غالب الذيابي=
..
سلام تسليمة على حسب العوايـد والسلـوم=عن سالف الجدان ماخوذه ومن دين النبـي
ماودي اعلنها على خصمي قبل خصمي يقوم=واليا وقف علمي يجي باذنه ويحميه شنبـي
فهد الشهيب الثبيتي=
..
يامرحبا عني وعن ربعي عتيبـة بالعمـوم=على المذاهـب والعوايـد ماتغيـر مذهبـي
ياغالب اعطوك الجماعة ختم من بين الختوم=واليوم اشوفك تحسب انك شيخ لو انك صبي
غالب الذيابي=
..
انته لفيت وجابك الله وان قدرت تعوم عـوم=وان ماقدرت العوم ابااشتالك على ايمن منكبي
مدري تعلمت المعاني فالشفـا والا الجمـوم= وان كان ماعلمتني بالعلم انا اعتبرك غبـي
فهد الشهيب الثبيتي=
..
اليا دعا الداعي تراني يالعتيبي فاللـزوم=أعوم في كل البحور الهوج واجيب اطلبي
ترا المعاني قسمنا في يوم توزيع القسوم=حنا رجال المعرفة وابليس يخسى ويهبي
غالب الذيابي=
..
ارفع عيونك فوق عان الحر في جوه يعوم=وان ماقدرت تعانقه بالحوم خلك مختبـي
انته يلازمك التمني عقب دفنـك للقـروم=تقول وينك يازمان العز واهل المنصبـي
فهد الشهيب الثبيتي=
..
انا عيوني ماتعاين غير في بيض النجـوم=لكن طيري ياالطيور البرق واكلي واشربي
القرم عقّب له قروم ٍ مايجي فيهم رخـوم=مار اكتبي يااقلام عن تاريخ الاعلام اكتبي
غالب الذيابي=
..
على الشداد اللي سرى راعيه ياكثر الخصوم=وهو شدادٍ كم فلـج حجـة تميـم وتغلبـي
وقدام يسري صاحبه مافيه منكم من يحـوم=واليوم صرتوا مثل شعبٍ غاب قايده الأبـي
فهد الشهيب الثبيتي=
..
ترا شداد العز دونه ياعميل الخيـر قـوم=اليا ثنو دونه تروح اخصامهم قش اصلبي
مار البلا فاللي نخبره لادفـاع ولاهجـوم=لايحسب ان المجد مثل الثوب يمكن يسلبي
غالب الذيابي=
..
انته بعدما سعودوك اظهرت ميراث التهوم=ومن أول ٍموروثهم خافي وعلمه مغتبـي
تجلس من الحره وتفرك راحتك والاتقوم=صفرا الطراد يعنها مثلي ومثلك وش يبي
فهد الشهيب الثبيتي=
..
الي الفخر يوم انت تابع بالبطاقة والهدوم=والحمدلله يوم شرفني وشـرف منسبـي
بالزيف تصنع لك ملاحم مار ظني ماتدوم=واليا اتهموك القوم لابدك تراجع مكتبـي
تجلس من الحره وتفرك راحتك والاتقوم
صفرا الطراد يعنها مثلي ومثلك وش يبي
بالزيف تصنع لك ملاحم مار ظني ماتدوم
واليا اتهموك القوم لابدك تراجع مكتبـي
الله الله
عليكم يامبدعين
بصراحة امتعتونا واطربتونا
بهذا المحراااف الرااائع
محاورة راائعه فالفتل والنقض
صحت السنتكم وبيض الله وجيهم
وخمس نجوووم
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|
28-Oct-2010, 03:31 AM
العرض العادي
