مشاركة شعرية بمناسبة ملتقى اعتيبه لمزايين الأبل

[**عبدالعزيز الفهيد**]

بسم الله الرحمن الرحيم

مشاركة شعرية بمناسبة ملتقى اعتيبه لمزايين الأبل في نفود السر مابين مدينة ساجر ومدينة الدوادمي مابين 10-10-1428هـ إلى يوم الخميس 20-10-1428هـ

ربعي اعتيبة أهل العز وافيــــــــــن
تشهد لهم كل الأمم والقبايـــــــــل
هم لآبتي اللي على الطيب راسيـن
رسية جبال اطويق وجبال حايـــــــل
على الشجاعه والكرم سلم ماشيـــن
أفعالهم برهانهم والدلايــــــــــــــــل
هيلا وعلى طيب المعاني امهليــــــــن
وليا غظبوا تشهد لهم الأصايــــــــل
أولاد روق وولاد برقا امتساويـــــــــــن
ميزانهم واحد بكل الفعايـــــــــــــل
ونا اعتيبي ولجل اعتيبة املبيــــــــــن
هم عزوتي بين الأمم والقبايــــــــــل
عاشت اعتيبة وحفلها ناجح آميـــــــن
الله يوفق كاسبين الجمايــــــــــــــل
من غير اقصور والقبايل عزيزيـــــــــن
كل على عانية يفخر أو طايـــــــــــل
ودخل على الله ماظلم اللي امجيديـن
وكل طيب أوسامه على الراس شايل
في ظل منه يشرع الحق والديــــــن
اللي جعل منا شعوب وقبايـــــــــــــل
اللي خلقنا جعل الفرق بالديــــــــــــن
ومن فاز بالتقوى ينال الفضايـــــــل
والحكم لله ثم حكم السلاطيـــــــــــن
آل السعـــــــود معدلة كل مايـــــــــل
في حكمهم الشعب كله متصافيــــن
وحب الوطن هو الفخر والصمايــــــــــل
وصلاة ربي عد ماهم ملبيــــــــــــــن
عــلـى نبي الله خــاتم الرسايــــــــــل


شعر / عبدالعزيز عبدالرحمن الرعوجي الفهيد الأسعدي العتيبي

عين بن فهيد - محافظة الأسياح - القصيم

[عبيد المسعودي]

صح لسانك
على هالجزلة
تناغم رائع وطرق قوي
يعطيك العافية

[فيصل الدرباس]

صح لسانك


ولا هنت على هالرائعه

تستاهل المدح

[**عبدالعزيز الفهيد**]

صح بدنكم

والله يعطيكم العافية على المرور

[&**(الروقــــي)**&]

الله يعطيك العافيه

وصح لسانك على القصيده الجزله

ولاهنت يا أبو عبد الرحمن