عرسها يوم الربوع ,,,

[سلطان الجـذع]

ياتركي البراق موعد عرسهـا يـوم الربـوع=ياكبرحظ اللـي تملـك فـي يديـه حبالهـا
سافر بها درب النصيب ولابعد راحـت رجـوع=ولاني بملحقها الملامـه فـي نصيـب جالهـا
جتني طوابير الكـدر والهـم ياتركـي فـزوع=بعـد الليالـي يالثبيتـي عجلـت ترحالـهـا
ياليتها فرقاء سنـه والا شهـر والا اسبـوع=وابـرك جمـال الصبـر لحمولهـا تشتالهـا
لكنها فرقاء الابد!!والوقت كـم فـرق جمـوع=فارقتها باسهـل وسيلـه والمحـال وصالهـا
حاربني الحظ الردي لين اني اعلنت الخضـوع=يانعنبـو حـظ يـرد النـفـس دون امالـهـا
العين طاولها السهر وتفيض من غيض الدموع=اعزف على اوتار الحزن والعب على موالهـا
واليا بغيت اسلي الخاطر بعـد ذيـك الفـروع=رحـت اتذكـر سيرتـي معهـا قديـم ليالهـا
وكانت معي مثل القناعه في حشاء العبد القنوع=وبقت معي مثل الرجوله في عيـون رجالهـا
كانت مراتعها مساحة ماحوت حدب الضلـوع=واليا شعرت بظلمها منها ,,عمدت ألجاء لهـا
اسهم محبتها تزايـد كـل يـوم فـي طلـوع=نالت مكانه فـي كيانـي مااحـد والله نالهـا
تحمل من اصناف الجمال اجل واجمل كل نـوع=وأدري شبيه المعجزه !لو جيت اوصف حالهـا
الملتزم لو شافها أعذر فالصـلاه وفالخشـوع=ولو شافها اللي فيه ريب من الطغى صلى لها
انا اعترف فيها خدعني مظهر الوقت الخـدوع=كنت اعتبرها الدلـه اللـي مشربـي فنجالهـا
((ولاصحيت الا محدد عرسهـا يـوم الربـوع=لعل يجمعها الهـدى والخيـر مـع رجالهـا))

[فيصل الدرباس]

الله الله الله

عليك

أقف عاجز عن التعبير



عن هاذه الشامخه



صح الله لسانك

وادام عليك شاعريتك

[عبدالله الجـــذع]

الله الله ..


رائــعه يابــن العـــم قصيــده جزلــه منكـ يالجـــزل ولاعمناكـ يالغالــــي


((صح لسانكـ))..



دمـــــت مبدعاا يالغـــــــــــــلا..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[سعود بن مشعل]

سلطان الجذع //



اقف عاجز امام هذا الابداع //

سلمت اناملك //


تحياتي //

[نايف بن ملحق الثعلي]

صح لسانك قصيده جزله

التوقيع

ما هوب لازم توقيع00

[مدون]

[size=5]

الملتزم لو شافها أعذر فالصـلاه وفالخشـوع
ولو شافها اللي فيه ريب من الطغى صلى لها

بويض الله وجهك على اخر بيت رغم الحب العفيف الا انك تتمنى لها ولزجها السعادة وربي يعينك

حبك وسبك وتدرج ونهج وتسلسل وانتقاء كلمات في موضعها ومكانها الصحيح

ولاصحيت الا محدد عرسهـا يـوم الربـوع
لعل يجمعها الهـدى والخيـر مـع رجالهـا))


اسجل اعجابي بك وبي القصيدة

[/size]

[السميــــــري]

صح لسانك ياسلطان ..
ولاهنت يامبدع ..

[سعود الجعفري العنزي]

صح لسانك ياسلطان ..
ولاهنت يامبدع

[سلطان الجـذع]

فيصل الدرباس ...
لاهنت على تواجدك
يالغالي

[سلطان الجـذع]

عبدالله الجذع ...لاهنت على المرور الرائع
يابن العم