فالح الغنامي يجيب على أسئلتكم وإستفساراتكم

[فالح الغنامي]

المشاركة الأصلية كتبت بواسطة ابو فايح

مرحبا يا ابو نقا مره أخرى


وحيالله جميع من شرفنا في هذا المتصفح

البقاء ياابو فايح كل وقت وكل حين

[فالح الغنامي]

المشاركة الأصلية كتبت بواسطة ابو فايح

عدة أسئله على الطاير وربما يكون لي عوده بغيرها

يقول حمدان العصيمي لك في أحدى المحاورات

لا تحارب عتيبه بإسمك المستعار = كان عندك حميه وين وديتها

س/ هل المعنى موجه لك شخصيا أم رمز لشي أخر !!؟؟

زملائك فالصفحة معنا ( علي -حمدان -وصل - زبن - عيضه ) لعبت معهم مرار وتكرار
كل شاعر له طريقه في اللعب سواء في تركيب الابيات أو اختيار المعاني أو التمريرات الخ

س/ هل من وصف دقيق لإسلوب كل واحد منهم على حده !!؟؟

تقول في أحد الطواريق وفي أول بيت

هيبة حبيب ومستور = تكمل لمبدأ الرياده

س/ ما علاقة هذا البيت بالمحاوره تلك الليله !!؟
س/ لماذا خصيت حبيب ومستور !!؟؟
س/ هل لمستور وحبيب هيبه خاصه فالميدان تفرق عن غيرهم !! وضح بالتفصيل !!؟؟

في محاوره لك مع حبيب قال

تحزم بالسواري والمحدش ياولد غنام = ولا ترجع ليا شفت الغنايم وانت غنامي

فقلت

على مايسر الله ياحبيب والوعد قدام =وانا ليش اتحزم بالسواري وانت قدامي

لماذا كان ردك بهذا العنف !!؟؟ وكذلك بقية الطاروق !!؟؟
هل لهذا الطاروق علاقه بشي سابق !!؟؟

سمعت أنك شاركت في شاعر المعنى النسخه الاولى وإستبعدت وأن اللجنه تبرأت من ذلك وقالت رفعنا إسمك من ضمن الأسماء لطاقم البرنامج

س/هل من توضيح كامل !!؟؟

شاركت في شاعر المعنى النسخه الثانيه

أمر لم تتوقع حدوثه في البرنامج وحدث والعكس ماهو !!
لو وضع فالح الغنامي في النسخه الثالثه في الطاقم المسؤول عن البرنامج ماذا سيغيّر وماذا سيبقي !!؟؟

س /وجه رساله لكل من
مشعل الجعيد
سعد سبعان العصيمي
عايش الثبيتي
حبيب العازمي

ابو فايح يامرحبا بك وبأسئلتك ولكن لو ماهي على الطاير وش تبا تسأل اكثر اذا تأنيت هههه


1- لا بيت حمدان لم يوجه لي شخصيا و لو فسرته جت علووم ههههههه

2- علي = اول مايبدا تحس انه مايشكل عليك خطر وانه بعيد وفي نهاية الطاروق يذكر بمقولة مادون الحلق الا اليدين هههه
حمدان = لاتترك ثغره في البيت ويقبرك في ثغرت بيتك .
وصل = لا تتضايق معه العب ببساطه لانك لو جاريت بعض الابيات يكون مردودها سلبي عليك ووتعب نفسيا بسبب العجز في مجاراة الابيات احيانا بسبب الابتكار والتمريرات ههههه
زبن القاضي = لا تجاريه على المعنى بتعمق يتدارك المعنى اكثر منك ويعطي اكثر من عطاك .

عيضه الثبيتي = ماحصل لي الشرف اني العب معه ولكن انتم تعرفونه اكثر مني و حسب ماسمعت له من ابيات مااقول غير الله يعين الشعار بس على الرد.

3- هيبة ابو تركي وابو فيصل ماعليها اختلاف ولكن كانت المحاوره رباعيه انا وحمدان وصقر وسالم سحمان وكان حبيب موجود وبدا حمدان وكملت معه بالبيت هذا اشارتن الى اني انا وحمدان نسير على نفس الهيبه ونحن نعتبر مكملين لمن سبقونا من شعرائنا العمالقه .

4- الرد لم يكن عنيف بل محاوله مني لتغطية بيت حبيب لان بيته يحمل عدة معاني وفي نفس الوقت تعمدت اني ارد ببيت يحمل اكثر من معنى والدليل بيت حبيب الثالث لانه فهم بيتي على اصوله عندما قال انا ماني عدوُ لك انا لك فاللزوم حزام ....الخ
وبالمناسبه هذه المحاوره جاءت في الوقت اللي كنت اتمنى اني اقابل حبيب فيه لاني لي قبلها اكثر من اربع سنوات ماقابلته بسبب كثرة الشعراء اللي من خارج القبيله يكونون موجودين بالحفل احيانا وصعبه اني العب معه .

5- نعم شاركت في النسخه الاولى وكان استقبال اللجنه لي يوحي بإني من ضمن المقبولين لما لقيته منهم من ترحيب ومن ثناء ومديح وعلى رأسهم الاستاذ سلطان الهاجري وتسربت بعض المعلومات اني متأهل بدرجه عاليه وعند اعلان الاسماء تفاجأت بأن اسمي لم يكن ضمن الاسماء واتصلت برشيد وقال والله العظيم انا قابلينك وكذلك سلطان و اخيرا اتهمت القناه واتصلت بمدير القناه واقسم لي بالله ان اسمك ماجاني من الاسماء ياإما ان يكون السبب من اللجنه او ايادي خفيه ابعدتك ولكن انت نبهتنا لشي بحكم انا نسخه ورايح نتنبه بعدين لمثل هذه الاخطاء واخذ يقدم الاعذار ويوعدني باللقاءات من باب التعويض ورفضت ذلك . وفي نفس الوقت كان هناك اكثر من صديق لي كلموني بلقاء في احد القنوات حتى اوضح الصوره كامله ويناقشون معي سبب ابعادي ولكني رفضت والحمدلله ماخسرت كانت خيره ان شاء الله .

6- الامر الذي لم اتوقع حدوثه وحدث ان يتنازل احد المشاركين لشاعر منافس و يدعمه .

والعكس الامر الذي اتوقع حدوثه ولم يحدث ان يحصل على اللقب زيد المري .

7-لو وضعت في الطاقم اولا سأبقي المراحل مثل ماهي اللي هي الثمانيه والاربعون الى السته

ولكن الامر الذي ارى انه من المفترض تغييره اللي هو التصويت في مرحلة السته سأكتفي بدرجات اللجنه بعد القسم في بداية الحلقه بأن الدرجات التي سيمنحونها للمتسابقين لن تتغير ولن يعطى كل شاعر الا مايستحق من الدرجات .

8- مشعل الجعيد شكرا على ماتقوم به وشكرا على مواقفك المشرفه مع كل من يستحق .
سعد سبعان تظل اخ وعزيز ولي الشرف اني عرفتك
عايش الثبيتي تظل اخ وعزيز ولي الشرف اني عرفتك
حبيب العازمي تظل صاحب الجميل وصاحب المعروف ياابو فيصل ومن لا يشكر الناس لا يشكر الله
مانحن الا تلاميذك واطال الله في عمرك .

[فالح الغنامي]

المشاركة الأصلية كتبت بواسطة سلطان المنصوري

اااااااااااااااااالله باااااااااااااااااااااالخير يااااالربع

فرصة طيبة وثمينة ان نلتقي معكم في منتدى الجميع ...


حضوري للسلام على الجميع وخااصة مهندس الكلمة ابو نقاء


ولي رجعة ثانية ......................


تحيااااااتي

يامرحبا بالمبدع وابرك الساعات اني اتشرفني بالحضور اللي يسلم هالوجه ياابو هياف

ولا عليك زود ...... ولكن لا عاد تلعب مع اي عتيبي في شاعر المعنى ترا الناس تبغى حلوقها هههههه حتى لو يقولون مثلي اللحن عادي هاته تراهم مخدوعين في انفسهم هههههه اترك عاد المجاراه في قوة الابيات .

[فالح الغنامي]

المشاركة الأصلية كتبت بواسطة سرحان الشيباني

حي الله ابو نقا حي الله شاعرنا الكبير

انا اشهد انك كفيت ووفيت وماقصرت بركت للحمل وبيضت وجيهنا

مداخله عابره مني للترحيب بك وانتظر اسئلتي

اخي سرحان


البقاء والله يبارك فيك ويطول عمرك


ويكفيني فخر اني كسبت ولو جزء بسيط من اعجابك انت واللي مثلك اهل الذوق والمعرفه .

[محمد العتيبي]

يافالح الغنامي


الله يوفقك في دينك ودنياك .. ولله درك يافخر الشعر وعتيبه


الحمدلله أني عرفت فالح الغنامي قبل مشاركته في برنامج شاعر المعنى ..


فتشرفت بمعرفة الشاعر النادر .. في دولة الكويت واعتقد انه في محفل الغنانيم ..

وكان لقاءك مع الشاعر الكبير والعلم / سلطان الهاجري ..


هل تذكر هذا الحفل يابو نقاء ؟ في أي عام



وان شاء الله نشوفك دكتور ومهندس للشعر والشعار .. وجيت في وقتك


تحيتي واعجابي لسموك الكريم ..

التوقيع

للتواصل عبر twitter تويتر al_bargawy@

[علي الثبيتي]

ابك ابك الربع ماخلو لي سوال ؟؟

ارحب تراحيب المطر يافالح

وعندي سوال واحد فقط واريد الاجابه بدون مجامله

كنا في حفله في مكه والشعار مطلق الثبيتي وصياف الحربي ومستور العصيمي
يوم يقول حبيب يانار شبي على مطلق ومستور // وان مر صياف شبي في ثيابه

المهم كان فيه نقاش بينهم قبل العشاء قال صياف الله يرحمه ويش رايك يامطلق اقوى حبيب العازمي

والا ملفي المورقي في فهم المعنى والنقض والفتل

قال مطلق رحمه الله حبيب شاعر ذكي وفي الفتل اذا كان البدعه منه قوي

وملفي قوي في الفتل والنقض وفهم المعنى وشاعر شرس

ضحك صياف قال الله يخارجنا منكم يالعتبان

سوالي عن مستور العصيمي ورشيد الزلامي

الزلامي قوي في الفتل ولكن النقض يقول الكثير من المتابعين ان مستور
اقوى من الزلامي وخصم عنيد وخاصه مع الشعار من خارج القبيله

نبا رائك يابو نقا بكل صراحه وبدون مجامله

وتقبل تحيات اخوك
ابوفهد

التوقيع

ماني بلا روقي ولا برقاوي = انا ثبيتي جد روق وبرقا

[فالح الغنامي]

المشاركة الأصلية كتبت بواسطة مشعل جويبر الجعيد

اسعد الله اوقاتكم بكل خير

بيض الله وجهك يابو فايح على هالاستضافه التي عودتنا على تكريس الجهود
واضفاء روح التنافس للمسابقة على المواضيع الجزله

حق لمنتدى الهيلا تكريم امثالك

اما ضيفك العزيز على قلبي فهو يحمل مني مكانه خاصه لا يضاهيها مكانه

كيف لا وهو الذي يجبرك ان تقف احتراما لشخصه قبل ان تسمع كلامه

مهندس الكلمه سيف العز ونصابه

ابو نقا

لا اقول له الابيض الله وجهك على ما بذلته وان كان غيرك اخذ السيف بالتصويت

فانت اخذت منا اغلى ما نملك قلوبنا سحرتها ببيانك وعقولنا اجبرتها على التفكير بك

والسننا تردد ابياتك

مخايل العام خفت بعد ماذعذع الغربي هواه===طبيعة البدو لا سمعت بعلم صغير تكبره

بيت عظيم من شاعر عظيم لن انساه ماحييت

الا الامام يابو نقا والاعضاء ما قصروا كل سؤال على الخاطر اتوا به

دمتم كما تحبون

اخوي الغالي مشعل جويبر


يامرحبا وياهلا بهالاسم وبالحضور والله ماتحترم الا من يحترمك ويعزك الله يطول عمرك




وان كان اعجبك اي بيت قلته فما هو الا من توفيق الله ثم من نتائج توجيهاتكم انت واللي مثلك سواء بطريقه مباشره او غير مباشره يا شاعرنا القدير المبدع .


والله يبيض وجه ابو فايح اللي كان سبب في التقائي بكم انت وبقية الاخوان .

[فالح الغنامي]

المشاركة الأصلية كتبت بواسطة رائد الكيرعاني القحطاني

مساكم الله بالخير يالربع




والله اني يوم شفت البنر طرا لي في راسي اسئلة واستفسارات




وكل ما فتحت صفحه لقيت لي سؤال فيها




الربع ما خضلو شي الله يوفقهم




حضوري للسلام يا فالح وبيض الله وجهك بيض الله وجهك بيض الله وجهك




أنا قابلتك في الحلقه الختامية قبل ما تصلّي وحبيت على خشمك واخبرتك انك أذهلتنا وانك كسبت جماهيرية على ساس




عز الله شاعر يابو نقا والميادين بانتظارك وسجلنا من متابعينك




سؤال بسييييط
لابو نقا فيه حفل نبي فالح الغنامي يختار لنا الشعراء 4 او 5 من المشاركين في المسابقة فقط ؟ أبي تحديد الأسماء





وتقبلو تحاياي

اخي رائد الكيرعاني


حضورك يزيدني شرف الله يحييك وعليك السلام ورحمة الله وبركاته


وادري انك قابلتني ويشرفني وعسا ماهو آخر مقابله تجمعني بمثلك وشرواك .




اما اختيار الشعراء توي اليوم مكلمهم ولقيتهم كلهم محجوزين العطله كلها ههههههههه الله يوفقنا وياهم والجميع

والافضل تشوف من غير شاعر المعنى

يعني اعفني من ذكر الاسماء ترا كلهم كفو يارائد ههههههه.

[وصل العطياني؟؟؟]

ما أقول غير الله يكون في عونك ....

أسئلة و أجوبة و تفكير و كتابة وتنسيق وسهر ...

هذي ضريبة الشهرة ....

<<-- ما يتشمّت ههههههه




تحياااااااااااتي .

التوقيع

na111na@hotmail.com

[فالح الغنامي]

المشاركة الأصلية كتبت بواسطة سلطان البقمي

السلام عليكم ورحمة الله وبركاته




اولاً انا من الناس اللي كنت مراهن ولا زلت مراهن على انك شاعر علم لكن



الي وقفه عند بيت للهاجري في بداية الطاروق وردك عليه الي وقفه كذالك منه


السؤوال :: ماذا فهمت من هذا البيت ادناه باللون الا حمر؟؟؟؟؟؟؟؟


سلطان الهاجري

اصحابنا كل ن يبا النوماس *** لكن ماحد ن يامن اصحابه

اللي دخل في مسجد العباس *** اكيد كبر به وصلابه


فالح الغنامي

واللي يجي ويروح طايل راس *** دخل ببيت العز مع بابه

يالهاجري فالموقف الحساس *** من لا يحسف مادرينا به



سلطان الهاجري

يابو نقا لو ماخذيت الكاس *** انته فخر للشعر وعتابه

ما الله خلقني للبدو عساس *** والرزق ماني قافل ن باب


هذا مالدي وعسى ان يكون سوال خفيف عليكم


تحياتي

اخي سلطان البقمي


عليكم السلام ورحمة الله وبركاته



الله يطول عمرك ويكفيني ان يراهن على شعري امثالك من اهل الذوق الرفيع


اما بالنسبه لبيت سلطان اعتقد انه كان واضح للجميع يعني التصويت وطريقته وخصوصا تأخير التصويت


اللي دخل في مسجد العباس اكيد كبر به وصلابه على مااظن مسجد العباس اللي برنامج شاعر المعنى


اما بيتي انا اللي فكان قصدي اني طايل راس بشعري ماهو بالتصويت . وفي الموقف الحساس

من لا يحسف مادرينابه اللي هو سيف المعنى مايحسف لانه مايؤخذ بالشعر .



تحياتي