قصيدة المرشدي في الامير بدر الضيط،، انت شيخ شيوخ مزحم ولا غيرك امير

[خيال الجريبا]

قصيده مدح في الأمير بدر بن نايف الضيط للشاعر الكبير سهل بن نايف الكسر المرشدي


راكب اللي لشتغل جا لشكمانه هدير
صوت هرشٍ في العشاير على وقت الهداد

يلتفت للي ترزم ليا ونست الدرير
ابيض ٍ خشمه من الرغو قاطع ٍ القياد

ان دعسته بالقدم قام يزفر له زفير
وان عطا مع جرهد ٍ زاد مشيه ثم زاد

الجميح الكامل اللي يجي عكسه كبير
ظامر ٍ بديه مثل سلت الشلف الحداد

اقطم الكبوت والوجه والمقدم قصير
وكن في صدره يصير ارتفاع ٍ بستناد

افخم اللوان لون ٍ عسلي ولون غير
ويفرق اللوان زيق ٍ مثل لون السواد

العلامه فوق وجهه تقل جنحان طير
والنياكل لون فضي ولون ٍ من رماد

والرفارف مثل القواس والمدقر صغير
والمكينه روسها مثل غزلان الشداد

وفي بكار الدينمو حط سير ٍ فوق سير
وفوق فتحات الاديتر قطع ريش الجراد

طيبه اللي من بلاده مثل نفح العبير
لا فتحة الباب ذعذع مثل نفح الزباد

والمراتب ناعم ٍ لمسها مثل الحرير
وداخل البيبان فخمه ومنظرها جداد

وبوية الطبلون بني ومنظرها يثير
والمكيف هادي الصوت ويجيب البراد

له دركسون ٍ هواء جامع ٍ طاره وقير
والمثب في الدرقسون مسمار ٍ وتاد

كن صوت مسجله لاشتغل نقار زير
وله سماعه على الباب لصوت ارتداد

كن هوبه لابترم فالحصى حفار بير
ولاونس البنزين يطمر مثل طمر الجواد

لا ستواله حزم ٍ اجرد وطال اله المسير
قام يزهم مثل فعل الشجاع مع العناد

وان تعرض له محايم وجو ٍ مستدير
قام يصرمها كما السيف مسلول الغماد

لا لتويت بطارته وانت سوق ٍ بصير
لا يهمه لا مراقي ولا درب ٍ سناد

ولا يهمه لا زباير ولا درب ٍ عسير
وافي ٍ من كل جانب كما القرم السداد

لا زمالك من شويه تلد اله النظير
وان وصلته من قريب ليا ماله بلاد

اشهد ان الجمس ماله نظير ولا خشير
ونه الموتر ليا ناحرة جرد الحماد

زين مرواحه ليا طرفة شمس العصير
واقتفتك الشمس وانته تبي المسراء وكاد

قمت تسمع للهواء فوق جاماته صفير
صفق رش خيال ندراء نشت وقت الهجاد

نصه اللي كن بيته مثل مزموم كير
بينً مايختفي جوف عاصمة البلاد

لا وصلت الضيط عقب التعب مسه بخير
وعلمه بعلومي اللي مصادرها وكاد

ياولد نايف ليا جر لدعواء جرير
انتم اللي بالمواقيف تشفون الفوأد

ياسلالت مارق اللي ليا طش الجفير
ثم درع عمهوج بالقوم جا فيها نفاد

يابس ٍ كفه على السيف من دم ٍ غزير
ماتدان الخيل حسه ليا حل الطراد

انت شيخ شيوخ مزحم ولا غيرك امير
كيف اجنب عنك مالي مصد ولا نصداد

والقضيه كلبوها مراح ٍ للوزير
صار اللي نقل ٍ مفاجي ونكدلي نكاد

ويش ابي بالترقيه بالحجاز وفي عسير
والمرابي نجد والرزق من رب العباد

مازبنت اهل الرداء والضعيف والحقير
الطيور اللي تلاقى تحت في العراد

مازبنت الا انت ياالشهم يالشيخ النظير
ياحلي الحر الاشقر يصيد ولا يصاد

نجز الموضوع من شأن يرتاح الضمير
ولا يسد الازمه غير رجال ٍ سداد

[محمد العتيبي]

الله الله الله


صح لساااان الشاعر الكبير / سهل بن نايف بن عقاب الكسر المرشدي العتيبي ..


قصيده وااافيه من شاعر وافي ..



ولاهنت يالغااالي ما قصرت


تحيتي
..

التوقيع

للتواصل عبر twitter تويتر al_bargawy@

[زبــــــون الحــــرد]

خيال

صح لسانك ولسان الكسر


ومشكور على النقل




تحياتي

[علي الدعجاني]

صح لسان ابونواف


ولاهنت

[مزحم العتيبي]

صح لسان سهل الكسر قصيدة عظيمة في رجل عظيم

[راعي الشوشلية]

يستاهل أبو بندر المدح وصح الله للسـآن الشاعر


لاهنت خيال الجريبا


تحياتي لك ..

[ميااااح]

صح لسانك يالكسر والله ماعبر من وصفك لصوت هالجمس الا صوتك

لكن حبك للجمس صار اهم من الموضوع اللي عشانه كتبت الفصيده

على كل حال شاعر علم