الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات العامة > منتدى أخبار القبيلة

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 28-Nov-2014, 06:42 PM رقم المشاركة : 1
معلومات العضو
نايف الهيضل العتيبي
عضو
إحصائية العضو





التوقيت


نايف الهيضل العتيبي غير متواجد حالياً

افتراضي مرثيه في الأمير محمد بن عبدالمحسن بن بدر الهيضل (رحمه الله)

اضغط على الصورة لرؤيتها بالحجم الطبيعي


يـــا الله يـــا الــمـــعــبــود يـــا حـــي قــيـوم

يــا عـــالـــمٍ مــا فــي بــرهــا مــع بـحـرهـا

أجـــبـــر عــزاء شـيـخٍ مـن الـحـزن وهـمـوم

عـــلــى فـــراق اخــوه نــفــســه جـبــرهــا

مـرحــوم يــا شــيــخٍ فـــقــدنـــاه مــرحـــوم

عـــســاه فــي الــجـنــات يـقـطـف ثـمـرهـا

عــســـاه في الـجــنـات مـكـرم ومـحـشـوم

فـــــي جــــنــةٍ عــلــيــا تــجــارى نــهــرهــا

حــــنـــا فـــقـــدنـــا مــقــدم الــقــوم زيـزوم

شــيــخٍ لــيــا مــالــت عـــلــيــنــا قــهــرهــا

يـــــاقــف بـوجـه الــضــد لا ضــدنـا خـصـوم

لـيــا كـبـرت الــدعــوى وقـف فــي نـحرهــا

لا والله الا غــــاب نـــجـــمٍ مـــــن نــــجـــوم

نـجـمٍ عــلــى فـوق الــنــجــوم وحــكــرهــا

الدار عــقــبــه غـــاشـيٍ شـمـسـها غـيـوم

عـــز الله انـــــه غــــاب عـــنــهــا قــمــرهــا

يـبــكــيــه شـيــخــانٍ وفـــرســـان وقــروم

وتبكي الضعـوف الـلـي بـجوده غــمــرهــا

ويــبــكــيــه طـفـلٍ تــوه صـغـيـر مــفــطـوم

وبيض الـعـذارى الـلـي فــراقــه سمـرهــا

شــيــخٍ نــعــت فــرقــاه هــضــاب وحــزوم

وتــنـعــى مـغـيـراء رجـمـهـا مـع شـجـرهــا

لا والله الا راح شــــيـــــخٍ وشــغـــــمـــــوم

ونــاره طــفـــت عــقــب لـهـايـب سـعـرهــا

راع الـشــداد الــلــي قديـــمٍ ومــرســـوم

شداد الامــارة مــــن قــدايــم ســيـــرهــا

امـــارتــه مـاجـــت بــتــرشــيــح وخــتــوم

امــارتـــه مــرزوق لـ مــحــســن ذخـرهــا

الــمــعترض لـيـا قـابــل الـقـوم بــالــقــوم

لــيــا لــبــست قــب الأصــايــل شـهـرهــا

لــيــا جاء نــهــار فـيـه مــثـل هـاك الـيــوم

صـبـاح عــاطــف يـشهـد الـلـي حضـرهــا

وراع الشعيـب ومـا مـضى لـه من عـلـوم

مـحـسـن ولد مـــرزوق فــعــلـه بـاثـرهــا

وســهــاج قال وصــادق الـقــول مــعـلـوم

يــوم الــحــريــبـه مــحسـن اللي أمرهــا

وبدر بـفــعــلـه صــوب الـخـصـم بـسـهـوم

قاد الـجـمـوع واسوار شـقـراء حـصـرهــا

فــعــل الـجـدود بـماضيٍ لــه مــن قــدوم

تــسلسلـت لــه لــيــن حـقـق نــظــرهــا

يـشهد لــهـــم تـاريـخ بـالـوسـم ما سـوم

صـدق الــحــقــايـق مـا تـخـفـت سررهــا

وتــاريــخ ابـــن غــنــام بــحــروف ورقـوم

وابــن بـشر تــاريــخــــه الـلـي ذكــرهــا

وفي درمة الــحــجــاج يــدا لـهـا رســـوم

وفــي عــطفــة الـهـيــلا قـديـمٍ خـبــرهــا

ومــرابــط الــخــيــل الأصايـل بـمـنـظــوم

مــخـطـوطــة الـبـاشـا تــوضــح صورهــا

وحتى الـجنـاة اصبح به الوضع محسـوم

مــــا غــيــرهــم يـذكـر ولا احدٍ ذكـــرهــا

ولـلـضـيـف هـدامــه بــهــا كــل مـــردوم

تــمـــلا مــثــانـــيــهــا وتـعبــا ســفــرهــا

وقـول الــتمــيمـي واضح القول مـعـلـوم

ابن صـــقـــيـــه الـلـي بقـافه نــشـرهــا

والــهــيـــضــلــيــه بــاقـيه دايم الــــدوم

لا مات مـــنهــا شـيـخ بـقى من عمرهــا

مــــن لابـةٍ تــوصــف عـلـى دولـة الـروم

عــتــيــبــه الـــهــيـــلا يـدارى خــطـرهــا

وقــبـــايــلــه مـنصـور للمــاقـف تــقــوم

خـــمـــس الــقــبــايـل وافـياتٍ شبرهــا

والاد مــفـلح عـــزوةٍ عــــزهــا يــــــدوم

تــبــقى دعــاجــيــنٍ وفــاهــا شـهرهــا

والــهــيــضــلــيــه بــاقــيــه دايم الـدوم

وان غـاب نــجمٍ تـبـدي نـجـومٍ سهرهــا

ومــرحــوم يــا شـيخٍ فــقدنــاه مـرحـوم

عـساه في الفردوس يـقطـف ثـمـرهــا



الشاعر / ناصر بن محمد الدعجاني















آخر تعديل نايف الهيضل العتيبي يوم 28-Nov-2014 في 06:50 PM.
رد مع اقتباس
غير مقروء 13-Dec-2014, 03:44 AM رقم المشاركة : 2
معلومات العضو
عتيبة هل الغارة
عضو مميــز
التميز 
إحصائية العضو





التوقيت


عتيبة هل الغارة غير متواجد حالياً

افتراضي

الله يرحم الامير الهيضل ويسكنه الجنه
ويسلم الشاعر على القصيدة















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »02:31 AM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي