مـعـركــة الرشــاويـه ،،،، بين عـتـيبــه ومطيــر.

[صقر حرب]

المشاركة الأصلية كتبت بواسطة ذيب عتيبة

ابك عين خير ياولد زيدان ......... اهتم في شؤون قبيلتك وبس ......


وسوف ارد على سؤالك حتى لاتتهمني بالهرب او العجز عن الرد ......



شقوا البيت والبيت مافيه غير الورعان والنسوان ............



وحنا شقينا كبودهم بالرمح والسيف ...........



ويكفيك عجوز من عجزنا ذبحت فيهم قوم وخذت غنايمهم ........


ابك ثاني مرة اسكت لا تفضحهم ........ وهذا للايضاح

اخوووووووك ذيب عتيبة

السلام عليكم ورحمة الله وبركاته

اخي ذيب عتيبه.....محد ينكر قبيلة عتيبه
واقول وسبعة انعام
ولكن الم ترى ان في ردك على احد الاخوه القسوه انا لا انكر هذه الواقعه
ولكن لكل قبيله امجادها.....
كما ان قبيلة حرب هزمت في هذه الواقعه ففي غيرها هزمت قبيلة عتيبه
ولكن لم يجبرني ان ادخل بالموضوع الا بسبب الردوود التي اراها
ولكم مني اجمل التحايا يا عتيبه


واعتذر ان كنت قد قسوت بالرد

[راعي الصفراء2008]

والله والسبعة انعام بحرب

والسبعة انعام بعتيبه

وربعي ماني مادحهم معروفين لديكم


ونتهت الرشاويه بخيرها وشرها وبقيت الصداقة والجيره والحسب والنسب بين هذه الثلاث قبائل


ولكم مني كل الحب والتقدير

[عبدالرحمن الهيلوم]

المشاركة الأصلية كتبت بواسطة راعي الصفراء2008

والله والسبعة انعام بحرب

والسبعة انعام بعتيبه

وربعي ماني مادحهم معروفين لديكم


ونتهت الرشاويه بخيرها وشرها وبقيت الصداقة والجيره والحسب والنسب بين هذه الثلاث قبائل


ولكم مني كل الحب والتقدير

لافض فووووووووووووووووك

[عابر الصعبات]

مساكم الله بالخير يااخوان لو سمحتوا ماوضع منتدى القبيلة الا للفائدة وياخوان اريد اعرف عن حقائق معركة (الرشاويه و عرجا) . لان هناك اشتباة بين المعركتين ؟
واريد اعرف تفاصيل المعركتين وعن اسبابها ومن قادها ومن من القبائل داخل القبيلة شاركة فيها واي عطفة التي دخلت المعركة واريد تفاصيلها وقصائدها وفي اي سنة ؟؟؟؟

آخر تعديل عابر الصعبات يوم 12-Feb-2008 في 01:50 AM.

[نجر بن هاجد]

والله انكم فاضين اجدادكم ماتو وانتم تكلمون عن المعارك حنا عام 2008 اصحى يانايم وشكرا

[عابر الصعبات]

اولا احب امسي على كل من قرآ مقالتي ولا هنتو وثاني شي ياناس الكلام اللي ماله داعي ماله داعي احنا هنا فاتحين موقع تتجمع فيه القبيلة وتستطلع على التراث وعلى الانساب وعلى كل شي يتعلق بالقبيلة والتراث مطلب مهم في الوقت الحاضر ولا يمنع انك تستطلع على تراث اجدادنا ولا هو حرام والكلام على التراث والتاريخ افضل من الكلام الغير لائق وافضل من كلام النميمة والشتم والحقد والغيبة والواحد يذكر افعال اجداده ويتابع تاريخهم اذا كان اجداده اصيلين ولهم اصل وطيبين وشجعان ولهم فعل يذكرهم اما اذا كان اجداده مالهم اصل ولالهم فعل ورخوم تلقاه دايما مايحب التاريخ ولا يحب له طارى /// والكلام اللي ماله داعي ياخوان ماله داعي ا بس انت (يانجر ابن هاجد) تلقف السالفه ولاتعرف تتكلم وهذا االلي وصلت له انك تقول انهم ماتوا وحنا في عام 2008 طيب تقدر تقوللي يااخوي نجر ابن هاجد وش سويت حاليا في عام 2008 وجودك كعدمك وش سويت اخترعت صاروخ ولا صنعت طيارة بس جالس على النت وحتى ماتعرف تشغله وجلست تنطل كلام ماله داعي (((وبعدين الكلام على التراث وعن الاجداد وعن التارخ ابرك من كلامك ذا اللي تقوله يعني اللي يتكلم بالتاريخ افضل من اللي يتكلم على الناس بالسب والنم والقيل والقال والغيبة والنميمه اتق الله في نفسك يانجر وخلك في نفسك ولاتلقف السوالف وانت مو قدها ؟؟؟؟؟؟ عندي قصيدة بمناسبة الموضوع اللي كتبته ////

هذي القصيدة الاولى == اوجهها للي يدخل بالسالفه وهي مهي له ولا هو كفو تجيه السالفه\\
والله ماانام ويرتاح بالي _____ الا اذا ماقام يزقر فحلها
يزقر وتتليه البكار الغوالي ______لاقام نار الربع يوفي شعلها
بمجلس والربع حسبة رجالي ______والسالفة لاجت محد شقلها
ترى السوالف يوم جت مجالي _____ خسارة تعرض على غير اهلها
هذاك ماينفعك في كل حالي ______ وايضا من مثله بعد منه والها
يالله عساة لمظلمات الليالي ______ ونفسه لعل الله يعجل باجلها
---
القصيدة الثانيه اوجهها للي يقول ان التاريخ ماضي ولا منه فايدة///

النصح والارشاد وعلوم الاجداد _____ وقصص رجال طيبين قديمه
وابيات شعر مرمسة كنه جداد _____ فيها حكم وامثال ناس عظيمه
وتراثنا اللي كان من عصر كنعاد_____ واسماء رجال تشتهر بالعزيمة
وافعال قوم كلها عزم واجهاد _____ صارت لهم يوم الكسب والغنيمة
وانشد وتلقى الاستقامة يانشاد _____ يكفيك لامنك لقيتالوسيمة
بديار الهيلا مداهيل الاجواد _____ دار الرجال اهل الوجيه الكريمه

[نجر بن هاجد]

وانت يعني الي حررت القدس كلنا في الهواء سواء وعيب عليك تقول الكلام هذا ثاني مره حنا مسلمين

[فيصل البرقاوي]

مشكور يالغالي

[متعب العقص]

المشاركة الأصلية كتبت بواسطة سعوط المجانين

منقوله من مجالس العتبان


بسم الله الرحمن الرحيم


نتكلم عن معركة الرشاويه التي وقعت بين عتيبه ومطير وقيل ان قبيلة حرب في ذلك اليوم مع مطير على عتيبه

حشدت قبيلة مطير الرجال والفرسان على عتيبه ونزلو على الرشاويه وكان الشيخ محمد بن هندي داهية عتيبه ومن معه من برقا على الرشاويه حيث انهم شاهدو الجمع الغفير من مطير وارسل الشيخ ابن هندي للروقه يستفزع بهم حيث ارسل الى مارق الضيط وكانو الروقه في ذلك اليوم ليس بالبعيد عنهم بل كانو على القاعيه وكان الشيخ ناصر بن عقيل شيخ ذوي خيوط من الدعاجين قد نزل على مارق الضيط ومعه خمسة عشر خيال من الخيوطيه فقط.
اتى المرسول الى مارق الضيط وقد حمله الشيخ ابن هندي ابيات الى مارق حيث كان بينهم علاقه قويه.

يقلو
سلام يامني وانا له *** من دون الأقصى والقريب

اليا صفا جالي وجاله ** ماعندنا فالي حريب


وقد التفت مارق الى ربعه حيث ان في ذلك اليوم رجالاً من كبار الروقه حاضرين في مجلسه وش رايكم ابن هندي يستفزع بنا..قال البعض منهم حنا مقابلينا بكره قوماً لضيه وابن هندي يبي يفتك من مطير : فغضب مارق منهم وقال للمرسول رح لابن هندي وقل حنا بكره مع طلعت الشمس وحنا عنده.
وفزعو الروقه الى بن هندي وكان ناصر بن عقيل معهم بجماعته..
حضرو في ذلك اليوم وبدأت المعركه بينهم عتيبه عموماً برقا والروقه بقيادة محمد بن هندي بن حميد ومارق بن صنيتان الضيط ومطير بقيادة الدويش
وفي اخر النهار بفضل الله ثم بفضل ابطال عتيبه من فرسان وشيوخ انتصرو وكانو قد قتلو ماجد الدويش وعدداً من فرسان مطير البارزين

قيل في هذه المعركة قصيده قالها الشاعر نامي بن ثعلى

القصيده طويله وارجو من الأخوان ارادها كامله

يقلو نامي واصفاً المعركه

ورد الراي منهم للثنين **حراراُ بالأمور مجربين ** قاصرت اليدين الطايلات

ابو بدر لطام الحريب** مشبع بالمعارك كل ذيب** ليا جت صادراتاً واردات

وناصر شوق ميال الردون** ليا جو للقوافل يدفعون ** وجت الخيل بالبس ادقلات

وماجد طاح من مارق شمام** يوم الخيل غاطيها عسام **والاهاوي والعزاوي حاميات

وهجو من جنابه فرقتين ** ايمنهم وطا خشم القرين ** وايسرهم وطا خشم اكبشات

الشاعر ذكر بن هندي في القصيده ولكن لا يحضرني الأن
المقصود في الأبيات ورد الراي مهم يالثنين هم ابن هندي والضيط
ابو بدر هو مارق الضيط

ناصر هو ابن عقيل الدعجاني

ماجد الدويش قتله مارق الضيط

يقول احد الشعراء
وطاح ماجد شيخ علو قويين السطر ** من يمين الشيخ مارق وثارينابها

وبقبلو تحياتي

واسمحولي ان حصل تقصير فجلا من لا يسهو

مساء الخير ياصعوط المجانينن وكل من يقراء مشاركتي المتواضعه الا انني وللأسف كانت لي مشاركه سابقه في هذا الموضوع وحذفت ولاأدري عن سبب حذفها واخاف ان تكون قاعدة (ان لم تكن معي فأنت ضدي) مطبقه في هذ المنتدى ولاكن نرجع للموضوع وحسب ماذكرو الأخوه من المصادر الموثوقه ان المعركه بين قبيلة حرب وقبيلة عتيبه ومطير انما هو مدد فقط هذه المصادر فنقول ان قبيلة مطير انما كانت مدد ولم تشارك في المعركه الا حصار ايام وبعد ذلك قام مشايخ القبيله باجتماع وأقنعو الدويش بعدم الدخول مع حرب لان قبيلة مطير لم يضيع لها شيء عند عتيبه وكانت المعركه بين حرب وعتيبه وشق فيها بيت ابن هندي من عتيبه وبعد انتهاء المعركه بدأشعار عتيبه كما هو متعارف عليه بالقصائد ومنهاقولهم :

عنه الدويش محدرينه للقصيم **********ماهو بحربي نفخ ذربه يباه

فهذ البيت لم يصدق قائله ورد عليه الدويش بقوله:
وادي الرشا ماهو طماعه ياغشيم **** ألا ليا من أختلط عشبه وماه
نجيه لو طويق من دونه مقيم***** وبسيوفنا نرعى الحنابج من وراه
أرجو عدم حذف الحقائق ودمتم

[عتيبـــــ ولد ــــــــة]

المشاركة الأصلية كتبت بواسطة متعب العقص

مساء الخير ياصعوط المجانينن وكل من يقراء مشاركتي المتواضعه الا انني وللأسف كانت لي مشاركه سابقه في هذا الموضوع وحذفت ولاأدري عن سبب حذفها واخاف ان تكون قاعدة (ان لم تكن معي فأنت ضدي) مطبقه في هذ المنتدى ولاكن نرجع للموضوع وحسب ماذكرو الأخوه من المصادر الموثوقه ان المعركه بين قبيلة حرب وقبيلة عتيبه ومطير انما هو مدد فقط هذه المصادر فنقول ان قبيلة مطير انما كانت مدد ولم تشارك في المعركه الا حصار ايام وبعد ذلك قام مشايخ القبيله باجتماع وأقنعو الدويش بعدم الدخول مع حرب لان قبيلة مطير لم يضيع لها شيء عند عتيبه وكانت المعركه بين حرب وعتيبه وشق فيها بيت ابن هندي من عتيبه وبعد انتهاء المعركه بدأشعار عتيبه كما هو متعارف عليه بالقصائد ومنهاقولهم :

عنه الدويش محدرينه للقصيم **********ماهو بحربي نفخ ذربه يباه

فهذ البيت لم يصدق قائله ورد عليه الدويش بقوله:
وادي الرشا ماهو طماعه ياغشيم **** ألا ليا من أختلط عشبه وماه
نجيه لو طويق من دونه مقيم***** وبسيوفنا نرعى الحنابج من وراه
أرجو عدم حذف الحقائق ودمتم

أكبر عليكم يا مخليت الرديف