وان غسلته كن كاسيته قزازه=فيه خطا كنه حزام القديمي

[أبونواف]

هذه أحد روائع الشاعر مرير بن عبد المحسن الحبيل
في وصف الجيب

كل دربا راعي الفقسار هازه =ماجهل في خدمته غير الغشيمي
أختباري ياسعد تم أجتيازه =ما مدحته لين حصلته سليمي
أن نظرت الزين كل الزين حازه =في المواتر هقوتي شكله عديمي
وان غسلته كن كاسيته قزازه=فيه خطا كنه حزام القديمي
منوت اللي يحتسونه للاجازه =طيع شوري لايفوتك يالحزيمي
وان بغيت اللي فريدا في متيازه = أن نصيت البازعي تلقى البريمي
ماحلا قدم المعازيب أرتكازه=وزين مشيه في الطريق المستقيمي
السريع اللي يودي للمحازه =أو مع الدرب المودي للقصيمي
لاسرى في الليل في ثم شبيت غازه =لاسطعته يرتبش منه العليمي
زين مشيه في الصحاري من عزازه =ويتمشى في الخلاء مشي الحشيمي
قام يلعب في قفاه أنتل جهازه =لعب صفاَ شاش في حفلة كريمي
جاب صف عيال في حفلة جوازه =وشاشهم موال مستور العصيمي
وأن مشى بالهون يعجبك أهتزازه =يطرب السواق بالمشي الهميمي
ومن نوى بالحمل قبل الشيل هازه = خل علمي يالحزيمي في الصميمي
لاتشجع موترى مثل الجنازه =عان نوعه في المعارض في النسيمي
كل طيب ياسعد بالطيب جازه =مايفيدك راعي العظم الرميمي

عسى أن تحوزعلى رضاكم جميعاَ