طاروق ساخن جداً بين عبدالله بن عتقان وحبيب العازمي
:
:
عبدالله بن عتقان
ياريس مركز الحره وش اخبارك وكيف الحال =وش اخبارك وكيف الحال والعمله سعوديه
ياقولون الفتن ثنتين منها فتنة الدجال =وانا خايف حبيب يطلع الدجال يازيه
حبيب العازمي
انا شاعر وريس واضرب الرجال برجال=وجايب لي كلبشات(ن) جديده للحراميه
والا ياسليم فيكم عبرة(ن) من ماضي الاجيال=بشر لكن فيكم شكل لاذيه ولا ذيه
عبدالله بن عتقان
توسط لك هذا الشايب وكمل له خلف هذال=على منصب حكومي مامعه حسنه ولا سيه
والا ياحبيب الروقي ترى النيات بلاعمال=لكن اركد مع اصحابك سليم وتصلح النيه
حبيب العازمي
ترى ما هو بصادق وان ثبت عدوني الفنجال= هذا مستور حاضر والله انه ما فزع ليه
والاياسليم دام الارضي باقي والجبال جبال= نواياكم على الحبلين والسرعه جنونيه
عبدالله بن عتقان
انا رجال صادق ما يهرجكم بقيل وقال=بدون الواسطه نعرف شهادتك ابتدئيه
ليمنا قرينا سورة الكوثر مع الا نفال =نعرف اللي يابو فيصل معه تسعين جنيه
حبيب العازمي
صحيح الواسطه تمشي لمثلك او حدى الاطفال=انا خابرك تدرس في مدارسك الخصوصيه
ياعبدالله هداك الله ترى هرجك هذه خبال =لكن اللي تضويها على راسك ماهي فيه
عبدالله بن عتقان
ياكبر الكلمه اللي ياحبيب تزعل العقال=وراك تزهب البندق وترميها سماويه
ثلاث ابراج بديره وعي يمسك الارسال=لكن محتفظ بسرارها مارسلت برقيه
حبيب العازمي
ياكبر البيعه اللي جبتها والسعر نص اريال=وهذي غلطتك تبغى تشيرط مع شريطيه
هذا والله خطى لكن راجع شركة الجوال =وقول اسليم معزوله عن الارض الجنوبيه
عبدالله بن عتقان
تباها بالحقوق اصبر شوي ونطرح المعدال=ويكفيني كلام الشيخ ياروق الافنديه
ثمان اسنين تهرج ياحبيب والخطر لازال =ومن يسلك طريق السيل مر مع اليمانيه
حبيب العازمي
ليا راحت لفرض الحق ما غادي لنا مثقال=وابو مشعاب قاضي بقيل مار انتم دملكيه
الي عشرين عام ولا شكيت الحل والترحال=حرامن من حزامي في عدوي لجود الكيه
عبدالله بن عتقان
احد ياقف على قوه واحد ياقف كما التمثال=وكلن ياحبيب فيه بين الناس ماريه
من اللي جالها رجلي من اللي جالها خيال=من اللي بس عايش لو على قطة عزوبيه
وتقبلــــــــــــوا وافر التحيه،،،،
،،،،،،،،،،،،،،،،،،،،،،،،،،
التوقيع |
التوقيع
محمد الذيابـــي |