اكتب اجمل بيت قالته عتيبه

[.@.صقر عتيبه.@.]

السلام عليكم..

احيي اعضاء منتدى عتيبه وهذي مشاركه بسيطه في هذا المنتدى الرائع وانشاءالله تنال استحسانكم ....

ياليت لو كل واحد منكم يكتب اجمل بيت قاله شاعر من شعار عتيبه (من وجهة نضره) في اي مجال سواء كان غزل ولا فخر ولا رثاء ولا هجاء وغيره...


وانا بااكون اولكم:

بيت الشاعر الكبير فيحان الرقاص

ربعي عتيبه من العارض الى الحره
سقم المعادي الى جاء العلم مردودي

[متعب الدله]

هذي مشاركه بسيطه اتمنى تكون هالابيات من اجمل ابيات شعار عتيبه
وهي للشاعر (الديري بن هزاع الثبيتي)

لو كل مخلوق يطيع امر واليه **** منين لجهنم يوم تفتح ملاها
.................................................. .................................................. ............................

الحمدلله يوم ربعي عزيزين **** اطا على روس الجنون ولا اسمي
.................................................. .................................................. ............................

الشين وجه الذيب ويرثع بالأنزال **** والزين للعذرا وهي ماتوالي
.................................................. .................................................. .............................

ليا صرت لامتاحي ولا مـــــــوده **** عندي دهــــرها والربيه امتساوي
وان غاب عني من عيوني تــوده **** ماعنــــدي ازين من جلوسي خلاوي
كــــم هارج في شي ولاهو بقـــده**** يحــــط له فن قــــوي ودعــــاوي
ماهو بزين ليا تكلمت ضـــــده **** وليا ســكت اثر بكــــبدي مــــــــكاوي
يد(ن) تهده خير من اللي تشده **** وعنه السعه كان انت للنفس قاوي

[متعب الدله]

واضيف هالابيات لنفس الشاعر (الديري)

حنا هـــــل النـــــوماس مابه مدراره 00000 ولاتزعلون لياتكــلمت بمــــــصـيب
ليا مشــــينا في لــــزوم قـــــضيناه 00000 وان جا الملاقا نشبع الطير والذيب
ماهي هروج(ن)بالمجالس مسواه 00000 هرج(ن)صدق مضى له تجـــاريب


مع تحياتي

[تركي الزيادي]

ابيااات اعجبتني من الشاعر براك الزيادي


يقول


البلد مادهــوره غيـر الغشيــش ...... وان نشدته جاوبك ياخوك عش
ياهجوسي بسألك ياكيف وليش ..... اكتب ابياتي وديبان توش
الـزمـن ماعــز ياكـود الكـديــش ....... والخبل لامن تكلم قله اش

[مازن]

من اجمل ماقرات
لبندر بن سرور يرحمه الله وهو عن تفاوت طبائع الناس

احد ينام وحط راسه بكمه=واحد تخم النوم عينه وتخطيه
وا حد يحاول بالردا بنت عمه=واحد يحاول ستر عذرا عوانيه
تخالف الانظار شرق ويمه=كل هدف رايه من الناس مرضيه

وللجميع التحية والتقدير

[أبو الوليد]

فكره رائعة
القصايد كثيرة .. والملاحم التي قيلت في عتيبة مالها عدد ..
لكن فيه أبيات في عتيبة شاملة كاملة ..
وقد اخترتها من قصيدة للشاعر / عواض بن معيض الخديدي
واخترتها لكم من باب التنويع في أنواع الشعر :

عتيبة فـي مواققهـا عمـوم = هل البيرق ليا جـات اللـزوم
تطا الأخطار في برد وسمـوم = وسهم الحظ حبـل الله يقـوده
من اقصى نجد لاضلع السراه = ومن جودا ليـا سـد الحـلاه
تريِّعْ كـل غـاوي فـي وراه = وكلٍّ حظـه يبـاري سعـوده

تحياتي

التوقيع

https://twitter.com/abalwled عَظيمةٌ أنتِ يـا أرضَ الرسَـالاتِ = يا مهبطَ الوحي فِي خَتْـمِ النبـوَّات أنْتِ السُّعُوديَّةُ العَلْيَـاءُ فِـي شَمَـمٍ = تَعْلُو عَلَى كُلِّ مَنْ تَحْـتِ السَّمَـوَاتِ