محاوره بين تركي الميزاني ورشيد الزلامي بالغاط

[((الدلبحي))]

ياتركي الفين نسمع عنك بعض الكلام=ومطير ماودنا نشذب عراقيبها
اما ليا جيتنا وقف 00ورد الســــــــلام=ولا نكبناك نكبه مانت داريـبها
السر مدفون مابين اللــحم والعـظــام=واهل المواجيب ماننقص مواجيبها
أنا سلامي عليكم00مرةٍ كل عـــــام=واهل الهناديب ماتـنفع هناديـبها
انته من العام تخلطها حـلال وحــرام=ماعاد لك قبلةٍ تعرف تصليبها
تشيل عشرين طلقه ميته بالحـزام=وتزهب البندق العجرا وترميـبها
اللي يقول الحقيقه مايجيه المــــلام=والنار ياكثر من يشعل مشاهيبها
إن كان عين الزلامي مايجيها المنام=من يرخي إذنه لهرج الناس يوحيبها
ترا معي حيلةٍ لمخالفين النـظـام=واللــه لخليك ياتركي تهذريـبها
وإني لطاردك وسط المملكه شرق شام=لين الطروق الرزيله ماتغنيبها
أنته00وانا 00كلنا متقاسمين الطعام=لكن الايام لاتامن عواقيبها
ياراعي الخشم خشمك لا يجيه العرام=لحيتك تقديرها من قدر أشانيبها
الوقت يا شاعر المطران جاله سنام=لكن عوجة رقبته00وش نسويبها
والحر يشبك بفرخٍ من فروخ الحمام=يا طيبها يوم جابت صقر ياطيبها
صل الفرايض وحج البيت واقض الصيام=لا عاد سبحتك للعالم تواميبها
النور يا شاعر الروقه00 يزيل الظــلام=وحنا صقور ٍ تعشيها مخاليبها
انـتم قبيـله لكن الطق فك اللحـام=مطير قوم ٍ خلقنا اللــه لتعذيبها
سقناك من قلة الحره لغربي نعام=ديار تصبح بها00 وديار تمسيبها
أعرف عشيره واعرف الجمش واعرف جهام=ياشيب عينك من المطران يا شيبها
تحمد الله00 وريح فوق ريـش النعــــام=ضيوفكم ماتبا تجرح معازيبها
انته تعرف الدير00لكن بياع خــام=ماغير تمشي وكل أرض ٍ تعشيبها
حنا ليا حميت الهيجا00وحصل الزحام=نشرب فناجيل خلق الله 00ونرميـبها
أنا من اهل الأشده في نهار الزحام=رجليك اباأنشدك من كسر عراقيبها
ياهل الفناجيل جاكم ردها بالتمام=من حول أهل المناصب من مناصيبها
صاحبك شايب لكن انته بسن الفطــام=أعرف علوم ٍ ماظن ألفين يدريبها
والله يالولا حياي من الرجال الحشام=لا قولها صح00 وآخليك تسريبها
انته تحلم00ولا غشتك غير الحلام=راجع دفاترك تلقا في مكاتيبها
وراك ما قلتها ياصاحبي من شمام=حتى إن حملتك في ظهرك تزوزيبها
يامطير ماعاد ينفعكم شراب وطعام=من يوم فارقتم أم الرمث وشعيبها
قامت عليكم دروز ٍ ماتعرف الكلام=وانتم كما العقرب اللي تلوي ذنيبها
جدك توفى وفارق ناقشات الوشام=وأبوك شيب وهيبتنا يهذريبها