يالي جاهلن حرقت النار !!!!

[أبو فيصل الدلبحي]

السلام عليكم ورحمة الله وبركاته

اضع بين ايديكم هذه الابيات التي تعبر عن نفسها واتمنى ان تعذروني على الاخطاء الاملايه

يامة الاسلام ياحول مليار=ياعالمن غطت بقاع البديده
اليوم نبغاها تصاريح وجهار=والنار بالصدر المحدث وقيده
اسلام لاكن فعلنا فعل كفار=ياكود منا عالمن مستحيده
كم واحدن منا عرفناه خمار=وكم واحدن سمع الاغاني رغيده
وياكم نهب حقن لليتام وصغار=وكم واحدن يملا حرامه رصيده
وكم واحدن في غيبت الخلق جزار=في غيبت المقفين يبذل جهيده
وكم واحدن يبحث مهاتيك الاستار=ماهمه المسلم وعارن يصيده
وكم واحدن يزني ولو كان بجدار=وكم واحدن جاهر بفعل النقيده
وكم واحدن دور على حرمة الجار=لاشافها قام ايتقطع زبيده
وكم واحدن يرقب محطات الاقطار=فكر الحرام الي يخرب وليده
وكم واحدن في بر الاصحاب بوار=نفسه على الاصحاب دايم بليده
وكم واحدن دور عن المسجد اعذار=معلن عن المدخال وسطه حديده
وكم واحدن هرجه مثقل بالوزار=وابليس فاشح فوق راسه يزيده
ياكم وكم شين تشاوفه الانظار=في امتن بالدين كانت مجيده
واليوم زاغت بالخطاء عقب الابرار=من عقب ماكانت بربي جويده
والحين ابصرخ ياجماعات وانفار=ياعالمن ببقاع ربي مديده
النار يالي جاهلن حرقت النار=كم واحدن فيها يكرر معيده
فيها الظلام الي تناساه الانوار=ولها الزفير الي تزايد هديده
شين تفتق من تصوره الاكوار=ياكيف نرضاء بالفعايل وريده
ونخلي الدار المجمل بالازهار=دارن تحلا بالعلوم السعيده

تقبلو تحياتي / ابو فيصل الدلبحي

آخر تعديل أبو فيصل الدلبحي يوم 10-Sep-2008 في 03:46 PM.

[عبدالله الجـــذع]

النار يالي جاهلـن حرقـت النـار
كم واحـدن فيهـا يكـرر معيـده


الله..
ابوفيصل عتب الغياب دائما ماتنسيناه قصائدك الرآئعه
قصيده اعتبرها فيض من غيض وحماسيه جدا
ولم تأتي من فرآغ ..
شاعر ومسلم لابد من توفر الغيره على الدين الاسلامي
والمسلمين..

صح لسانك على هالروحانيه الرآئعه
وجدت فالقصيده انسيابيه جدا رآئعه خصوصا في نهايتها
الف شكر لما تقدم

وننتظر جديدك بشغف
محبك
.,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[أبو فيصل الدلبحي]

عبدالله الجذع ,,,

صح بدنك ,,,

ولاهنت على الكلام الي ماقدر على مجاراته مهما كتبت ,,,

ولاكن لك جزيل الشكر والعرفان على مرورك واطاراك المحمس ,,,