يا فقر قلي وش تبي من ورانا...زودٍ على فقر الدراهم فقـر دم

[ابن صنهوت]

اليكم هذه الدره

يا فقر قلي وش تبي من ورانا=زودٍ على فقر الدراهم فقـر دم
ما حاشت ايدانا غدابه عطانـا=تبذل ولا نحسب ايدينا عطت كم
ولا به رصيد عندنا من بدانـا=الا الفعول الطيبه وخشية الـذم
ولو ان تسلف للغداء مع عشانا=نصبر ولو أحوالنا كلهـا هـم
والضيف ليا منه لفانـا وجانـا=نفرح ويبشر بالكرامه ويكـرم
بالدين والا بالسلف من حدانـا=ويروح مبسوطن وبالذكر نغنـم
في عيالنا نزرع عوايـد ابانـا=نبقا ونحيا مـا بقينـا ونسلـم
فقر لو يظلم علينـا سمانـا=رجالنا بالجود والطيـب يهتـم
البخل ينبذ ما يجي فـي نحانـا=والجود نسعى له وبالخير يقـدم
يا فقر لو با الجور همك وطانا=وهاماتنا ما تنثني لـك نكـرم
نشوم عن فعل الردا والهوانـا=ونروم لفعول تنومس بني عـم
وليا منحنا الوقت منـه خذانـا=الطيب والشيمه ومع الحزم نحلم
يا فقـر بالله لا تـزود عنانـا=أرحل لعل من الغنا الحال ينعم
مدامنا بالعمرو نمشي أخطانـا=وليا رحلنا عندك الأرض به عم

سعد بن جدلان

[محمد العضيانـي]

قصيده جميله ...و شاعر كبير ومتالق

ابيضوجه ابن صنهوت

[ابن صنهوت]

المشاركة الأصلية كتبت بواسطة محمد العضيانـي

قصيده جميله ...و شاعر كبير ومتالق

ابيضوجه ابن صنهوت

ووجهك ابيض يا ماجد لاهنت على المرور

[& محمد خالد القحطاني &]

مشكور على النقل قصيدة جزلة ودرة مثل ماتكرمت



لاكن ابيك تتأكد من صحة راعيها

[فهد علي العازمي]

القصيـــــدة للشــــاعـــــر : فهــــد عـــــافــــــت

وهي مشهووووووورة وليســـــت لأبن جدلااااااان

[& محمد خالد القحطاني &]

ابو علي الله لايهينك مالك لوا القصيدة جنوبية وعلى ما اعتقد انها للشاعر



زامل السبيعي

[ابن صنهوت]

لاهنتوا على المرور اما القصيده فهي للشاعر سعد بن جدلان عندما مرض وذهب للمستشفى وقاله الدكتور معك فقر دم فقال هذه القصيده