يسعد صباحك ياأول يومٍ دراسي

[حاوي الطيب]

قصيدة الشاعر : بدر بن فاضي بن مرزوق المغيري العتيبي
في ابنه ثامر وأول يوم دراسي

اصعب قصيدي ..قصيد .. يسولف بـ ناسي 00 شعوري فيهم .. بليا حد .. و يتوّه
بس اني مجبور .. اسولف عنه .. احساسي 00 قدام .. دمعي .. يسولف عنه و ينوّه
يسعد صباااحك.. يا أول .. يوم ٍ دراسي 00 اثره كبر .. مهجتي .. وانا احسبه توه...!!!
ياثامررر .. اليوم.. شوفك طيّر اعماسي 00 ما مرني هالمزاج.. بعمري.. و جوّه
كن .. القمر والنجوم السبع ..جلاسي 00 لبا محياك .. وبسم الله على ضوه
يقولون .. خاو اولدك .. لا من قوا الباسي 00 يالله .. وانا ابووك ..وقت الخوه الخوه
افخر بـ راسك .. او انك تفخر براسي 00 طلاب انا وانت .. ونتحدا .. على القوه..!!


مجاراة لقصيدة الشاعر : بدر بن فاضي المغيري العتيبي ،،، المبتعث في دولة كندى منذو عام لتكملة تعليمه العالي
والتي يذكر فيها بأنه مداوم هو وأبنه ثامرفي عامه الاول اصلحه الله وجعله من ضناوي الفلاح

حان الوعد والهجوس تدق الاجراسي * تقول وين انت ياحاوي على القوه
هاضت شجون الذي للطيب نبراسي * للطيب عنده تقاليد وله مروه
وسطر من الشعر سبع بيوت بقياسي * يصوغها صوغ وارسلها عبر جوه
تلفي على القرم اخو مشعل وجساسي * اللي لهم عندنا تقدير وحموه
ياطالب العلم يالظرغام نواسي * حبيت اداعبك بالقيفان يامفوه
والشبل يازين زوله طيب الساسي * كاشخ معه شنطته وبصورة محلوه
وختامها ياأبوثامرماني بناسي * واطرب ليا قيل طيب صافيٍ جوه

الباحث الشاعر : جازي العطاوي (حاوي الطيب)

[ابن صنهوت]

لاهنت وصح السانك ولسان بدر

[حاوي الطيب]

الله لايهينكم

بارك الله فيكم وحفظكم الباري


الأشادة فخر ووسامٍ ثميني * من رجال الجود عالين المقامي

أو من الدانه محنيت اليديني * اخت والا أمٍ لها حلو الكلامي

أخوكم الباحث الشاعر

جازي العطاوي (حاوي الطيب)

[ابورشا]

الله يوفق أبو ثامر وأن شاء الله يرجع للوطن سالما غانما ومحملا بالشهادة العلمية


حاوي الطيب شكرا لك على هذا الموضوع الرائع ننتظر جديدك