فالح الغنامي يجيب على أسئلتكم وإستفساراتكم

[مرزوق حمدان العتيبي]

لا يوجد فرق بين فالح الشاعر من قبل وبعد شاعر المعنى اللهم اللي تغير ان فالح كشف عن نفسه
اكثر وحاول يبرز ماعنده من خلال البرنامج .

..

.

اشهد بالله ماعديت الا الصدق
أجابه وافيه منكــ يالوافي
.... زادكــ الله من فضله يابو ريما ...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[شباب البقمي]

اخوي ابو نقا

مساك الله بالخير

انا اشهد بالله انك شاعر بمعنى الكلمة الشعر الذي يطرب له مسامع من يسمعه .
ولو كانت المسابقة غير ربحية لتغير كثير من نتائجها ..

سؤالي :: لو أفترضنا أن المسابقة غير ربحية .. كيف ترى ترتيب شعراؤها ؟؟


تحياتي لك

[فالح الغنامي]

المشاركة الأصلية كتبت بواسطة سلـطان الحــافي

اولا نشكر الاخ : ابو فايح علي استضافه نجم من نجوم المحاوره الشاعر المتميز فالح الغنامي

اسئله خفيفه وهي :

1/ اين الشاعر فالح الغنامي قبل شاعر المعني ؟ ماشفنا لك تواجد في الاعلام ؟

2/ الا تري انكم يا شعراء المحاوره مهضومين اعلاميا؟

3/ ماهي المقومات التي يرتكز عليها شعر المحاوره؟

4/البعض يقول بان شعر المحاوره افتقد لاهم مقوماته الا وهي النقض والفتل ؟

اكتفي بهذه الاسئله

اتمني ان لا اكون طولت عليك بالاسئله

تحياتي

سلــطــان الحـــافــــي

اخي سلطان

والشكر موصول لك انت على الاطراء والاشاده والله لايهينك وابو فايح اكرر الشكر له للمره الثانيه على اتاحة الفرصه


1_ كنت موجود ولكن مااعطيت المحاوره اي اهتمام بصراحه لاني كنت مشغول بغيرها , وبالنسبه للاعلام

عرض علي اكثر من لقاء ( شبه واسطه) وانا ارفض الشي هذا لان الظهور في الاعلام قبل ماتقدم شي

يستحق الظهور يعتبر ضدك ويضرك اكثر ممايخدمك لان التصور او الصوره الاولى في اذهان الناس من الصعب ان لم يكن من المستحيل تغييرها.

2- صادق بعضهم مهظوم اعلاميا ولو عنده مايستحق الظهور والبروز بعكس البعض اللي ماعندهم اي شي و ماشاء الله تبارك الله مابقي الا ادخل مع الناس في بيوتهم من كثر مايسعى وراء وسائل الاعلام .قناه جريده. مجله. منتديات...


3-بصراحه انا لم اصل للمستوى اللي يمكني من ايضاح المقومات الاساسيه ولكن من وجهة نظري الخاصه هي أ- سرعة البديهه ب_ القدره على التجديد في الافكار مثل اخونا وصل العطياني ههه ( الله لايضره)ج_ الصوت وطريقة الاداء د_ الحضور المسرحي هـ - الاهم والاخير احترام النفس واحترام
مواجيب الرجال والابتعاد عن المهاترات والعنصريه اللي في غير وقتها.


4_ انا اسمع مثل ماتسمع ولكن من تحليلي لشخصياتهم وتوقعي والله اعلم ان هذه التصريحات تصدر من
اشخاص حاولوا يكونوا شعراء ولم يوفقوا او من اشخاص متعصبين لبعض الشعراء الغير موجودين في الوقت الراهن لاي ظرف كان وفي نفس الوقت عندما عجزوا عن ايجاد البديل الذي يسد النقص لم يكن
لديهم سوى هذه المقوله التي تعتبر متنفسا لهم .

[ولدعساف]

السلام عليكم ورحمة الله وبركاته ..

أرحب تراحيب المطر يابو نقاء في محلك وبين اخوانك وربعك .. وماقصرت تقدمت للميدان وجملت وكملت ونسأل الله لك التوفيق في دينك ودنياك واخرتك ..

استلم هالأسئله يابو نقاء :

1- شعراء في بداياتك استفدت منهم !!

2- بما انك من سكان عفيف .. لماذا لانشهد لك تواجد في احتفالات المحافظه خصوصاً بالاعياد !!

3- هل لك نيه المشاركه بشاعر المليون !!

4- كلمه توجهه لجميع من وقف معك من ابناء قبيلة عتيبه والقبائل الأخرى !!

هذا مالدي من أسئله .. أخوك / متعب الجــذع

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[فالح الغنامي]

المشاركة الأصلية كتبت بواسطة محمد المرشدي

ارحب بشاعرنا الرائع فالح الغنامي

واقول بيض الله وجهك يابن نقا


وعندي سوال واحد بس مانبي دبلوماسية


اللي ذبح محمود بن عباس *** فنجال بن ن ماتقهوابه

وش يقصد بن وسام في هالبيت

اخي محمد

البقاء ولاعليك زود انت وبقية الاخوان اللي مثلك وشرواك ووجهك ابيض

والاجابه بلا دبلوماسيه يقصد سلطان في بيته ان اللي ذبحك انك مااخذت السيف حتى لو انك الافضل . من وجهة نظري وحسب مفهومي والله اعلم لان الابيات اللي مثل بيت سلطان غالبا ماتحمل اكثر من معنى .

[عبدالمجيد النفيعي]

أبومرحبا أسم إداري في منتديات الهيلا ومعودنا على مواضيع اللقائات وأنا أخطيت أحسبه أبوفايح ماقريت أسم صاحب الموضوع زين وهم في حسبة الأخوان والمخطي بين الأخوان متدل

الله يبارك في أبوفايح ولاهي غريبة عليه العلوم الغانمة

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

آخر تعديل عبدالمجيد النفيعي يوم 23-May-2011 في 10:36 PM.

[مشاري الحبردي]

ارحب يابو نقاء في محلك وبين ربعك واخوانك ....

وبيض الله وجهك وخيرها في غيرها ....


بغيت اسلم وارحب بك


اخوك / مشاري السلي .....

[ابن البجاديه]

اولآ ارحب اجمل ترحيب بالشاعر الكبير فالح الغنامي

وبصراحه الان ماعندي سؤال معين ولكن عندي كلمتين للاخ الكبير فالح الغنامي..

احب اقوله بيض الله وجهك رفعت روسنا ..حنا نقولها ..وجت الشهاده ولله الحمد من غيرنا حتى..


اللي نتمناه هو شئ واحد وهو استمرار هذا النجم معتلي ولامع للابد..

نتمنى استمرارك فأنت ابداع وكلنا فخورين فيك..وجعل عمرك طويل يابو نقا..


المسأله لو هي بأكثر شاعريه شفناك الاول.. ولكن الكل يدري ان المسابقات تعتمد على اكثر من دفع..وهذي مشكله يعلمهاالجميع..

اكرر ترحيبي فيك واعذرني كان حصل قصور

والشكر والتقدير لخونا الغالي اللي جمعنا فيك...
اخوك نايف النفيعي

[احمد منير الواصل]

السلام عليكم ورحمة الله وبركاته
ويامرحبا والله بشاعر المعنى فالح وبيض الله وجهك وجملتنا في الشعر والمعنى
ولاهي غريبه عليك ياولد غنام وانت الـــســـيف وانـــــصابــه
.
واشكر من اعد هذا القاء الاخ والعزيز ابوفايح والله يعطيه العافيه ولاهي غريبه عليه
مثل هذي القاءات الجميله .
وعندي سوال فقط
س!ماهو راي شاعرنا بالجنة التحكيم في نقدهم واسلوبهم مع المتسابقين ؟

واخيرآ اشكرك يابو نقاء على تشريفك في منتداك منتدى الهيلا وعلى تلبية الدعوه والاستجابه للخوان .

[ابو خالد النفيعي]

ارررحب ياشاعرنا فالح

اشهد بالله انك شاعر فحل
وما يختلف عليك اثنين يالذيب

عندي سؤال
ماهو اصعب قاف لعبته في شاعر المعنى
تحياتي