|
07-May-2004, 03:23 PM | رقم المشاركة : 1 | |||
|
وين طلال ووصل
اعزائي الكرام سبق وان طرحت هنا تساؤل يدور حول بيت من الشعر وعن قائله ولم اجد اي تجاوب مع هذا الموضوع البيت هو:حناعتيبه كم حريب لطمناه.......دقلاتنا مثل الخيال الرزيني على من يعرف قائل هذا البيت ان يورده مع القصيده كامله ان امكن ذلك.........................ولكم وافر الشكر والتقدير......ابوسليمان.....
|
|||
|
|
07-May-2004, 08:09 PM | رقم المشاركة : 2 | |||
|
اخوي ابو سليمان
هذه قصيده للشاعر من اعظم شعراء عتيبه وهو مخلد القثامي وقد قالها ارتجالا امام ابن رشيد وتجدها كامله على هذا الرابط http://www.otaibah.net/m/showthread....=167&highlight تقبل تحيتي |
|||
|
|
07-May-2004, 11:56 PM | رقم المشاركة : 4 | |||
|
[poet font="Simplified Arabic,4,white,bold,normal" bkcolor="blue" bkimage="" border="none,4,gray" type=0 line=200% align=right use=ex length=100 char="" num="0,black" filter=""]
حنا عتيبه كم حريب لطمناه =دقلاتنا مثل الخيال الرزيني علونا في الحجز واقصى قراياه =وشرقينا يم الحسا مردفيني وجنوبنا وادي الدواسر رعيناه =وشمالنا يم المدينه يميني حنا ترى نجد المسمى ملكناه =وخابت حظوظ ملوكه الاوليني وادي الرشا غصب على الناس نرعاه =بشلف رهاف ويقطعن الوتيني تمرجحي في حمضته واشربي ماه =وتبرهجي يا مقرعات الحنيني وكم بيت شيخ في نحانا هدمناه =وامسوا مساييره من الخايبيني وكم راس شيخ عن متونه نطلناه =وراحت تسير به كلاب القطيني والفصل جا فاربع سنين مسماه =من عقبها سموى القبايل طنيني منها النهار اللي على الضال واقصاه =من عجه الضلعان عيت تبيني ومنها نهار فوق دلعه عبيناه =مع ايسر الهضبه عساها سنيني ولد الدويشي فا لعويند كسرناه =يوم عليه ايشيب المرضعيني وعلى طلال الدم الاشقر نثرناه =يومنهم جونا الضحى سارحيني [/poet] وفي هذه الاثناء قام بن رشيد واستل سيفه غضبا منه لانه لم ياتي احد من قبل ويذكر مفاخره في مجلس بن رشيد,ولكن سرعة بديهة الشاعر انقذت الموقف ومدح بن رشيد باربعه ابيات تليق به كحاكم مشهور له صيته اللاذع ,وقد اكمل الابيات ب: ] [poet font="Simplified Arabic,4,white,normal,normal" bkcolor="blue" bkimage="" border="none,4,gray" type=0 line=200% align=center use=ex length=0 char="" num="0,black" filter=""] والله للا شيخ وطتنا زكاياه =ماناخذ العمله من الحاربيني شيخ تجي له سبق الخيل مهداه =ابن رشيد امروع الغافليني اليا مشى جمعه وذروات تبراه = من كثرهم يا ارحم الراحميني مثل الجراد اليا تقافت رحاياه =امصلطه ربي على الظالميني [/poet] |
|||
|
|
08-May-2004, 12:59 PM | رقم المشاركة : 5 | |||
|
مشكور
اشكرك وبعنف عزيزي الذيب............ولكن..؟؟؟؟؟؟؟؟؟؟ القصيده ليست واضحه
|
|||
|
|
17-May-2004, 11:46 AM | رقم المشاركة : 7 | |||
|
وافي
مشكور ومعذور ياوصل
والشباب ماقصروا قاموا بالواجب مع خالص امنياتي لك بالتوفيق والنجاح بس شد حيلك |
|||
|
العلامات المرجعية |
يتصفح الموضوع حالياً : 1 (0 عضو و 1 ضيف) | |
|
|