بسم الله الرحمن الرحيم
نقدم لكم تغطية محاورة الشاعر : محمد غازي النفيعي العتيبي
مع الشاعر : علي صقير البقيلي السلمي في برنامج قلطة الوطن
بدولة الكويت الشقيقة ضمن المرحلة الثانية مرحلة الـ 12
الطاروق الأول :
محمد غازي النفيعي
يا سلامي سلام إسلام عبر الأثير = للكويت وحكومتها وسكانها
يا علي ويش باقي من سنام البعير = الذيابه عليه تحد نيبانها
علي صقير البقيلي
مرحبا في محل أهل المقام الكبير = دولة ٍ كلنا ناقف على شأنها
أبشر بخير باقي منه شئ ٍ كثير = باقي القلب والعينين والسانها
محمد غازي النفيعي
البقا يارفيق ٍ شاد فيه الوزير = وأنت فوق السفينه منت بوزانها
يكتب الله رزقك يالغني والفقير = ويش قسمك بها والطيبة عانها
علي صقير البقيلي
آكبر الفخر في القلطة وجود الأمير = بعد ثبت على أرض العز سيسانها
أنت ياطير ياللي للسماء ما تطير = والطيور الكبار ترف جنحانها
محمد غازي النفيعي
بعد طاح الحياء ثم جاك علم البشير = شفت بعض البدو في وسط مرحانها
يم طلعة كرى شفت البقيلي مغير= مادرى انى رجال ٍ طالت أيمانها
علي صقير البقيلي
أحفظ الحب قدامك رحى تسدير = لاتجمع حبوبك عند طحانها
يا محمد طلع في داركم غاز بير = فيه نيران ٍ كلن شاف دخانها
محمد غازي النفيعي
مايعرف السفاره كود رجل ٍ سفير = وأنت عارف شيوخ القوم وأعيانها
الطاروق الثاني:
علي صقير البقيلي
سلام ردية على كل القبايل والشعوب = اللي يحبون الشعر واللي لهم فكر وعي
جو السماء ساع أحتمى والبحر هبت له هبوب = والليل روح والنهار أقبل وياشمس أطلعي
محمد غازي النفيعي
يا مرحبا بك بالنيابه من شمال ومن جنوب = لأهل الوفاء وأهل النقاء واللي لهم علم وسعي
هات الخبر رد الخبر من بعد ما هبت هبوب = لين كنت رجل ٍ تستطنع قدم رجال ٍ تصنعي
علي صقير البقيلي
دام البقا والعلم له توثيق وحساب محسوب = لاكن طيري يا حمامه ياحمامه وقعي
العصر يبن نخيش تضحك لي وتنفخ فالذروب = والحين يبن نخيش لا تنفخ ولا تضحك معي
محمد غازي النفيعي
طاح الحياء يا صاحبي من عقب همال النصوب = والله ما أفكك يالبقيلي لين أشوفك تقنعي
من لا يقدر معرفه رجال متغطرس كذوب = لاكن سوق الذود لين أنه يفلي بالرعي
علي صقير البقيلي
حنا بنيناها حجر ياللي بنيتوها بطوب = ياللي تجيب الطوب من مصنعك ماهو مصنعي
ياللي تبي مكه تبي عمره لتخفيف الذنوب = أن مالبست أحرام مالك لا طواف ولا سعي
محمد غازي النفيعي
أنا ليا مني مشيت الدرب أدلك بالدروب = وأن كان ما أرضاك العجب ما ضني أذنك تسمعي
« آخـــر الـــمـــشـــاركــــات »
17-May-2009, 12:22 PM
محاورة محمد غازي النفيعي وعلي صقير البقيلي في المرحلة الـ 12
العرض العادي
