تجربتي مع ما يسمى بالسرطان

[آنآ كريزي]

السلام عليكم و رحكة الله و بركاته


الحقيقه شدني مو ضوع اخي العزيز الروقي السرطان وعلاجه


ونا صاحب تجربه وتجربتي معه كالتالي لقد شعرت بالم في فخذي الايمن


اثر ضربه بسيطه جدآآآآ واستحيت اروح للدكتور وانتقدت نفسي بسبب


الالم وقلت يارجال ارفع علومك تروح للدكتور بسبب هالضربه لا والله معصي


هههههههههه سبحان الله العظيم المكتوب مكتوب المهم وراحت السنين


وفي احد الايام رحت للمستشفى لعلاج انفلونزا حاده وجاني الالم عند الدكتور


وشافني واصر علا فحص الفخذ جزاه الله خير واخذ اشعه وبعدها تجمعوا


الدكاتره واخترشوا وسالتهم خير وش الموضوع علموني قالوا انت رجال مؤمن


قلت انشالله اخلصوا قالوا معاك سرطان بالعظم في الفخذ وماكل تسعة اعشار العظم


ونت كيف صابر علا هالالم طول المده هذي قلت اللهم اجيرني في مصيبتي هذي


واخلفني خيرآآآ منها نصبر انشالله والحل يادكاتره قالوا مافيها حل الا الكيماوي


وان مانجح اشعه نوويه والبتر لازم لازم بعدها قلت يفرجها الله سبحانه ورحت للبيت


وكنا برمضان العشر الاواخر وقلت في نفسي خل الشيبان والعرب يعييدون مع المسلمين


وعقب العيد يفرجها الله وبعد العيد علمتهم بالعلم الاقشر ههههههههههههه



ورحنا للتخصصي وقابلني هناك دكتور امريكي هو رئيس سرطان العظام وقال بعد الكشف


لازم الحين الحين نبدا بالكيماوي لان الوقت مهم ونت ضيعت وقت كثير وبعدها البتر هذا اذا نجح


الكيماوي ولا الاشعه النوويه يالله بسرعه لاتضيع وقتك قلت لا ولا ولا ومعصي بعد انا ماني قابل


الكيماوي ولا غيره والبتر لا ثم لا ثم لا وش عندك زعل وقام يقول اسمع نوعيتك مرت علي كثير


بالاول كذا بعدين يجوني يبكون ويترجوني اني اعطيهم الكيماوي لاكن ماقدر والسبب انه انتشر


ومافي فايده وقال لي انت بتموت خلال ثلاث شهور من الان لانه يكون انتشر في جسمك كله


وطلعت من عنده ورجعت للبيت الحين العلاج وعييت عليه وجوك الجماعه شيبان والله يابعضهم


يترجاني اني اقبل بالعلاج ونا اقول لا قالوا لي طيب وش بتسوي يعني وش الحل عندك قلت


التوكل علا ربي سبحانه فقط لاغير بعضهم قال لي ياولد استغفر ربك مافي وقت قلت الا انت


استغفر ربك فيه وقت ههههههههههههه المهم قلت في نفسي ان كان الله سبحانه كاتب لي حياه


والله لا سرطان ولا غيره ياخذ منها ثانيه يعني ابحيا الحياه اللي كتبها الله الي كامله طرق علا خشم


السرطان وجلست اقرا عليها بنفسي ومكثت سنتين ونصف بالبيت بعدها رحت للمستشفى لالم


في بطني واستغربوا الدكاتره واجتمعوا وجوني وقالوو لي علمنا وش سويت انت قلت ليش


قالوا السرطان لم يتعدا الفخذ لا بل بل ضمر وبنى عظم جديد عندك طوله 6 سانتيميتر وحنا نبي


نعرف وش سويت قلت ماسويت شي ماغير القران وبس ونا اللي اقرا لاني عييت علا الشيبان


يجوبون لي مطوع يقرا وقلت السنه المريض اولى بالقرايه علا نفسه وافضل واقرب واصدق


المهم قالوا لي نبي ناخذ عينه قلت توكلوا علا الله وخذوا عينه وبعدها مدري انا في يد من الحراره ترتفع


اكثر من واحد واربعين بالاخير قالوا لي حنا اسفين لاننا هيجناه والان لابد من البتر قبل ان يتجه


الى الاعلى نحو الاحشاء وبدون كيماوي ولا اشعه ماغير مره وحده تعقيميه فقط وافقت وتوكلت


على الله وفعلا قاموا بالعمليه وهذا انا الان ولله الحمد والشكر صحيح ومتعافي وشر وراح


المهم نصيحتي لاخواني لا تسلم نفسك للكيماوي وغيره توكل علا ربك واعلم ان الرسول صلى


الله عليه وسلم قال ((( سبعون الفآ من امتي اول من يدخلون الجنه بغير حساب يغبطهم الانبياء والشهداء


والصديقين قالوا من هم يارسول الله قال الذين لا يتطببون ولا يسترقون ولا يكتوون وعلى

ربهم يتوكلون ))) طبعا السعي للطب جائز لاكن في امراض الموت احب ان اتبع قول الله


عز وجل حينما دعا ابراهيم عليه السلام قومه ماذا قال اسمعوا نبي من اولي العزم

وهو خليل الله عز وجل يقنع قومه ويحجهم بدعوتهم ويحثهم على التوحيد فال في محكم

التنزيل ((( واذا مرضت فهو يشفين ))) معناها ان في كل زمان مهما تقدم الطب ستاتي

امراض ليس لها علاج سوا الله سبحانه ونا حبيت اتبع هالطريق والحمدلله نجحت ومن

توكل على ماخاب رغم كل تحذيرات الاطباء والتي حددت عمري ب ثلاث اشهر فقط


وسلامتكم يالغآلين

[خلف الروقي]

يعطيك العافية ومشكور

[سعيدان]

ارررررررررحب يالكريزي


الحملله على السلامه والشفاء


جزاك الله كل خير ياغالي على سرد قصتك وتوكلك المؤمن على ربك



دووووم العافية والصحة عليك وعلى جميع المسلمين




اخوك سعيدان الشيبـاني

[الآد سامر]

حمدلله على السلامة ياكريزي
وإن شاء الله تكفير للسيئات وأنا اخوك
تحياتي لك

[علي الشهراني]

الحمد لله على السلامه


مشكووووور

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[عيد بن مرضي]

الله يكفي جميع المسلمين الامراض الخبيثه


ومشمووور على سرد القصه والحمد لله على السلامه

[آنآ كريزي]

شاكر لكم مروركم الجميل وعسالله لايريكم مكروه جميعآ


وياجعل من جابكم للجنه

[فهيد الايدا المورقي]

الحمد لله على السلامه ياكريزي وطهور ان شاء الله


لكن السرطان الله يقانا منه والله راح بسبته كثير من ربعنا والله لانفع معهم لاكيماوي ولاغيره



نسأل الله السلامه للجميع



تحيتي

التوقيع

حسابي في تويتر faheed_1234