:: نقاش :: هل بدأت تسقط ساحة المحاوره أم أنها بدأت تعود لأيام الجبرتي والمسعودي ..

[خلف المطيري]

المشاركة الأصلية كتبت بواسطة علي الدعجاني

خلف

الله اللي عالم بالسراير

ووالله مابدا منك الا الطيب يالعارضي


وازيدك من الشعر بيت انك حديث المجالس

وكم مره جا طاريك ونعموا لك وهم مايعرفونك

ماعليك زود يابن مفلح هذا من طيبك وطيب الرجال اللي مثلك تدري مت الواحد ينقهر يوم يقوّلونه

كلام ماقاله في منتدانا دايم ادافع عن القبايل في قسم التاريخ الفاشل اللي فرق القبايل وخلاهم قومان

وهاذي اخرتها

إدارة القسم

خاص



إحصائية العضو








التوقيت







الاخ خلف المطيري

--------------------------------------------------------------------------------

الاخ خلف المطيري


نوجه لك انذاااار وانت الان تحت الرقابه كيف تلعب مع شاعر بلقب مستعار وتم ابلاغه بطرح اسمه الصحيح تجي انت وترد عليه

فانت ممن يزرع المشاكل بين الاعضاء والمشرفين

واذا لم تعدل اسلوووبك فالباند يحتريك


انتهى

[خلف المطيري]

عموما يبقون العتبان ربعنا واحدادانا وعوانينا

وتصرف كم شخص مايمثل عتيبه يمثل نفسه

وافرح يابن سرحان المنتدي كله لك

طبختها وجيت اتوكّلناها

والله الحسوفه علي ربعي العتبان

ولا انت والله ماسمحك فيها

واخذها منك يوم لاينفع مال ولا بنون

والسموحه يالربع كان غلطت علي احد والمعذره والله ان عرفكم مكسب

لكن وش اقول عقب ابن سرحان

[ابن المحايا]

اتمنى من الادارة



تقفيل الموضوع



الاعضاء كلهم اخوان


يمكن يحصل شد وجذب بعض الاحيان


لكن في النهاية الامور ماتسوى كلها منتدى

[ابراهيم الجـــــذع]

السلام عليكم جميعاً

بصراحه أنا ما أشوف في كلام خلف شيء

كل شخص حر بطرح وجهة نظره

وأعتقد أن إدارة الهيلا واعيه

وتؤمن بحرية الرأي

وخلف الشهاده لله كل من اعرفهم يثنون عليه

وهذي حقيقه ليست مجامل

رغم بعض الردود عليه من بعض الأشخاص

اللي يتجنب الرد عليها تقديراً للمنتدى وأهله

والأختلاف فالرأي لا يفسد للود قضيه

وكل عضو من القبائل الأخرى يشارك في هذا المنتدى

فهو محل تقديرنا وتقدير الإداره

تقبلوا مروري

التوقيع

الذم ما يهفي للأجواد ميزان=والمدح ما طول قصار الأيادي

[فايز بن سرحان الثبيتي]

تباني اريحك اسلوبك مكشوف ياخلف

انت طلبت علي فلاح في محراف في قسم المحاورة واحذفوه الربع

بعدها طلبتني في محراف ولا رديت عليك وهذا الرابط



http://www.otaibah.net/m/showthread.php?t=118041


ويوم شفت نفسك في هالموقف دخلت على هذا الموضوع وقلت الكلام اللي قلته وانا راح اقتبسه مره ثانيه على شان مايطيرون الاخوان في العجه "

المشاركة الأصلية كتبت بواسطة خلف المطيري

هههههههههههه انتبه
طيب وين سلطان الجذع
ابوعبدالله لاشفته اول مايطري علي ارحمة مطلق وصاهود هههههه ماعليه صاهود ذكر سهوا وصياف والجبرتي
اللي ذكرتهم ماقول فيهم شي
لكن سلطان الجذع داهيه وكارثه واطرب له ماتشوفني ما اطلبه في طاروق لانه متعب وراح يكلفني
علبتين سجاير فالطاروق يعني لو العب معه اسبوع متواصل راح تحوشني ذبحه صدريه

عموما ً انا لا اعرفك ياخلف وليس بيني وبينك ثأر كما تعتقد "

وهذا راح يكون ردي الاخير عليك "

واعلم ان الجميع اجمع على الانزعاج من اسلوبك هذا وتاكد ان هذا ليس كلام بن سرحان لوحده "
وابن سرحان ليس هو من اعطاك الباند في المرات السابقه في الهيلا ولا في منتدى قبيلتك مطير او غيرها من المنتديات التي خرجت منها بسبب اسلوبك
صحيح ( البعير مايشوف عوج رقبته)
ولكن كل مره هناك سبب تخرج به من المنتدى ولو اصلحت نفسك لرأيت الجميع على ما تريد وتاكد ان بن سرحان لم ياخذ باند في حياته ولا في منتدى من العشره منتديات التي سجل فيها

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[خلف المطيري]

المشاركة الأصلية كتبت بواسطة ابن سرحان الثبيتي

تباني اريحك اسلوبك مكشوف ياخلف

انت طلبت علي فلاح في محراف في قسم المحاورة واحذفوه الربع

بعدها طلبتني في محراف ولا رديت عليك وهذا الرابط



http://www.otaibah.net/m/showthread.php?t=118041


ويوم شفت نفسك في هالموقف دخلت على هذا الموضوع وقلت الكلام اللي قلته وانا راح اقتبسه مره ثانيه على شان مايطيرون الاخوان في العجه "






عموما ً انا لا اعرفك ياخلف وليس بيني وبينك ثأر كما تعتقد وهذا راح يكون ردي الاخير عليك "
واعلم ان الجميع اجمع على الانزعاج من اسلوبك هذا وتاكد ان هذا ليس كلام بن سرحان لوحده "
وابن سرحان ليس هو من اعطاك الباند في المرات السابقه في الهيلا ولا في منتدى قبيلتك مطير او غيرها من المنتديات التي خرجت منها بسبب اسلوبك صحيح ( البعير مايشوف عوج رقبته) ولكن كل مره هناك سبب تخرج به من المنتدى ولو اصلحت نفسك لرأيت الجميع على ما تريد وتاكد ان بن سرحان لم ياخذ باند في حياته ولا في منتدى من العشره منتديات التي سجل فيها

بالنسبه للمحاوره فعلا طلبت علي فلاح ولا يلحقني لوم وقبل اسبوع الطاروق

وانا طلبتك يوم قلت تركي واضح امحضر البيوت ولقيت معني وركبيت عليه وين المشكله

ولارديت عليك فالموضوع الا يوم قلت انتبه ياخلف ورديت رد مايسئي لك مره

انت اللي انفعلت وثرت والموضوع عادي
وبالنسبه للازعاج حتي انت واجد منزعجين منك وياما قالولي واهديهم ومن سنه بعد ماهو من الحين الناس ماجتمعت الا محمد صلي الله عليه وسلم



الباند مايسقطك من المرجله ولا هو تقييم للرجال
واللي ينزعج مني اعرف ان قلبه غير سليم
انا ابغا منك موقف واحد ازعجت فيه احد كلام فالهوي مايصلح
وعطني شخص واحد انزعج مني لاتنسا انك فالهيلا والباند مثل شرب الما لو فعلا كلامك صحيح كان الباند اشتغل
امّا توقيفي في منتدي مطير لاني راعي حق وامنع كل كلمه عوجه تتعرض لهارموز والقبايل والنهايه باند
او خلافات بين مطير
اما توقيفي فلاهيلا بسبب الطواريق مافي سبب ثاني
وفعلا البعير مايشوف عوجة ارقبته ابهاذي صدقت
وماتشوف شر

آخر تعديل خلف المطيري يوم 13-Nov-2010 في 01:21 AM.

[محمد العتيبي]

1- هل المحاوره فقدت أساسياتها وأصبحت تعتمد على الكماليات : كالصوت واللحن ؟

بكل تأكيد ( نعم ) .

2- هل تأثرت المحاوره بوفاة شعراء معينين؟

نعم .. تأثرت المحاورة بوفاة الشاعر الدكتور / مطلق الثبيتي .. رحمه الله تعالى


والدليل حال ساحة المحاوره وما عانت منه من تدهور بعد بوفاته بفترة قصيره ..

3- من السبب في إنحدار المحاوره .. هل الشعراء ام الجمهور ام ماتم ادخله على هذا الفن كالموال ؟

اولا : الماده التي طغت واصبح مبالغا فيها .. وثانيا : الجمهور .

4- هل القنوات لها دور في أعادت المحاوره أم ليس لها شان سواء تصويرها وعرضها بالفضاء ؟

ليس لها شان في ذلك ..

5- الشعراء الملتزمين والمحافظين على هذا الموروث هل تنصحهم بالابتعاد عن الساحه أم يكونوا حزب ويقاطعو الشعراء الذين أساؤ لهذا الفن ؟

الشعراء الملتزمين والمحافظين نصحهم بإعادة المحاوره لعصر الثبيتي مطلق وما قبله .

6- ماهي النظره المستقبيله للمحاوره هل تتوقع كما قال أحد الشعراء : أنه سيتم أدخال الآت معازف عليها ؟

كل شي جايز بعد عام الألفين .

التوقيع

للتواصل عبر twitter تويتر al_bargawy@

[سعود العصيمي]

1- هل المحاوره فقدت أساسياتها وأصبحت تعتمد على الكماليات : كالصوت واللحن ؟

مع بعض الشعراء نجد ضعف الفتل والنقض. وتجريد المعنى من التغليف





2- هل تأثرت المحاوره بوفاة شعراء معينين؟

بنسبة ضئيلة.

3- من السبب في إنحدار المحاوره .. هل الشعراء ام الجمهور ام ماتم ادخله على هذا الفن كالموال ؟

المادة ثم الجمهور





4- هل القنوات لها دور في أعادت المحاوره أم ليس لها شان سواء تصويرها وعرضها بالفضاء ؟

القنوات لها دور كبير لان هدفها هو الماده لاغير.

5- الشعراء الملتزمين والمحافظين على هذا الموروث هل تنصحهم بالابتعاد عن الساحه أم يكونوا حزب ويقاطعو الشعراء الذين أساؤ لهذا الفن ؟

ارى إن الابتعاد لبعض منهم افضله خاصة كبار السن.

6- ماهي النظره المستقبيله للمحاوره هل تتوقع كما قال أحد الشعراء : أنه سيتم أدخال الآت معازف عليها ؟

العالم الله.

التوقيع

اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا. ماني على قربه شفي والاّ على بعده شفوح = الله خلقني مااعترض من صد من كل الملا.

[أسير القوافي]

بالنسبة للموضوع ،، اشكرك اخوي ولد عساف ،، موضوعك رائع ،، واجابات الاخوان اروع ،، وأكتفي بشكرك !!




إبن سرحان + خلف المطيري






إذكروو الله ياريجيل ،، الدعوه علي الحرام ماتسوى سطر من اللي قلتوه وضيعتو وقتكم عليه ،،




خلف والله إنًه على نيتًه ،، والرجًال كفو ،، وكل ردوده على المواضيع يابن سرحان واللي تتهمه فيها بالتفرقه ،، أرى إنًها سوء ظنً منك ،، وسوء الظنً يتعدل طال عمرك ،، وانا ما أقول خلق ما يخطي ولا فلان ما يخطي ولا غيره مليون يخطي ،، كلن يخطي ،، مير يعلم الله إنًي متابع لكل صغيره وكبيره فالمنتدى واشوف أسلوب خلف وردوده إنًي أحس بنسبة 90% ماني بقايل 100 ولا 99 إنًه يهرج على طبيعته ولا يزوًد فالكلام ولا يزبرقه ولا يقصد من وراه شي ،، خلف كفو وشخصية طيبة وعلي الحرام أقولها في قفاه ويعلم الله كم واحد من زملاي واللي مهتم فالشعر إنًي أهرًجه عن خلف وعن ردوده الطيبه ،، ودليل إنًه مايشيل في قلبه أي شي يحصل فالمنتدى ولا في قسم المحاورات المنقولة والكتابيه يروح لقسم المحاورة ويطرحه في معنى لا ويطلب شاعر عتيبي ،، لو يبى التفرقه طلب اي واحد غير عتيبي وقام يدق منا ولا منا ،، وانتم تخبرون شعارنا كلهم كفو ويخصمون خلف << هههههههه امزح ياخلف ،،



خلف لو ابكتب عنه من هنا لبكرة والله العظيم إنًها ماتوفيًه حقًه ،، رجل كفو ومن قبيله عزيزه ،، ويعزً علينا ويهمنا وجوده والله ثم والله اني اقولها في قفاه والحين في وجهه ،، اما امور إنها ينوي ومن ردوده واضح انه يهمز ويلمز هذي ظنون لا تودي ولا تجيب ،، ولو ان خلف يهمز ويلمز كان تلقى كل الاعضاء اشتكو وطلبو بايقافه او تعرضو له في اي موضوع بردود تخاصمه ،،





انا ما كتبت هالرد عشان أثير فلان على فلان او إنًي ضد فلان وفلان ،، كلمة حق لا بد تقال والساكت عن الحق شيطان اخرس ،،




وأتمنى من ولد عمي ابن سرحان يحسن الظن ،، والامور سهاله ،، كلن يصيب ويخطي ،، وانتم افهم مني فاالامور ذي







ويسمحلنا صاحب الموضوع على المداخله ،، اسف كل الاسف ،، واعتذر للجميع ،،

[فايز بن سرحان الثبيتي]

المشاركة الأصلية كتبت بواسطة أسير القوافي

بالنسبة للموضوع ،، اشكرك اخوي ولد عساف ،، موضوعك رائع ،، واجابات الاخوان اروع ،، وأكتفي بشكرك !!




إبن سرحان + خلف المطيري






إذكروو الله ياريجيل ،، الدعوه علي الحرام ماتسوى سطر من اللي قلتوه وضيعتو وقتكم عليه ،،




خلف والله إنًه على نيتًه ،، والرجًال كفو ،، وكل ردوده على المواضيع يابن سرحان واللي تتهمه فيها بالتفرقه ،، أرى إنًها سوء ظنً منك ،، وسوء الظنً يتعدل طال عمرك ،، وانا ما أقول خلق ما يخطي ولا فلان ما يخطي ولا غيره مليون يخطي ،، كلن يخطي ،، مير يعلم الله إنًي متابع لكل صغيره وكبيره فالمنتدى واشوف أسلوب خلف وردوده إنًي أحس بنسبة 90% ماني بقايل 100 ولا 99 إنًه يهرج على طبيعته ولا يزوًد فالكلام ولا يزبرقه ولا يقصد من وراه شي ،، خلف كفو وشخصية طيبة وعلي الحرام أقولها في قفاه ويعلم الله كم واحد من زملاي واللي مهتم فالشعر إنًي أهرًجه عن خلف وعن ردوده الطيبه ،، ودليل إنًه مايشيل في قلبه أي شي يحصل فالمنتدى ولا في قسم المحاورات المنقولة والكتابيه يروح لقسم المحاورة ويطرحه في معنى لا ويطلب شاعر عتيبي ،، لو يبى التفرقه طلب اي واحد غير عتيبي وقام يدق منا ولا منا ،، وانتم تخبرون شعارنا كلهم كفو ويخصمون خلف << هههههههه امزح ياخلف ،،



خلف لو ابكتب عنه من هنا لبكرة والله العظيم إنًها ماتوفيًه حقًه ،، رجل كفو ومن قبيله عزيزه ،، ويعزً علينا ويهمنا وجوده والله ثم والله اني اقولها في قفاه والحين في وجهه ،، اما امور إنها ينوي ومن ردوده واضح انه يهمز ويلمز هذي ظنون لا تودي ولا تجيب ،، ولو ان خلف يهمز ويلمز كان تلقى كل الاعضاء اشتكو وطلبو بايقافه او تعرضو له في اي موضوع بردود تخاصمه ،،





انا ما كتبت هالرد عشان أثير فلان على فلان او إنًي ضد فلان وفلان ،، كلمة حق لا بد تقال والساكت عن الحق شيطان اخرس ،،




وأتمنى من ولد عمي ابن سرحان يحسن الظن ،، والامور سهاله ،، كلن يصيب ويخطي ،، وانتم افهم مني فاالامور ذي







ويسمحلنا صاحب الموضوع على المداخله ،، اسف كل الاسف ،، واعتذر للجميع ،،

الموضوع انتهى وله اكثر من شهرين ولا فيه داعي لتجديده "

اما من ناحية سوء الظن الذي تحذر منه فالله وحده يعلم من وقع فيه انا \ ام خلف \ ام انت "