حصريا لمنتدى الهيلا لقاء مع الشاعر الشاب /جراح بن دحيم العتيبي المشارك في قلطة الوطن!

[أبو مرحبا]

أخواني أعضاء وزوار منتدى عتيبه الهيلا لقاءنا اليوم مع الشاعر الشاب جراح دحيم العتيبي المشارك في برنامج قلطة الوطن وكان بيننا وبينه هذا الحوار أتمنى ان ينال على أعجابكم :

س1-البطاقه الشخصيه لشاعرنا الشاب جراح بن دحيم ؟

الاسم: جراح دحيم حسن العصيمي العتيبي
العمر: 19 سنه
المهنه: طالب

س2-متى بدا الشاعر جراح بن دحيم لعب المحاوره؟

بدايتي في فن المحاوره سنة 2006تقريبا

س3-من شاعرك المفضل؟

مستور العصيمي ( ابو تركي )

س4-الشعراء الذين لعب معهم الشاعر جراح بن دحيم؟

من الشعراء الذين لعبت معهم هم عبدالله العصيمي وابن رحيان العجمي-لاحق العضياني-متعب الشلاحي-خالد الحصين وغيرهم كثير.

س5-من اين تعلمت شعر فن المحاوره ؟

تعلمت المحاوره من اعمامي وخوالي .

س6-محاوره لعبتها ولازالت راسخه في ذاكرتك؟

مع الشاعر عبالله العصيمي وكانت البدايه مني حيث قلت:

سويت لي بيت في وسطه ثلاثين باب=لكن دور على باب الرخا وادخله
مايسرق العين ياكود الوهم والسراب=والطيب اللي حظوظه كلها مقبله

وقام الشاعر عبدالله العصيمي بالرد وقال:

سويت لك بيت فيه من العجب والعجاب=والظاهر اني بثور وسطها القنبله
واقف على الارض وعيوني تخيل السحاب=وكلن يحدد مع الايان مستقبله

س7-من يعجبك من شعراء النظم؟

الشاعرين الكبيرين عبدالله بن عون ولافي الغيداني

س8-من يعجبك من شعراء المحاوره؟

الشعراء الكبار: مستور العصيمي-حبيب العازمي-ملفي المورقي-رشيد الزلامي-سفر الدغيلبي

س9-سبب مشاركتك ببرنامج قلطة الوطن؟

برنامج قلطة الوطن اثبت نجاحه على مستوى الخليج وبلاشك ان كل شاعر يطمح للشهره فبرنامج قلطة الوطن هي الوسيله الوحيده لنجاح كل شاعر يبحث عن الاعلام وهذا هو السبب في مشاركتي

س10-هل تتوقع ان تتأهل للمرحله القادمه؟

بأذن الله وبفزعة ابناء الهيلا.

س11-كلمه اخيره يوجهها الشاعر جراح بن دحيم لاخوانه في منتدى الهيلا؟

اشكر القائمين على منتدى الهيلا هذا الصرح الشامخ الذي تعودنا عليه بخدمة ابناء القبيله كافه وهذه الابيات مهداه لاخواني وابناء عمومتي :

ان روحت ياربعنا عزاوي=وكلن على العليا شفوق وناوي
انا من اللي صيتهم سابقهم=وفعولهم غطت على الفتاوي
وقت الرخا مثل السحاب الممطر=ولاني وقت الوغى لاترحم ولاتاوي
مانيب برقاوي ولاروقي=انا عتيبي روقي وبرقاوي

الشاعر جراح دحيم العتيبي عضو اللجنة الاعلاميه والاستاذ عبدالله الدوسري


الشاعر + عبيد العتيبي +عضو اللجنه الاعلاميه


صوره جماعيه

المشرف هايل العتيبي الشاعر جراح العتيبي الاستاذ ماجد العتيبي


تقبلووووو أحترامي وتقديري

أخوكم .أبو مرحبا

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[مرزوق حمدان العتيبي]

..
.
لقاء مشوق ... الله لايهينكــ يابو مرحبا ...
جهد تشكر عليه ....
والله يوفق الشاعر جراح وفاله المركز الاول ..
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[محمد العتيبي]

الله يوفق الشاعر / جراح العتيبي

وعقبال المركز الأول ..

لاهنت يابو مرحبا على التغطيه الجميله واللقاء الممتع..

تحيتي
...

التوقيع

للتواصل عبر twitter تويتر al_bargawy@

[فيصل بن ضاوي]

الأخوة القائمين
على هذا الصرح الشامخ وأخص بالذكر العاملين بجد واجتهاد
تتصاغر عبارات المدح و الثناء على ما تقومون به من جهد مضني وعمل متواصل
لكن حسبي أن أُشيد بهذه النفوس الطموحة
تمنياتي للشاعر كما للجميع
بالتوفيق

[ابو فايح]

الله يوفقه ويصبح من الشعراء الفطاحله ان شاء الله.


جهد رائع تشكرون عليه وبيض الله وجيهكم على ماتعملون .

[محمد بن غازي]

تسلم يابو مرحبا على هذا اللقاء الممتع مع شاعرنا المميز/ جراح العتيبي ... الذي نتمنى له التوفيق في مشواره القادم ... وإلى الأمام ..

[@ـايل]

لاهنت يابو مرحبا على التغطيه ..

والله يعافيك ...ونشكر اخونا / جراح على تلبيته الدعوه ...

................

التوقيع

شكر خآص للأخ العزيز (سمي جدي) ,,, للتواصل,,, hail-osaimi@hotmail.com الفيس بوك : هايل العصيمي انستقرام : hailosaimi تويتر : AlHooL@

[فهيد الايدا المورقي]

ابو مرحبا بيض الله وجهك على المجهود الرائع

ونشكر اخونا الشاعر/ جراح دحيم العتيبي على هذا اللقاء الشيق والممتع والله يوفقه


تحيتي

التوقيع

حسابي في تويتر faheed_1234

[أبونواف]

بالتوفيق للشاعر /جراح العتيبي وعقبال الى المركز الاول .
ولاهنت أبو مرحبا على التغطيه الجميله



تحيتي لك ..

[وافي الخماش]

الجميع لا هنتم ..

جهد تشكرون عليه بيض الله وجيهكم ..


لقاء ممتع مع الشاعر الشاب / جراح دحيم ..