قصيدة للشاعر ناصر بن شعيفان البقمي في عبد الرحمن بن طلق المسعودي

[فيصل المسعودي]

قصيده للشاعر /

ناصر بن شعيفان الهذيلي البقمي

في

عبد الرحمن بن طلق السيحاني المسعودي العتيبي

ومناسبة هذه القصيدة أنه الشاعر قد قام بطلب قضاء حاجة ألمت به من أبو طلال ووقد قام بقضائها وتلبية طلبه له:

اربع مع اربع سنين ادير الافكــار = من كل ديره تدالج بي مخايلها
لي لازم مــايجيبه كــــــــــل دوار = إلا رجـــــــال قديمات فعايلها
سر ياينديبي على إللي مشيه خيار = يطوي بعيد المسـافه يوم يفتلها
سوّاقه إللي على الشدات صبــــــار = فوقه شجيعاً رسايلنا يوصلــها
نصه ولد مكرم الضيفان والجــــــار = كل المواجيب موفيها ومكملــها
ملفاك عند النفيعي وافي الأشبـــار = كسّاب لطيبه حضه يحصلــــــــها
له مع رجال الوفاء قيمه ومسعـــار = تشهد له الناس عاقلها وجاهلها
أول بدي الطيب للضيفان ينــــــــدار = مع ساقته دلة الطيب مهيـــلـــها
والضان تذبح لها في النار مصــهار = وسوالف تبسط الخاطر يمثلـــــها
إلها طعم يارجال العــرف وأثمـــار = تحيي قلوب غثى الدنيا مغفلــها
اليا نشدك البطل عن خافي الاسرار = عطه التقارير من ناصر مسجلــها
يابن طلق خــــابرك للطيب سبــــار = تنشريلك الطيب في عالى قذايلها
نصيتك العلم مــــــافيه تذكـــــــار = وأنت الدليله ليا ضاعت دلايلها
دنياي تفتر بي فرات الامكـــــــار = بلشان في هجرتي وازريت اعدلها
إن مافزعتولنا ضاعن الابصــــــار = تقطعت غير من ربي عقايلــــها
ابديت لك علمنا من بد الابشــــــار = بصرك وعرفك يوردها مناهلها
انتم اهل الوجه الابيض سر وجهار = يالعزوه إللي رفيعات منازلها
تاج الرجوله لكم تاريخ وأشعــار = تناقلوها القبايل مع قبايلـــها
كتبت وطبعت وسار بها القلم سار = كتبت السياحين ماواحد يبدلها
ابوك يوم الليال الـعسر مـابـــــار = بيبان بيته لضيفه مايقفلـــــها
إلكم شهود من الاجواد حضــــــار = شهود عدل تقوله يوم نسألها
والطيب ورثا ولايشرى بدينــــــار = وهبة من الله على خلقه ينزلها
والطيب لأهله ينور مثل الأنـــــوار = يقعد تواريخ لو شدت رحايلها
وأعتيبه اللي ليا من الخطر ثــــار = ناطحت الحرب الياشبت فتايلها
ليا بركت باللواحي فوق الازوار = تمشي طوابيرهم ما أحد يعطلها
وأعتيبه إللي باسمهم يرجع الشار = ليا منها خيلت وانشئت مخايلها
فعولهم طيبه ياناس واكثـــــــار = غلقت حبر القلم وازرى يكملها

[عبدالرحمن الهيلوم]

صح السان شاعر قبيلة سهوم المنايا
الغالين (( البقوم ))

ويستاهل أبن العم /عبدالرحمن السيحاني

والطيب لاتسغربه من هل الطيب

دمت بود يابو منيف

وصحت يمناك

[أبونواف]

صح لسانه ونعم في المادح والممدوح وسلمت يمنيك على النقل .

[فيصل المسعودي]

مشكورين يالغالين

على مروركم الطيب

وتواجدكم العطر

تقبلوا تحياتي

[عبدالمجيد النفيعي]

الله يرحمه ويغفر له الفقيد أبوطلال توفى وهذه من مآثر محاسنه وصح الله لسان الشاعر الهذيلي وماعليه زود

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا