قصة الدويش عندما وقع اسيرا عند شديد الحثري العصيمي

[محمد العريم]

في أحد الأزمان قبل توحيد المملكة غزا الدويش وجماعتة على قبيلة عتيبة وكان هدفهم أخذ إبل شديد وجماعتة وكان عدد جيش الدويش كبير جدا بينما عدد جماعة شديد قليل لايتجاوز ثلاثين فارس عندما بدأت المعركة قتل شديد تسعة من الغزاة في وقت وجيز ثم قام بأسر الدويش وعدد كبير من جماعتة وكان من عادات القبائل إكرام الأسير وكأنة ضيف والطريف في القصة إن شديد عندما رحب بالدويش وجماعتة على العشاء قال: حياكم اللة على لحم جيشكم . وعندها زعل الدويش وقام عن العشاء ولكن احد كبار جماعة الدويش قال للمطران : تعشوا نصف رجالكم مقتول والبقية أسرا وهذا الدويش الخبل يفكر أنه عند أهله . وبعد ذلك قام المطران بتناول العشاء ثم قال شديد: أنا لم أقصد إهانتك ولكنها هذي هي الحقيقة انت الذي غزيت ....... يــــتـــبـــع
وهذا شطر من قصيدة شديد:

يقول العصيمي وان بدا راس قنه في قنةٍ
عديت عالي رقيبها ماعندي الاشارد الصيد والخلا
والا السباع اللي يروع قنيبها
ياذيب يااللي يم راس العدامه فالرايغه فاقصا علاوي شعيبها
اقنب لذيب يم خشم الزباره وحول على جيشا ونشر عصيبها
ذبحي من الصعران تسعه ببندقي بالمارتين
اللي سريع نديبها وخمسة عشر جيشا عليه الاهله
وباقي عدايدها لمن يسنيبها
يتبـــــــــــــــــــــع

[الذيب العصيمي]

والله الي بدري


كفو بالهيلا جميعا

يا العريم اسمح لي القصة اللي ذكرتها غير صحيحة

واللي غزا العصمة يعقوب الحميداني ومعه الصعران ماهوب الدويش

والأبيات دليل واضح

وفعل شديد الحثري فيهم ماهو بسيط لأنه من أشهر رماة أهل نجد

وتقبل ردي

ابن عصيم الحلحلي

[مطير عزوتي]

اخوووي كلام ابن عصيم صحيييييييييح وانا قال لي الشااايب عن

هالسالفه وانا صعيـــري من خياله الشرفا ويقول الشاايب : كانوا الصعران

والحمادين يريدون غزو جماعه من عتيبه لأخذ البل ولما غزوا كانوا

عتيبه وااعيين لهم وكانوا من جماااعه عتيبه فريسه ولا تذكر !!

وابتدأت المعركه وكان الانتصار بالأول للصعران والحمادين ثمن جاء

جيش من العصمه وكانوا كثير واستحلو على المطرااان واسروهم

ثم قال العصيمي : انت يا المطيري . قال : وش تبي ؟؟ . قال : انت عندي

اسير وصارلك مده وما تاكل . قال له : انا اسير ولا ضييف ؟؟ قال

وباستغراب !! : ابك انت ماتعرف رسوم العرب ؟؟ قال له : انا مطيري

ومن ساس العرب انت مني وش تبا ؟؟ قال له : انت اللي حفرت قبرك

بيديك الثنتين ياهل المطيري !!!!!! ثم غضب الصعيــــري وقال :

ان حفرت القبر بدفنك به !!!!!!! ثم غضب العصيمي و جماعته وقتلوه

وهذا اا اللي اعرفه من الشايب ولكن الذبحه ذبحه غدررررر .

تحياتي لكم

[البارع]

يقول المثل" يداك اوكتاوفوك نفخ" ويقول"على اهلها جنت براقش"


وبعدين هو اللي جابها على نفسه ويقول المثل"ياغريب خلك اديب"


ولا تصف الر يجيل بالغدر@@@@@@@@@@@@@@@@@@@

[قصي]

تحياتي للجميع
الاخ محمد العريم الله يعطيك العافيه
قصة الفارس شديد الحثري مع الصعران وقد سمعت روايتها من تركي بن عبد العزيز الدعيس ويرويها عن احد شيبان الصعران والذي يروها عن والده
يقول غزينا العصمه ويوم جا عقب العصر وحنا على هاك البل والحلال ما عندها احد ونشوف البيوت مهيب عنا بعيد وعندها هاك الفرس مربوط وتقتلب في الرباط قال واحدا منا والله يهال الفرس انها فرس خيال قال شيخنا ولاصار خيال ويش يبي سوي وحد فينا كلنا
يقول اخذنا الحلال ورجعنا يقول يوم جا عقب المغرب وظلم الليل ولادرينا لا الرجال يوم اعتزاء وسطنا (سقم الحريب وان اخو شدا ) وثورت البندق فينا ويتفرق الجيش وكلان منا يتفقد نفسه ولاندي منبن عطا ونشيل الرجال المذبوح ونسري قال شيخنا تحرصو وخاصه الى على الاطراف لا يدخل الرجال وسطكم يقول يوم طلعنا مع هاك الريع لاوالله ان ثورث البندق فينا ذابحتن واحدا منا ونشيل الثاني ونسري يقول يوم جينا في هاك الحزم ونسمع ظرب حوافر الفرس ناصيتنا ولا ندي من اي جهه ويتفرق الجيش كلا يقول عسا مهيب في وتثور البندق وحنا لا سمعنا البندق ثورنا بنادقنا فوق علشان ما نصيب اخوينا ولا طول عليكم يقول مرا يتلقفنا في الريعان ومرن يدبسنا ولا يثور البندق الا مره يقول يوم ذبح منا تسعه قال شيخنا ويش رايكم يا رجال يقول قلنا بنسوق الحلال ولا بنشيل موتنا ون استمرينا ذبحنا الرجال قال جنبو عن الحلال ورجنا وخلينا الحلال اما الاسير فلم اسمع به في القصه وقد يكون وقعه اخري ولا اظن ان شديدالحثري سيقتل اسير لان من شيم القبائل اكرام الاسير وعدم قتله الا اذا حاول الهرب
وهذه الروايه هي الاقرب للصحه والدليل بعض ابيات القصيده والتي منها
ماعندي الا شارد الصيد والخلا_________ ولا السباع الى يروع قنيبها
والله اعلم ورحمهم الله جميعا

آخر تعديل قصي يوم 21-Aug-2007 في 07:27 PM.

[محمد العريم]

الاخ ابن عصيم الحلحلي
تقول ان القصه غير صحيحه واذا كان لديك معرفه بالقصه الصحيحه الرجاء ايرادها كامله ؟
اما القصيده فهي على النحو التالي:
يالله يامطلوب يا قايد الرجا يا خالق نفسي وعالم نصيبها
طالبك من نون صدوق به الحيا تسقي ديار في القسى نلتوي بها
قال العصيمي وان بدا راس قنه في قنه عديت عالي رقيبها
ما حولي الا الصيد مع هادش الخلا غير الذياب الي تزايد قنيبها
ابدع قروحن كنها ذايب العسل او در عرب من محالي حليبها
ماني بخبل نومته حزه الضحى ولا من رخومن شينها في قريبها
واللاش دايم نقمه لابن عمه لو كان ما له حجه يدعي بها
من اولاد عم كل ما جا حرابه ربع مضراة بلطمه حريبها
نذبح شيوخ القوم عجل تعمد بمسلبن با الضيق تشلع حريبها
بحوارث كن الحيايا رقابها من الصيد حناها وزين خشيبها
ونركب بهن فوق عوص النجايب حرايرن يزرع قلبي هذيبها
ونرعا بهن في سنين عشايب نرعا بهن في حماها وطيبها
ونرعا بهن في سنين شبايب صنت مصاليب توقد لهيبها
يوم ان ولد اللاش عنهن توخر يقول لا ابيها ولا معتني بها
جونا كما ثعل البرد من مخيله على غروب الشمس حزه مغيبها
وقمنا عليهم قومه تعجب النظر هاذيك نخطيها والاخرى نصيبها
وبانت عزاوينا وبانت فعولنا ونطلق اللي طامحن عن خطيبها
كم خفرة دمعها غطا خدودها نهار غب الكون تبكي حبيبها
ذبحي من الصعران تسعه ببندقي بالمارتين اللي سريع نديبها
وخمسه عشر جيش عليها الاهله وباقي سناويها لمن يستني بها
لولا الضما والليل عنهم حداني ما اخلي اللي راكب في نجيبها
هاذي علوم الصدق يا جاهل بها ولا ني بقايل سالفه ما ادري بها
ياذيب يا اللي يم خشم اذهلاني في الرايغه بقصا علاوي شعيبها
اقنب لذيب يم خشم الزبارة وعيد على هجنن ونثر عصيبها
تشبع جعاراتن وتشبع حنادي وعلى الرضم تدعي مكاحيل ذيبها
وختامها مني صلاه على النبي عد النجوم عد من يهتدي بها

[آل رداد]

المشاركة الأصلية كتبت بواسطة محمد العريم

الاخ ابن عصيم الحلحلي
تقول ان القصه غير صحيحه واذا كان لديك معرفه بالقصه الصحيحه الرجاء ايرادها كامله ؟
اما القصيده فهي على النحو التالي:
يالله يامطلوب يا قايد الرجا يا خالق نفسي وعالم نصيبها
طالبك من نون صدوق به الحيا تسقي ديار في القسى نلتوي بها
قال العصيمي وان بدا راس قنه في قنه عديت عالي رقيبها
ما حولي الا الصيد مع هادش الخلا غير الذياب الي تزايد قنيبها
ابدع قروحن كنها ذايب العسل او در عرب من محالي حليبها
ماني بخبل نومته حزه الضحى ولا من رخومن شينها في قريبها
واللاش دايم نقمه لابن عمه لو كان ما له حجه يدعي بها
من اولاد عم كل ما جا حرابه ربع مضراة بلطمه حريبها
نذبح شيوخ القوم عجل تعمد بمسلبن با الضيق تشلع حريبها
بحوارث كن الحيايا رقابها من الصيد حناها وزين خشيبها
ونركب بهن فوق عوص النجايب حرايرن يزرع قلبي هذيبها
ونرعا بهن في سنين عشايب نرعا بهن في حماها وطيبها
ونرعا بهن في سنين شبايب صنت مصاليب توقد لهيبها
يوم ان ولد اللاش عنهن توخر يقول لا ابيها ولا معتني بها
جونا كما ثعل البرد من مخيله على غروب الشمس حزه مغيبها
وقمنا عليهم قومه تعجب النظر هاذيك نخطيها والاخرى نصيبها
وبانت عزاوينا وبانت فعولنا ونطلق اللي طامحن عن خطيبها
كم خفرة دمعها غطا خدودها نهار غب الكون تبكي حبيبها
ذبحي من الصعران تسعه ببندقي بالمارتين اللي سريع نديبها
وخمسه عشر جيش عليها الاهله وباقي سناويها لمن يستني بها
لولا الضما والليل عنهم حداني ما اخلي اللي راكب في نجيبها
هاذي علوم الصدق يا جاهل بها ولا ني بقايل سالفه ما ادري بها
ياذيب يا اللي يم خشم اذهلاني في الرايغه بقصا علاوي شعيبها
اقنب لذيب يم خشم الزبارة وعيد على هجنن ونثر عصيبها
تشبع جعاراتن وتشبع حنادي وعلى الرضم تدعي مكاحيل ذيبها
وختامها مني صلاه على النبي عد النجوم عد من يهتدي بها

الاخ محمد العريم
السلام عليكم ورحمة الله وبركاته
الحلحلي لم يقول القصة غير حقيقية ولكن يقول القصة على الصعران وليس على الدويش.
وهذا هو الصحيح
والدليل القصيده لم يذكر فيها الدويش بل ذكر الصعران
وشديد الحثري فارس وبواردي معروف وغني عن التعريف.

ونشكرك على مشاركتك

وياليت اخ محمد العريم تورد لنا قصة وقصيدة محمد بن راشد العريم الذي يقول فيها:
رب سلم ذلولي ياكريم السبالي .............. رب سلم ذلولي ياكريم العطية
تلحق الي قعد خلف البكار المتالي ........... يوم اكنا على بنيوس فالحارثية

والقصيده اطول من ذلك ودنا توردها بموضوع مستقل اذا عندك خلفيه كامله عن القصة والقصيده
واكون لك من الشاكرين

[خوفو]

على عقوب الحميداني مال الدويش علاقه فيها يابن عاصم

لاتحرفون السوالف وتسمجونها

والسالفه معروفه وشديد من الرماه والابطال

[عبدالرحمن الوجنان]

بسم الله الرحمن الرحيم
السلام عليكم ورحمة الله وبركاته

هذه رواية عمي : عبيد بن بريك بن وجنان العصيمي ، الله يعطيه العافية ويطول عمره

أغار الشيخ عقوب الحميداني بقوم من الصعران والحمادين وغيرهم من قبيلة مطير على فريق من العصمه والسلسه من قبيلة عتيبة وهم نازلين في فيضة المرموثه التي تفيض شمال من جبال الاسوده بأتجاه عبلة كويكب الهضبه المشهوره ، ودارت بينهم معركه قتل فيها تسعة من الصعران وخمسة عشر من جيشهم على يد الشجاع المعروف شديد بن منصور الحثري الحمراني العصيمي وهو أبرز الرماة في نجد في تلك الفترة ، وقتل عدداً أخر من المطران و جيشهم على أيدي العتبان وقتل من العتبان حمدي بن مضيان بن سعد السليس وأصيب قاتل حمدي على يد بريك بن خضير بن وجنان العصيمي ( جدي ) ، وقام محمد بن مضيان أخو حمدي وصبره و شرب من دمه .... وقيل انه مات بعد اربع اسنين بسبب شربه لدم قاتل اخيه ، و جدي بريك نسيب للمضايين لأن أخته خضرا بنت خضير زوجة لحمود بن مضيان أخو حمدي المقتول وهي والدة للشاعر المعروف مقعد بن حمود بن مضيان السليس .

وهذه قصيدة شديد :

قال العصيمـي بـادي ٍ راس قنـه .... في قنة ٍ عـد يـت عالـي رقيبهـا

ماحولي الا هامل الصيـد والخـلا .... وشهب الذياب اللي تعـاوا قنيبهـا

ابني بيوت ٍ كنهـا ذايـب العسـل .... او در عرب ٍ من محالـي حليبهـا

يـاالله يالمطلـوب ياقايـد الرجـا .... ياخالق الامـه و مبـدي نصيبهـا

يامقسـم ارزاق المخاليـق كلـهـا .... ياموجـد الا نفـس ويامعتنيبـهـا

ياقاهر الطاغـي وياقامـع الخنـا .... ونفس ٍ تعثوا بـك عليـك تعذيبـه

يارب توحي جابتي عنـد حاجتـي .... ياخلـق ٍ روح البنـادم حسيبـهـا

ارجيك يوم انك براجيـك تعتنـي .... وعين ٍ ترجـاك الرجـا ماتخيبهـا

تطرح لنا غيث صدوق بـه الحيـا .... يسقي ديـارا بالقسـا نلتـوي بهـا

وانك تعاونا علـي مايـل الدهـر.... وتكسي مدايرنا بخضـرة عشيبهـا

ماني بخبل ٍ نومته حـزة الضحـي .... ولا من الرخوم اللي شينهافي قريبها

من الاد عاصم كـل ماجـا دعيـه .... تذيـل الحجـه وتفلـج طليبـهـا

وان جاعليهم من خصيـم ٍ حرابـه .... ربعي مضـراة ٍ بلطمـة حريبهـا

تفدع شيوخ القوم في حومة الوغـي .... بمسلب ٍ تشلـح ترايـب صويبهـا

مسلـب ٍ كـن الـزوارق ارقابهـا .... من الصيد حناها وعـدل خشيبهـا

للضيق ومبادي الـردى متعبينهـا .... صنعـة افرنجـي ٍ قـوي لهيبهـا

نرعى بهن مـن سنيـن العشايـب .... في ديـرة ٍ قفـر خـلا ماوطيبهـا

ونركب بهنه فوق عو ص النجايب .... هجن و جياد زرع قلبـي جنيبهـا

يوم ولد الـلا ش تـرك وجوبهـن .... والقالـه الدنيـا لديـن رضيبـهـا

اللا ش دايـم نقمـةٍ لا بـن عمـه .... لـو كـان مالـه حجـة ٍ يدعيبهـا

جونا كما ثعل البرد مـن مخيلتـه .... قدام عين الشمـس تـدرك مغيبهـا

من فوق جرد ٍ كن أضاحي نحورهن .... فقوح الا دام اليـا تقافـى هريبهـا

وقمنا عليهم قومةٍ تعجـب النظـر .... والقرم باسم اخته عدا يعتـزي بهـا

نشهر عزاوينـا ونطلـق مهارنـا .... ونطلق اللي طامح ٍ مـن خطيبهـا

كم من عيطموس من جراير فعولنا .... غبة نهار الكـون تبكـي حبيبهـا

ذبحي من الصعران تسـع ببندقـي .... بالمارتين اللي سريـع ٍ نـد يبهـا

وخمسة عشر جيش وعليه الاهلـه .... وباقـي عدايدهـا لمـن يستنيبهـا

والله بالولا الليـل عنهـم حدانـي .... ماخلي اللـي راكـب فـي نجيبهـا

من يوم ثار الملح ما اتب ولا زمى .... هذيـك نعطبهـا وهـذي نعيبهـا

ياذيب ياللي فـي خشـوم ذهلانـي .... فالرايغه واعلى عـلاوي شعيبهـا

اقنب لذيـب ٍ يـم خشـم الزبـاره .... وعيد علي هجنن ونشـر عصيبهـا

تشبـع جعيـرات وتشبـع حنـادي .... وعلي العشا تدعي المكاحيل ذيبهـا

وهذي علوم الصدق ياجاهلـن بهـا .... ولاني قايل سالفـة مـادري بهـا

و ختامها مني صلاة علـي النبـي .... عد النجوم وعد مـن يهتـدي بهـا

والله أعلم

وسلامتكم