكل القبايل والنعم بالملايين الخير نفتح له ثلاثين طاقه ... والشر نغلق بابه ويبطي اسنين |
|||
|
|
11-Jun-2011, 01:51 AM | رقم المشاركة : 2 | |||
|
ياسعود ابن عيد ماعلاكم زود ولك مني مائه وثمانون نعم عدد الابيات التي كتبت وانشالله يجيك الرد مني او من احد الشعار
|
|||
|
|
11-Jun-2011, 02:22 AM | رقم المشاركة : 3 | |||||
|
سعود العضيله صح لسانك وبيض الله وجهك
تحيتي
|
|||||
|
|
11-Jun-2011, 02:37 AM | رقم المشاركة : 4 | |||
|
ابن حشيان
حياك الله و نعم حالك وبيض الله وجهك على هالكلام الطيب انا ماقلت القصيده ادور رد الله يسلمك انا كتبتها لاني اشعر بالفخر والاعتزاز بعلاقتنا الطيبه مع بعض واخوتنا وجيرتنا ولاهي غريبه |
|||
|
|
11-Jun-2011, 02:39 AM | رقم المشاركة : 5 | |||
|
ياصح الله لسانك وفكرك ياسعود
اشهد بالله انك كفو وقصيدك كفو وموقفك يستاهل من يشيد به وفعلا القبائل هي كذلك ما بينها الا الطيب بوجود العقلاء ويجب عدم السماح للمراهقين وصغار العقول بتعكير هذه العلاقة القبائل قوة في اتحادها تحت مظلة الدين والدولة حماها الله .. والامور المشتركة والعلاقات الوثيقة ومآثر الطيب هي التي يجب ابرازها ويجب التغافل عن احداث الفتن التي كانت بأسبابها بمافيها الجهل وقل الدين وانتشار الجوع والقحط. اتمنى تسود هذه الروح وتستمر هذه المساجلات وصدقوني ستغير الكثير خاصة في عقول النشء دمتم بخير اخي سعود |
|||
|
|
11-Jun-2011, 02:39 AM | رقم المشاركة : 6 | |||
|
بناخي الايداء
صح بدنك اخوي ووجهك ابيض ماعليك زود ومشكور على المرور |
|||
|
|
11-Jun-2011, 10:48 PM | رقم المشاركة : 7 | |||
|
صح لسانك وكثر الله من أمثالك مهما حصل نبقى إخوه يجمعنا دين واحد ينفي كل مظاهر العنصريه |
|||
|
|
11-Jun-2011, 11:15 PM | رقم المشاركة : 8 | |||
|
الاخ العزيـــــــز سعود العضيله
انت من روس ريجيل ماهي بغريبه عليكم العلوم الطيبه.. وكلامك يدل على طيبك وشجاعتك.. وحنا ومطير تحت راية لا اله الا الله محمد رسول الله.. انساب واخوان وربع وجماعه.. مافيه احدن دون احد.. وجعل عمرك طويــــــــــل ياسعود وصح لسانك.. وتقبل تحياتي واحترامي لك ولامثالك من اهل الطيب.. |
|||
|
|
12-Jun-2011, 01:01 AM | رقم المشاركة : 9 | |||
|
صح لسانك يالعضيله وهذاء الصحيح الواقعي والمثل قال// أنتجمعنا على الدين والطاعه "" ونتفرقنا دروب الله أوساعي |
|||
|
|
12-Jun-2011, 03:22 AM | رقم المشاركة : 10 | |||
|
فهد الزهراني
حياك الله وصح بدنك وماعليك زود اشكرك على مداخلتك الراقيه وكلامك الطيب الجميل ولاهو غريب منكم الطيب يابني زهران اتفق معك فيما قلت والله يديم الامن والامان والمحبه بين الجميع |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|