حصري للهيلا : محاورة التحدي .. حبيّب العازمي و زيد العضيله.

[محمد العتيبي]

أسعد الله أوقاتكم بالخير والمسرات ..

أولا : نحمد الله تعالى على سلامة الشاعر القدير / عيضه بن معيوض الثبيتي . وصديقه .

أثر الحادث المروع الذي ألمّ بهم ، ونجوا بحمد الله وفضله .

ثانيا : أقدم لكم محاورة رائعه اجراها ثنائي رائع في حفلة خاصه لم يحضرها غيرهم من الشعراء ونجحت
هذه الحفله نجاحا يليق بهم وهم :

حبيّب العازمي @ زيد العضيله

وكان بداية الطرق مع زيد بن سلمي :

يا سلام الله سلام وحيلتي من دون حالي = والوفا نشفق عليه ونحفظه مثل الأمانه .
التجارب علمتنا درس من سود الليالي = مانشدنا مشية الحباي وشلون احبيانه .

حبيّب العازمي :

مرحبا وان كان لك حيله ترى لليل تالي = أطرح الخيّال فالميدان ولاّ أطرح حصانه .
الهبايب يالمطاري لو تصافق فالجبالي = الهبايب مقفيه والضلع باقي في مكانه .

زيد العضيله :

الاجابه ياحبيّب لا تغيّر عن سؤالي = أيمن الموضوع عانه وايسر الموضوع عانه.
العقيمه لو تعالج ماتجيب الها عيالي = والصدوق اليا هرج معروف صدقه من لسانه .

حبيّب العازمي :

كم سمعت من المشاكل فالجنوب وفالشمالي =والصحيح إن الكذوب نهايته يقطع لسانه .
وإن نسيت ذياب بن غانم وأبو زيد الهلالي = قالوا العتبان يازيد أجودي مانته تكانه .

زيد العضيله :

ودّي أعلّمك باسماء معقدة روس الحبالي = اقرصه باذنيه ولاّ نوشوه الخيزرانه .
مانسيت ولا جهلت وعارفٍ قدر الرجالي = إن حسبتوها لكاعه وإن حسبتوها لعانه .

حبيّب العازمي :

إنتبه للصف الأقصى واترك الصف الموالي = شرهة العقّال ماتحسب على اطفال الحضانه .
يامطير اللي من أول سلمكم فالسوق غالي = آخر الأيام صرتوا تعصرون البرتكانه .

زيد العضيله :

ماتواطا للضعافه لو خسرت أغلى حلالي = الحصان يشد سرجه والجمل يكرب بطانه .
أنت ماتجهل مطير وبيتهم يذري ضلالي = مير ياجيراننا العتبان فالدعوى خيانه .

حبيّب العازمي :

الرديّه خلها فوق الثرى تحت النعالي = الردي يعرف خوانه والوفي يعرف خوانه .

ارجوا أن أكون قد وفقت بالإرتقاء لذائقتكم .
وترقبوا الجزء الثاني من هذه الحفله أو المحاوره الحماسيه للشاعرين .

التوقيع

للتواصل عبر twitter تويتر al_bargawy@

[عبدالله المطرفي الهذلي]

مشكور وبيض الله وجهك طاروق حامي .

تحياتي .

[محمد العتيبي]

الاخ / عبدالله الهذلي

شكرا لك يالغالي على المشاركه الرائعه التي شرفتني بها ..

وأتمنى أن يكون ماقدمت محل اعجابك وأعجاب الآخرين ..

تحيتي للجميع ..
...

[@ـايل]

الحمدلله على سلامة شاعرنا عيضه ..والله يعطيه الصحه والعافيه....

ولاهنت يامحمد على نقلك المحاوره الطيبه التي جرت بين شاعرين عملاقين...

وبارك الله فيك..والى الامام...

التوقيع

شكر خآص للأخ العزيز (سمي جدي) ,,, للتواصل,,, hail-osaimi@hotmail.com الفيس بوك : هايل العصيمي انستقرام : hailosaimi تويتر : AlHooL@

[عيد العازمي]

مشكور وبيض الله وجهك طاروق حامي .



ونحمد الله على سلمة عيضه وصاحبه

التوقيع

ليت الافكار مركب والهواجيس مينا=كان ماسج ريمه غير ركّاب ريمه!! العازمي

[محمد العتيبي]

المشاركة الأصلية كتبت بواسطة هـايـل الـعـتـيـبـي

الحمدلله على سلامة شاعرنا عيضه ..والله يعطيه الصحه والعافيه....

ولاهنت يامحمد على نقلك المحاوره الطيبه التي جرت بين شاعرين عملاقين...

وبارك الله فيك..والى الامام...

هايل العتيبي

شكرا لك على المشاركه العطره ..

تحيتي لك ..
...

[محمد العتيبي]

المشاركة الأصلية كتبت بواسطة العازمي

مشكور وبيض الله وجهك طاروق حامي .



ونحمد الله على سلمة عيضه وصاحبه

شاعرنا المبدع : العازمي

وبيض الله وجهك على تشريفك للموضوع وإثراءه بمشاركتك
الرائعه ..

شكرا لك من القلب
...

[روح جاي]

نحمد الله على سلامه الشاعر عيظه وان شاء الله مايجيه مكروه

محاوره طيبه من شاعرين من اعلام شعر المحاوره

مشكور على المحاوره

[عبدالله الجـــذع]

محمد بيض الله وجهك يالمميز
على هذه النقله الفريده

صحت السنت الشعار على هذا الطاروق الجميل


محبك

,’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محمد العتيبي]

المشاركة الأصلية كتبت بواسطة روح جاي

نحمد الله على سلامه الشاعر عيظه وان شاء الله مايجيه مكروه

محاوره طيبه من شاعرين من اعلام شعر المحاوره

مشكور على المحاوره

آمين

والطيب هو وجودك يالغالي ..

وشكرا لك على المشاركه الرائعه .
تحيتي