مُسـآجله بيني وبين الشاعر عامر العتيبي..

[عبد الكريم العازمي]

مسـاجله بيني وبين الشـاعر/عامر العتيبي..

((عبد الكريم العازمي))

سـلام والقيـفـان وردّ ومصـاديـر=مـن قوهـا يقـدح عليكـم سنـاهـا
أظلـم سماكـم يالرجـال المناعـيـر=بعد انكشـف عـن الحقيقـه غطاهـا
بعد السيول وبعـد سـوق المظاهيـر=جـفـت أراظيـكـم وروح حـلاهـا
منـول بحرفـه وحـسـن التدابـيـر=يديـر قـومـه شيخـهـا لارعـاهـا
واليـوم جعـل أموركـم كلهـا خيـر=كـلً هـوى نفسـه ويتبـع هـواهـا
ماصارت بعصـر الجـدود المشاهيـر=اللـي بحـد السيـف تلطـم عـداهـا
فيهم رزانـة عقـل وفيهـم سعاطيـر=ومن دون نصر الديـن تعلـن ولاهـا
ياللي طعنتـو فالبشـر طعنكـم غيـر=يخلف ظلوع الصـدر ويلعـن ثواهـا
أرضيت شخص وبالغصب مزعلّ الغير=ياكثـر نــاسً مابغيـنـى رظـاهـا
وأنكـان راح اللـي يضـد الطوابيـر=اللـي لـه الجزلـه ويثنـى عـلاهـا
راح الدلو راح الرشـا بقاعـة البيـر=والنـاس مانـدري وش اللـي بلاهـا
وياللي طعنتو فالبشـر طعنكـم غيـر=يخلف ضلوع الصـدر ويلعـن ثواهـا

((عامر العتيبي))

يامرحبا ترحيب يسبق معاصيـر=من قوها تهدم بيـوت(ن) بناهـا
مدامه يعذرب ولا فيـه تقصيـر=والسر فالبيـر وغطاهـا علاهـا
والي كشف سر النشاما بتقريـر=يموت ماغير صفـات(ن) قناهـا
وانته جمعت القوم مافيه تبريـر=ياكود ناوى القوم تشقر عصاهـا
ماتنشقر حنـا شخنـا الطوابيـر=واحدن يداوى العين واحدن عماها
والي رجع اكيد ربـوة غناديـر=والي جلس يحمى الديار وحماها
لاكن هاك العلم من دون تفسيـر=وابغاك ماتنسى وش الي وراهـا
سجيت رجلي بين صفر ومغاتير=ولاحدن حسيبي لو ابيح خفاهـا
وانته تكد وذابحتـك المشاويـر=وتمر نجـد ولا تعـداء قراهـا
وياربعنا ياهل الـدلال المباهيـر=ياعزوة(ن) كلن سمع في صداها
ماني بواقف بالسيوف المشاطيـر=منهو بغاهـا لايتعـدى حراهـا
بقولها ماهمنـي ويـش بيصيـر=والي علاها ماسلم مـن عناهـا
وياربعنا ياهل الـدلال المباهيـر=ياعزوة(ن) كلن سمع في صداها

وسلامتكم

[عناد الشيباني]

الله الله

صح السااااااااااانك

والسان ابوسعود

مساجلة راائعه..

[عبد الكريم العازمي]

صح بدنك ولاهنت يا عناد

[فهد الشيباني]

مساجله جزله

صح الساانك ياابو رهف وصح الساان نادر

لاهنتم

[عبد الكريم العازمي]

صح بدنك يا فهد ولاهنت على تشريفك!

[فهيد مقعد الرويس]

صح لسانك

ياعبدالكريم ولسان قبيلك

لكن عندي ملاحظه يمكن خطافي الكتابه

ماتنشقر حنـا شخنـا الطوابيـر

يمكن حناشيوخ الطوابير لكي يستقيم الوزن

وملاحظه ايضا على هذا الشطر


ماني بواقف بالسيوف المشاطيـر

والقصد السيوف الشطيره ولكن المشاطير هذي اول مره اسمع بها

تقبل مروري

اخوك

[عبد الكريم العازمي]

المشاركة الأصلية كتبت بواسطة فهيد الرويس

صح لسانك

ياعبدالكريم ولسان قبيلك

لكن عندي ملاحظه يمكن خطافي الكتابه

ماتنشقر حنـا شخنـا الطوابيـر

يمكن حناشيوخ الطوابير لكي يستقيم الوزن

وملاحظه ايضا على هذا الشطر


ماني بواقف بالسيوف المشاطيـر

والقصد السيوف الشطيره ولكن المشاطير هذي اول مره اسمع بها

تقبل مروري

اخوك

صح بدنك يا فهيد الرويس

وملاحضتك على العين والراس ومقصدهـ الشيوخ الغلط مني المعذرهـ

والملاحضه الثانيه نعم مقصدهـ السيوف الشطيرهـ لكن اللحن والقافيه أجبرته على قول المشاطير

بالتوفيق لك وشكراً لك

[فهد علي العازمي]

صح لسانك ولسااااانه

وبيض الله وجيهكم على الجزااااالة

[عبد الكريم العازمي]

صح بدنك ووجهك ابيض يا ابو سيف

ومن بعض ما عندكم طال عمرك

[بدر بن ثعلي]

صحة السنتكم ...

قصيدة طيبة ومجاراة مميزة ..

لاهنتوا .