سلام 000000000000

[محمد سعيد القحطاني]

سلام وان كان ابه شاعر ورايه سديد=من فوق عالي السحايب ننثر اخيالها
راعي الوفاء و الغلا وسط البلد من جديد=يصرف ذهب من كنوز المجد و اجيالها

[حومل]

يا مرحبا والوفا بين النشاما يزيد=اقلط علة دلةٍ ينعشك فنجالها
راع الوفا لاحضر بين العرب يوم عيد=نغوص به غبةٍ ما ينحصر جالها

[محمد سعيد القحطاني]

ابك البقاء طال عمرك وش تحب و تريد=من بعد ما شفتلي مهره و خيالها
اعلامنا واجده جاتك يا ساعا البريد=كم كيلة(ن) ما ظهر فالوقت كيالها

[حومل]

أحب أفيد العرب يا صاحبي وآستفيد=وأكره عجوزٍ تحط السم لعيالها
أعلامكم خلها ما بين زيد وعبيد=قدام تسري وفي جعبتك تشتالها

[محمد سعيد القحطاني]

ابشر ببعض الفوايد والفوايد تفيد=ياكثر بلوى العباد وكثر جهالها
بعض النخل ياعميلي مابه الا الجريد=والا المطايا نعرف اوسوم جمالها

[حومل]

أخذت كيلو ذهب وأهديت طن الحديد=وبعض البضايع تغربل حال دلالها
الوسم تال الزمن ماهوب علمٍ وكيد =والحمله الجايره يا قل من شالها

[محمد سعيد القحطاني]

يانجمة اسهيل طال الوقت وانتي بعيد=والجدي مبعد يشوف النور بهلالها
اثر البنوك افتحت لكن مابه رصيد =ماعاد به صرف بالدولار و اريالها

[حومل]

الوجه عوّد قفا وأهل السوالف تعيد=والناس لو أنّها ما تنطق أشوالها
البنك في خزنته تلقا رصيد الوليد=لكن ما وزعت فالشارع أقفالها

[محمد سعيد القحطاني]

اكيد به مجتمع و يضم كل العبيد=من سودها ما نعرف الام واعوالها
وش رايك انريسك بالقوم تصبح عقيد=ونترك كثير العرب مافالي بفالها

[عبد المجيد بن محمد]

راعي الوفاء و الغلا وسط البلد من جديد

يصرف ذهب من كنوز المجد و اجيالها



الله الله الله مبدع مبدع ....


بدعه رائعه


أخذت كيلو ذهب وأهديت طن الحديد
وبعض البضايع تغربل حال دلالهـا


بيت جميل ومحبوك


لله دركما