يستر الله لا يمووووت الشعب كله

[محمد العضياني]

بعد السلام ومساء الخير والا صباحه

أنت يا بشار ما جبت البشاير=جبت للشــام المرارة والمذلة
مات ثلث الشعب والثلثين ثاير=يستر الله لا يموت الشعب كله
في دمشق وحمص يا كبر الخساير=فأي دين وفأي مذهب وأي ملة
يوم هدّمت المساجد والعماير=ما بقي بنيان قايم في محله
اتفق شورك وشور أم الكباير=واستظلت معك من تحت المظلة
المنايا حامية والقصف داير=والبلاد أشبه بدولة مستحلة
والقذايف فالشيوخ وفالحراير=كم خليل ينوح ويثاري لخله
يقدح البــارود ويهل العباير=ويتوعد فالقناة وفالمجلة
من حكومة دولته شاف العزاير=والشرر في نظرته من زود غله
يا عرب يا مسلمين الجرح غاير=والطبيب اللي يداوي كل عله
تحتريه الناس من تحت الذخاير=يا لعله في طريقه يا لعله
والنصر من عند علام السراير=ما يخيب اللي حياته في رجاء الله

.

التوقيع

يقولون تعرف قيمة الشخص لامن غاب=وانا عارفاً قيمتك وانته معي موجود bn-roog@hotmail.com

[فهيد الايدا المورقي]

الله يسلط علي بشار وأعوانه


محمد العضياني صح لسانك


تحيتي

[محمد العضياني]

اررررحب يا فهيد



صح بدنك طال عمرررك



تقديرررررررري

[علي السلمي الزهراني]

الله اكبر ..
صح لسانك ..

[محمد العضياني]

ارحب


صح بدنك

[راشد النفيعي]

رفعت لك الغتره والعقال والطاقيه

قصيده اكثر من رائعه وناشهد انك عرفت تحبكها
فيها تسلسل وتماسك قريد
واختيارك للجمل والكلمات راق لي
ماشاء الله عليك
ياليت تثري المنتدا بمثل هذه القصائد الفريده

شاعرنا محمد

صح لسانك مدد بلا عدد

[محمد العضياني]

مرحبا


على الراس والعين يا راشد


شرفتني بكرم اطلاعك طال عمرك


ما على الطيبين شروااك زود


صح بدنك والله لا يهينك



تحياتي وتقديراتي