محمد الربيقي وسفر الدغيلبي مواااال الابداااااع

[أحمد المويعزي]

السلام عليكم ورحمة الله وبركاته


مساء الخير

محمد الربيقي:

الليله الحفله ترى شرحها غير=الله يبارك بالرجال المناعير
وان جمعتنا باللزوم المقادير=الله يعز المملكه ويحماها

سفر مطالب من الجمهور=واضنها دقت الساعه
بعد العزيزي وصلك الدور=ياشاعر الشعر بانواعه

سفر الدغيلبي:

الليله الحفله على خط مفتوح=فيه المواتر كلها تجي وتروح
مير الغلط بالخط ماهو بمسموح=الله يعز المملكه ويحماها

ليلك مضلم وجاك النور=اجهرك واعماك بشعاعه
نارك وخل القدور تفور= ولع حطبها بولاعه

محمد الربيقي:

الخط كله بالمعاني وبالعلم=لاتحسبنه خطك اللي غدا حلم
المبطي اللي من عشيره ليا ضلم=الله يعز المملكه ويحماها

النور يوم الرصاص يثور=مير الزم السمع والطاعه
حنا هل البيرق المنشور=يوم الردي تدخله راعه

سفر الدغيلبي:

انت متفرعن في عضيم وسميره=وان كان باقي في حزامك ذخيره
لاترتجف لاجيت ديرة عشيره=الله يعز المملكه ويحماها

بامكاني اجرحك بالاضفور=لكني اعدك وداعه
يلوح ذراعه المكسور=ياحرب من يجبر ذراعه

محمد الربيقي:

انا افتخر في ديرتي يابن الاجواد=اللي بها ذكر الكرم والوفا زاد
والا انت لو تمدح ونمدحك وش عاد=الله يعز المملكه ويحماها

اليا تفاخرت بالمحذور=في غبة(ن)مالها قاعه
ان كان ماتستمع للشور=ركب باذانيك سماعه

سفر الدغيلبي:

لاصار مايشقيك مدحي وذمي=ماني بلا يمك ولا انته بيمي
وش غادي(ن) لك يوم جيت متحمي=الله يعز المملكه ويحماها

قالو ديار الحروب دهور=قلنا للاشجار قطاعه
من يومنا لين نفخ الصور=يالله دخيلك من الضاعه

محمد الربيقي:

مدحك وذمك وش يسوي يارجال=تبى تشيل الحمل والحمل لازال
يشفيك بالمرقاب شيله وموال=الله يعز المملكه ويحماها

قالو عتيبه هل المقهور=ومع اول السوم بياعه
اللي يقول الزمان يدور=صحيح مشكوك باوضاعه

سفر الدغيلبي:

لاوالله الا راحت علومك شتات=مع العباد اللي يجرون الاصوات
كد شفت لك بالمختلف عشر شيلات=الله يعز المملكه ويحماها

فيله وركبت على الخابور=ومصنعه بافخم صناعه

[محمدالنفيلي الحربي]

شكراُ لك يالمواعزي على النقل الجزل

[رائد الكيرعاني القحطاني]

لاهنت يالمويعزي


عز الله ان الربيقي شااااعر وند قوي لبو سعد



صح الله السنتهم

لاهنت

[جمال العضياني]

محاورة فتل ونقض

اتوقع للربيقي مستقبل باهر ,,,شاعر بماتعنيه الكلمه و قل مما يمشي على شاكلته..

ولاهان سفر...

[بطـران العتيبي]

لآهنت على النقل الجميل وصح السان ابو سعد مبدع كالعاده ولا هان الربيقي .

[خلف المطيري]

مبدع الربيقي وند قوي

بس مارد علي البيت هذا اعتقد انه مابغا يحثلها

قالو ديار الحروب دهور
قلنا للاشجـار قطاعـه

يقصد شجر الصمغ

المفروص يرد بمثلها لكن كلن ورغبته

حرب شعار ودواهي من قديم بس ماعندهم اعلام قوي

مثل علي الحصني شفت له خمس محاورات هنا والله كارثه وشاعر

آخر تعديل خلف المطيري يوم 18-Dec-2010 في 07:18 AM.

[أحمد المويعزي]

لاهنتم على المرور وعافاكم الله

الأخ خلف المطيري...

حياك الله ونورت الموضوع

تقول محمد مارد على البيت هذا

قالو ديار الحروب دهور=قلنا للاشجار قطاعه

أتمنى انك تعيد النظر في بيت محمد

قالو عتيبه هل المقهور=ومع اول السوم بياعه

[اسير الروح]

لاهنت للنقل

صح لسان المبدع سفر الدغيلبي


ولاهان الربيقي

[ماني بهايب]

الربيقي
النور يوم الرصاص يثور
***مير الـزم السمـع والطاعـه

ابو سعد
بامكاني اجرحك بالاضفور
***لـــكـــنــــي اعــــــــــدك وداعـــــــــــه

شعار مبدعين ولاغدا لحدٍ عند احد شي
عاشوا شبابه

[خلف المطيري]

المشاركة الأصلية كتبت بواسطة أحمد المويعزي

لاهنتم على المرور وعافاكم الله

الأخ خلف المطيري...

حياك الله ونورت الموضوع

تقول محمد مارد على البيت هذا

قالو ديار الحروب دهور=قلنا للاشجار قطاعه

أتمنى انك تعيد النظر في بيت محمد

قالو عتيبه هل المقهور=ومع اول السوم بياعه

انا فاهم وشايف رده

اقصد طال عمرك كل قبيله لها معياره

مادام جاب معياره يكون الرد في معياره هذا القصد

ولا الربيقي جزل ماقول فيه شي