السنانى / السحيمى

[شبل جهينه]

السلام عليكم ورحمة الله وبركاته



راشد السحيمي:
مرحبا ترحيب حربي معازيبه حروب..امرنا شورى ومن قال منا يحتمي
يا محمد لاتقفل على الناس الدروب..اعتدل مثل الجماعه وخليك آدمي




محمد السناني:
البقا باللي ليا قام فاللازم ينوب..فالنظام الداخلي والنظام العالمي
انت عينك تلتفت للشمال وللجنوب..مابقي الا تآخذ اللقمه اللي في فمي



راشد السحيمي:
اللسان يطلع اللي تخفّيه القلوب..ليت ما بيني وبينك مطيري وسلمي
لا تحسب اني على بعض الآصحاب مغصوب..بندقي في منكبي والفشق في محزمي



محمد السناني:
انت لاهالحين طيب وغالي ومحبوب..كل ما تقرب يغطيك جودي وكرمي
ادري انك تحمي العلم والراسي معصوب..مير لاتخرج هقاويك عن ظل اعلمي




راشد السحيمي:
ليش اقلك عيب والآدمي كله عيوب..انت مثل الذيب في كل حاله ترمي
المفصل ناسي انا فزعنا له بثوب..داخل الفيروس في دمك مدري في دمي



محمد السناني:
لو تقول إن الخطر ينتظر من كل صوب..ماتجاوزت الحواجز ولا زل قدمي
إن بغيت الحق ماانته سليم من الذنوب..وإن رجعنا للسجلات ما القى لك سمي




راشد السحيمي:
واضح انك تالي الوقت هبت لك هبوب..قوم في لازمك مالك دخل في لازمي
من علاه ذنوب يمكن يابو تركي يتوب..وانت ابن متروك ماانته من الذنب محمي



محمد السناني:
كتبت الآرزاق من عند علام الغيوب..كان فاتك شي قول العوض فالقادمي
يظهر انك ماانت خايف من النار الشبوب..لامفكر فالشهاده ولاانته محرمي

[محمد فهد الدعجاني]

الله يعطيك العافيه

وطاروق يستاهل

[المزيني.]

طارووق عالمي

ياليت تتحفونا بها من اليوتيوب