إلى العبيد مع التحيّة

[نايف العبيد العتيبي]

بسم الله الرحمن الرحيم



/



هل تسمحون لي أن أقف على أطلال أهلي وجداّني ؟؟



/


\


/



قصيدة موجهة إلى هلي حمولة العبيد في بقعاء
وأخص بها عمي خلف الحميدي العبيد أمير العشيرة
وعمي حمود الحميدي العبيد أطال الله في عمرهما
ولمتذوقي الشعر عامة :

ماهو تعصّب أو جهالة وراعين = يوم آتنومس وافتخر ياشبابه
ابفتخر مادام ربعي على الدين = ومادمت ذيب(ن) والجماعه ذيابه
ابسرج خيول الشعر بالميادين = مادمت آمثّل لابتي بالنيابه
إن كانها بالطيب عندي براهين = فعايل(ن) ماهي هروج وكتابه
قصر الحصن يشهد لنا قبل والحين = ماكر هل الفزعات كل(ن) لجابه
تسعين ليله وآل مرشد مقيمين = مامنهم اللي شاف منّا عيابه
ياما رعت ذيدانهم خايع(ن) زين = ميرادها عدن(ن) قراح(ن) شرابه
في قصرة اللي خطّو اسمه بقوسين = بريك مشرّع للمسايير بابه
وإن كانها بالشعر عندي شياطين = رمد(ن) تزاوغني خضوع ومهابه
قبايل(ن) تحدّرو لي من القين = عجوزهم عميا عليها عصابه
وان كانها بالفخر نعم(ن) ونعمين = معرّب الجدين عز ونجابه
الجد أخو عفراء زعيم الميامين = اندى من الشهلول وبل السحابه
راع القصر راع النخل والبساتين = مضيّف الخطاّر مصخي زهابه
اللي يهلّي بالضعوف المساكين = فاخر به الهربيد وكل(ن) حكابه
اللي ذبح ذبّاح أبوه وقضى الدين = وخضّب هكالصنديد شذرة نصابه
واخوه من داس الخطر والثعابين = خميس لامن الزمن عض نابه
حامي حمى الوندات سقم المعادين = الفارس الخضاع متعب ركابه
وجدّي من أمي سعد زبن المخلين = ابن الحتيرش مايزعزع جنابه
اللي ينام وليل شانيه ليلين = مزبان ابن مرداس يوم الحرابه
هذا وأنا من دار قوم(ن) عزيزين = بقعاء صفاة العز والعز ربا به
سواعد(ن) بديار طي(ن) قديمين = جينا بعد دور النبي والصحابه
وداعتك يالنود ودّي سلامين = لعمي خلف وحمود وباقي القرابه
ومرّي على الجرباء ومرّي على العين = ومرّي على اللويمي وعالي هضابه
ومرّي على قصور وحيور الكريمين = حي(ن) عبيد النهيت ياما مشابه
آل العبيد أهل الزعامه من سنين = الورع منهم عن ثمانين لابه
ألاد حرب(ن) من سلالة سلاطين = نعم العمد ذروة سلايل عتابه
عسرين بالشدات يسرين باللين = حمولة(ن) كل(ن) يحسِّب حسابه
وإلاّ البقية كفو ناس(ن) حشيمين = شمالها واللي ورى حد طابه
واختامها رب السماوات يامعين = تنجيني من حر اللهيب وعذابه

وسلامتكم





دُمتم بود

[ابو محمد الدعجاني]

والله ونعم بك وبلابتك يا نايف

صح السانك لين ترضى

[فواز علي الروقي]

صح لسانك لاهنت على ماقلت تقبل تحياتي

[فهد مطلق العتيبي]

بيض الله وجهك يانايف شاعر وكفو انت وربعك

[فايز بن سرحان الثبيتي]

ساحر الشعر



صح لسااااااااااانك وقلبك وعقلك


هكذا الشعر عندما يصاغ باقلام محبيه وعشاقه




لله درك على هذه الرااااااائعة


تقبل تحيتي

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[حاكم الغنامي]

الله الله


صح لساااانكــ


واعتلى شانكـــ

التوقيع

سبحــــان الله وبحمدهـ hakem81@live.com

[محمد العتيبي]

ساحر الشعر



صح لسااااااااااانك وقلبك وعقلك


هكذا الشعر عندما يصاغ باقلام محبيه وعشاقه




لله درك على هذه الرااااااائعة


تقبل تحيتي

التوقيع

للتواصل عبر twitter تويتر al_bargawy@

[فواز علي الروقي]

صح لسانك لاهنت على ماقلت تقبل تحياتي