معركة وادي الرمه بين دليم بن براك و حجاب بن نحيت

[ناصر الهيلا]

أراد دليم البراك شيخ بني رشيد ان يرعى واد الرمه فرفضت مشايخ حرب ومنهم حجاب بن نحيت زعيم بني سالم وابن ربيق من شيوخ بني عمرو وابن سعدى شيخ الوهوب فشب نار الحرب ابن براك واجتمعو عليه بني رشيد واقسم راع البويضا انه ليرعى واد الرمه عنوه وقهرا وغصبا على حرب وشيوخها فصبحهم في واد الرمه وادرت رحى المعركه فكان نصرا عظيما مؤزرا لبني رشيد فهرب ابن نحيت هو وابن ربيق وصوبو ابن سعدى وسلبو زوجه ابن ربيق وبنت ابن نحيت وشققو بيته أي ابن نحيت بالشبارى واخذو اباعر حرب وحلالها ورعى واد الرمه راع البويضا دليم البراك


وقال الشاعر جرود العريمة :

ياحرب ما انتم حرب ولا انتم حرابه = ويلاه يا رجال السعد والحرايب
ياحرب انتم مثل القصر غاد(ن) خرابه = واللي ينخاكم على الحرب خايب
واد الرمه حمى الرشيدي جنابه =يطيب لكم و الا على غير طايب
يبا لا جا المطر من سحابه = ترعابه الوضح التلاد الوهايب
يالفرم جلونا وسهجو المهابه = والبيض راحت للهتيمي جلايب
يا بن ربيق كيف تنسى صوابه = هجيت يايمنا عن القبض عايب
وعليك منهم يابن سعدى جنابه = بظهورها يوم بهن الدم سايب
رحتم لابن براك مثل الجلابه = يقضي بكم العازات هي والنوايب
وإن كان خلي ما تعـاون كلابـه=يالبيض روحن للرشيدي صحايب

المصدر :
1- فهرست الشعر النبطي ص 124/ للدكتور سعد الصويان
2-مختارات من الشعر في قبيلة بني رشيد/ نجا ملفح بنيان الرشيدي


ورد في احداث 1348هـ


* وفيها قتل شديد الديري من اعيان بني سالم من حرب , قتل في وقائع الاخوان يوم هجاد القريات السابق ذكره , كما قتل في تلك الوقائع رغيان بن سليم البشري و حمدان بن ..؟ البشري ويحيى المويت , وقتل فيه ايضا صنيتان بن سالم بن درع بن صعيقر (2) وكلهم من مزينه .

وورد في الحاشيه

(2) رواية : درع بن سالم بن صعيقر المزيني

المصدر:اشهر التسميات المحليه للسنوات الهجريه
وبعض ما فيها من الاخبار والمواليد والوفيات صفحة 201
للمؤلف/فائز بن موسى البدراني الحربي

آخر تعديل ناصر الهيلا يوم 26-Feb-2009 في 05:33 AM.

[د/ نايف العتيبي]

عفوا هذا النقل لا يستفاد منه

ابحث عن المفيد لك وللجميع

بارك الله فيك

التوقيع

[ابو محمد الدعجاني]

ياحرب ما انتم حرب ولا انتم حرابـه ويلاه يا رجـال السعـد والحرايـب

الله واكبر


لاهنت ياناصر

[ناصر الهيلا]

المشاركة الأصلية كتبت بواسطة ابن غزاي الخظري

ياحرب ما انتم حرب ولا انتم حرابـه ويلاه يا رجـال السعـد والحرايـب

الله واكبر


لاهنت ياناصر

ولاأنت ياابن غزاي الخظري
شكرآ لك

[أبوضاري]

وين راحت حربة الدول
هذا بن براك ونعم والله يغضب عليهم وعلى شيوخ معهم (راع البويضا)ولاعنده في لحاهم هم أصل كانوا تابعة له ويغزون تحت بيرق مثل ماقال الشاعر

ضاعت علوم امحاربة جمع الاتراك=وحصل لكم بين السيـوف انطراقـه
حتـى طلبتـوا عـون ذولا وذولاك=وصرتوا مع اصحاب المهابه الزاقه
بين الدويش وبيـن نايـف وبـراك=كـل ٍ مقيدكـم ابعـقـد اتفـاقـه

ناصر الهيلا
مشكور وبيض وجهه ولاتحرمنا من قصصك الحلوه هذي

آخر تعديل أبوضاري يوم 26-Feb-2009 في 11:55 AM.

[ناصر الهيلا]

المشاركة الأصلية كتبت بواسطة أبوضاري

وين راحت حربة الدول
هذا بن براك ونعم والله يغضب عليهم وعلى شيوخ معهم (راع البويضا)ولاعنده في لحاهم هم أصل كانوا تابعة له ويغزون تحت بيرق مثل ماقال الشاعر

ضاعت علوم امحاربة جمع الاتراك=وحصل لكم بين السيـوف انطراقـه
حتـى طلبتـوا عـون ذولا وذولاك=وصرتوا مع اصحاب المهابه الزاقه
بين الدويش وبيـن نايـف وبـراك=كـل ٍ مقيدكـم ابعـقـد اتفـاقـه

ناصر الهيلا
مشكور وبيض وجهه ولاتحرمنا من قصصك الحلوه هذي

أسعدني مرورك أبوضاري
وشكرآ جزيلآ لك

[الفراتي]

قصة معروفة وقصيدة موثقه .

يوم لك ويوم عليك .

تحياتي الهيلا

[ناصر الهيلا]

المشاركة الأصلية كتبت بواسطة الفراتي

قصة معروفة وقصيدة موثقه .

يوم لك ويوم عليك .

تحياتي الهيلا

شكرآ لك على المرور

[وائلي]

هذه القصيدة قالها مشعان الرشيدي اعتقد انها في تلك الوقعة والله اعلم

من اولً ياحرب حنا نهابكم = نحسب لقاكم بالوطيس عنوز
اثري لقاكم مثل عجً من الوطي = وللضيف ديس من الحليب غروز
حنا الذي بفعالنا يضربها المثل = ولازم عليكم يالحروب نفوز
غرنا عليكم غارتً ترهب العدا= ومضرابنا بالقلب ماهو هوز
وابن نحيت مقطعينً بيته = ورفاف بيته للدلال بيوز
اضعاف للجيران والضيف والخوي = واليا ركبنا الصافنات دروز
عيال وايل والدويش نضدهم = ولا انت يالحربي ولتك عجوز
عيال وايل مثل ابانات فعلهم = ماخبلك يالي للجبال تروز
اما الدويش مجربً بفعاله = افعى على سم الزعاف تحوز

[ناصر الهيلا]

المشاركة الأصلية كتبت بواسطة وائلي

هذه القصيدة قالها مشعان الرشيدي اعتقد انها في تلك الوقعة والله اعلم

من اولً ياحرب حنا نهابكم = نحسب لقاكم بالوطيس عنوز
اثري لقاكم مثل عجً من الوطي = وللضيف ديس من الحليب غروز
حنا الذي بفعالنا يضربها المثل = ولازم عليكم يالحروب نفوز
غرنا عليكم غارتً ترهب العدا= ومضرابنا بالقلب ماهو هوز
وابن نحيت مقطعينً بيته = ورفاف بيته للدلال بيوز
اضعاف للجيران والضيف والخوي = واليا ركبنا الصافنات دروز
عيال وايل والدويش نضدهم = ولا انت يالحربي ولتك عجوز
عيال وايل مثل ابانات فعلهم = ماخبلك يالي للجبال تروز
اما الدويش مجربً بفعاله = افعى على سم الزعاف تحوز

شكرآ على نقل القصيدة