قصيدة رثاء للشاعر بندر بن تركي الشيباني في امير الحفاة عبدالمحسن التوم رحمه الله..

[ابوخالد خاص]

هذه قصيدة قالها الشاعر بندر بن تركي بن هليل الشيباني يرثي فيها امير الحفاة عبدالمحسن التوم رحمه الله قد عثرنا عليه في ارشيف الشاعر لم تظهر للنور ..

اترككم مع القصيدة

..

خبر هز القبيلة كلبوها روق مع برقا = وتداعت له نفود السر واللي ساكناً فيها
وانا بكتب عزاي لمن تذوق لوعة الفرقى = بعد فقد الامير اللي حقوق الناس يوفيها
بعد فقد الامير اللي عليه قلوبنا حرقى = تبكيه الديار اللي رحل عنها مخليها
بكى ضلع الينوفي مع سجا والعبلة الزرقاء= وبكت كل السروك ونجد هلت له عباريها
وتبكيه القبيلة كلها في الغرب والشرقا = ولابه عين تعرف سيرته ماهوب يبكيها
كثير اللي رحل مير المواقف بينها فرقى = ابوغازي قلوب الناس من فرقاه يدميها
ابوغازي عليه عيوننا من دمعها غرقى = واثر دمع العيون ليا انتثر بالحيل يحفيها
وانا والله لابكي ياعلي واجاوب الورقاء = بعد تركه فراغات علينا كيف نمليها
والا ياموت مااسرع تسرقه من بيننا سرقا = عيون اللي يحبونه علامك ماتراعيها
كم انقذ من رجال في المصايب والدهر غرقا = ذرى كل القبيلة بعد غادر من يذريها
وعزانا في عيالاً بعد ابوهم للعلا ترقى = تعلوا في رجوماً كان ساكن في علاويها
عسى الله يرحمه في موقفاً يوم امته شرقى = ويسكن في جنان الخلد ياكل من ثماريها.

تحياتي

ابو خالد

[ابو فاطمه]

صح لسانك ولسان الشاعر بندر تركي الشيباني

وفعلاً الشيخ عبد المحسن التوم فقيدة ةعلى القبيلة كلها وتغمدة الله برحمتة ابو غازي


وتقبلو تحياتي

ابو فاطمه

[ابو نايف الحافي]

صح لسان الشاعر بندر الشيباني

ومهماقيل في ابوغازي فهو شخصية نادره لا يمكن ان يوفيه حقه شاعر او كاتب

رحم الله ابو غازي لقد فقدت قبيلة عتيبه علما من اعلامها البارزيين وركن من اركانها المهمه

مشكور

ابوخالد علي النقل

ودمت بود

تحيــاتــي

سلطـــان الحــــافـــــي

[ابوخالد خاص]

صح ابدانكم والله لايهينكم

ومشكورررررين على مروركم الكريم

|--*¨®¨*--|تحياتي ابو خالد|--*¨®¨*--|

[أبوثنتين]

رحم الله الامير / عبدالمحسن التوم رحمة واسعة


وأدخله فسيح جناته




فعلاً هذا البطل فقيدة على القبيلة



ولن توفيه القصائد الشعرية حقه من حيث سيرته الطيبة ومواقفه المشهودة



وصح لسان الشاعر/ تركي الشيباني


على هذه المرثية المعبرة



لاهنت اخوي

[ابوخالد خاص]

صح بدنك اخوي


ولاهنت على مرورك

[ولدعساف]

رحم الله الشيخ / عبد المحسن التوم .. وصح لسـآن بندر الشيباني !!

,,

لاهنت ع النقل !!

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها