 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
20-May-2007, 03:04 AM
|
رقم المشاركة : 1 | |||||
|
بني هاجر يستنجدون بعيال عمهم !!
استنجاد بني هاجر من قحطان
اخواني الاعزاء اعتقد ان كثير من كم لايعرف سبب استنجاد بني هاجر من قحطان وسوف اسرد لكم الاسباب : موقعه بنيان : نشبت حرب بين فخذ آل فهيده وآل عذبه من قبيلة آل مره ويقال لهم آل فاضل تقاتلا قتالا شرسا حتى يقال ان الاطفال يقتلون فطالت المدة عليهم فاستنجدت فخذ ال فهيده بقبيله بني هاجر و بعض افخاذ قبيله المناصير , أما فخذ آل عذبه فا أستنجد بباقي قبيله آل مرة وقبيله العجمان ووقعت هذه المعركة في مكان يعرف ببنيان وهو عد ماء مشهور ويقع شمالي الوسيع جنوب الأحساء، وكان يقود قبيله الهواجر وبعض افخاذ قبيله المناصير وآل فيد آل مرة امير آل شافي ويقود قبيله العجمان وقبيله آل مرة امير راكان بن حثلين, حيث كانت الغلبه والانتصار لبني هاجر و بعض افخاذ قبيله المناصير ونترككم مع القصيدة التي تشرح الاحداث للشاعر راشد بن عفيشة الهاجري يقول فيها: شمالي بنيان من الملا إلـى الغضـا قنوف تلاقـت والهنـادي بروقهـا رعدها القهر والوبـل درج مجبـب وشخاتيلها لدن القنـا مـن عروقهـا وحفها دوي الخيل في دكدك الوطـا وأصوات حمران النواظر حقوقهـا وغثيرها البارود والعـج اذا سكـب ازريت اميز حمرها مـن شفوقهـا ساقوا لنا كـل أبلـج ينطـح القنـا ربع تخلى فـي الوهايـل طروقهـا وسقنا لهم من كـل نمـر مجـرب درع صوايدهـا وحمـر شدوقـهـا قصاصيب ملك الموت يامر ونمتثل بافات الانفـس يومجانـا يسوقهـا وان هافت اوراق الجنايز من السماء حنـا سببهـا يـوم ربـي يعوقهـا بشرية يا حـظ مـن هـم رفاقتـه هل البل ليمنهـا تبـرت ارفوقهـا من جايبيها عرضوها اشهب اللضـا برماح تشابه ضربها فـي مروقهـا وآلاد منصور هل المدح فـي اللقـا اللي نهار الضيـق توفـي حقوقهـا ومخاضيب أجهل من جهل كل جاهل واشر اهل بقعا ومـن حـل فوقهـا هل سربة توردعلى الموت لا اقبلت وان دبرت لا هي تعفـت عنوقهـا بإيماننا اللي يمتنـي الذيـب وقعهـا على الرد تمنع حردها من طفوقهـا عاداتنـا عنـد المزيـن نـردهـا نتسوق في الهيجا إلى حمى سوقهـا بشلف مضرين عسلهن على اللحـم وخناجر دفـق الدمـا مـن فتوقهـا كله لا عني هجننـا يـوم حـدرت اللي شلايلهـا لفـت فـي حلوقهـا وإلا لا عنـي كـل غـر مترهـف اللي تهل الدمع مـن حجـر موقهـا والا لا عني هجمـه شمـخ الـذرى اللـي يعـدي للمنـارة غبوقـهـا هبا اللاش ليمن اسعفت ذي ومثلهـا رسوم المراجل لعرضت ما يذوقهـا لها من يقوم بها إيـلا كبـر حملهـا بني هديـب اللـي تعلـق علوقهـا سلالة سلطـان العبيـدي ويعـرب ما حن لوصـول القبايـل نبوقهـا وصلوا على خيـر البرايـا محمـد عداد ما غنى الولـع فـي عذوقهـا ثم تقفتها موقعة العضبا لثأر من بني هاجر و بعض افخاذ قبيله المناصير وقعت هذه المعركة في مكان يعرف بالعضبا جنوب الإحساء حيث كان بني هاجر و بعض افخاذ قبيله المناصير تحت قيادة اميرآل شافي والعجمان وآل مرة تحت قيادة الاميرفهد الدامر وابن فاران وانتصر فيها بنو هاجر و بعض افخاذ قبيله المناصيرعلى العجمان وآل مرة فأرسل الامير راكان بن حثلين هذه القصيدة التاليه يلوم فيها فهد الدامر وابن فاران ومن كان معهم لهزيمتهم ويتمنى لو كان حاضرا : العذر يالعضبا ترا البعـد خـوان سترش بعيداُ غايب مـن محلـه من طاوع الدامر وشور ابن فاران اقفا وخلـى حلتـه فـي المذلـه يستاهلون اخواننا عقـر الضـان من كان منهم مفلس جـاب حلـه ربعا مخاضيب على العسر كرمان وبشريه للحـرب ماهـي تملـه وعندما سمع الشاعر راشد بن عفيشة الهاجري بقصيدة راكان اجابه بالقصيدة التاليه ويقولة ليه تلومهم وانت في الوقعه الاوله انهزمت وانت القايد . فلكم اخواني هذه الأبيات لتبين الاحداث : يا راكب من فوق سلكـات لقـران عوجاً كما القيسان كنهـن لا هلـه فج المرافق عقـر حثفـات لثفـان يا ماشبن مـن راس ريـدا مزلـه مثل القطا لا واعدوهـن بمعطـان وإن حركوهن جن بالجـرى كلـه من البحث تنشر مع وقـت الآذان والعصر في أم حويض دربك تدله والصبح ضربهن على بدو راكـان ويـلا لفيتـه يـا نديبـي فقـلـه لو نسفهه في هرجته قال حقـران إلا نولـم ردهـا حشـمـة لــه قل ويش عذرك من فلاح وكمعـان وعرج وخيل الجوف عقرت عما له وقل له ترى العضبا تقفـت بنيـان ومنين ما راح علـة جـات علـه هواجر من راس جنـب وقحطـان نلحق شبوب الحرب شهبـاً وسلـه هواجر من حربهم شاعفـه جـان وضياغم ما خلقـوا إلا عنـاُ لـه من وقعنا اللي يمتني الذيب سرحان كم راس شيخا مـن متونـه نشلـه إيـلا تلاقينـا والاريـاق يبسـان لا كلحـت لنيـاب خطـر محلـه ساروا علينا عقب ما بان فجـران العين شافت والفنـى قـرب حلـه بمصقلات شغـل صنـاع نجـران نروي المغلـب والوديـدي نعلـه كله لعنـي الغـر سحـاب الأردان أبـو دليقـا فـوق متنـه يهـلـه أزين عكف باشا يردد لـك الشـان والغلب طوع وباقي الهـرج خلـه عكاف باشه هو حاكم الاحساء من المتصرف العثماني التركي وعندما سمع الشيخ راكان البيت الاخير من هذه القصيده قال عسى اللي أخذ عيونه لانه كان ضرير يأخذ قلبه ويقصد راشد ابن عفيشه . وبعدها جرت موقعة فودة بين بني هاجر وبعض افخاذ قبيله المناصير بقياده اميرآل شافي ضد آل مرة والعجمان وآل مقدام من بني خالد بقيادة راكان بن حثلين وكان بني هاجر وكذلك بعض افخاذ المناصير يريدون ان يقتلوا كثيراُ من المعادين ليشفون غليلهم ويا خذون اكثر لانهم مايرضون ان الواحد بواحد يريدون الواحد من قحطان بمائه من يام وليكسروا شوكه اعداهم موقعة فودة: قال الشاعر دغش بن سالم بن حامد الهاجري من الكدادات : خذيت عاميـن وأنـا أكـن عبـرة والثالثـة منهـا عضامـي نحايـف ذكرت الغضا ماني بخاطـي دلوبـج كما الثور الانبـط همتـه بالعلايـف يوم على فودة جـرى مـن رفاقتـي واحمدت أنا ربـي وسيـع الكنايـف أنا احمد اللي جابهم ثـم رمـى بهـم ثـم توليناهـم بـحـد الرهـايـف اللـي عليـه مـن الرفاقـه جنابـه غسلها ويلبـس لـه هـدوم نظايـف قولـوا لبجـاد يخبـر هـل الغضـا والله علـيـم بالـدمـي الخفـايـف جبنـا ضحاياهـم عليهـم قـريـب من البعد ما نرضى لهـم بالشفايـف خمسة وتسعين قضى في هل الغضـا مع مثلهم راحـوا لقومـي طرايـف تفرشـوا منهـم ومنـهـم تلحـفـوا وتوسـدوا منهـم ومنهـم سنـايـف ياما غـدا فـي دقلنـا مـن سنافـي عليـه يبكـن البـنـي العفـايـف يامـا شكـى لوعتنـا مـن معـادي من همنا مـا يمـرح الليـل خايـف مثل أبن جمعه يوم جانا يبي الطمـع عـود ويبـرى لـه دمـي وكايـف من وقع ربع في اللقا تحرز الواجـب حريبهم يشكـي الونـى والحسايـف على سالم زيزوم حمر أيـلا أقبلـت بهواجـر تتعـب جميـع الطوايـف أيلا قربـوا جمـع لجمـع وقابلـوا وهابوه مكرمـة المهـار العسايـف دفعها بكفـه واقتصـر فـي حبالهـا وضرب مكلوي الجمع ما هوب خايف هوشيخنا لااعتـاض فينـا البدايـل وحن جعل مانعتاض فيـه الخلايـف من عقـب ذا ياراكـب عيـد هيـه مامونـه تزهـى حسيـن الكلايـف تلفي لنا ناصر امنـا هاشـل الخـلا ولـد مبـارك عيـد هجـن نكايـف صبي بنى الصيـوان جـده وخالـه وأرث لهم مـن طايـلات النوايـف ثم بشـره إن حـن جلينـا غمامـه من كبد من هو مبطيـن بالحسايـف قضينا السلف وابشر ترا الزود عندنا لاعاش زهـاد النفـوس الضعايـف وايلا عطيت العلـم فأنحـر محمـد ولـد جريـو عيـد هجـن نكايـف عيد الركايب ومنوة اللي يبي العشـا وعيد الركايـب موميـات السفايـف أولاد منصور هـل المـدح والثنـا مروين مفتـوق السيـوف الرهايـف ربع على أهل الجوف شفنا مليحهـم على الخيل ورد والبكـار العسايـف عطونا على الفاقه نهار قضـى لنـا وعليهم بياض الوجه في كـل نايـف بعدها اتحد العجمان وآل مرة وآل مقدام من بني خالد وقام راكان بن حثلين يرسل الى قبايل يام يطلب النجدة ويجمع الحشود حيث بلغ عدد الحشود ثلاثه اضعاف بني هاجر ومازال يرسل الرسل ينخى قبايل يام يرسلون الرجال للحرب يريد فناء قبيل بني هاجر والقضاء عليهم نهائياُ وحين علم أمير بني هاجر قام بأرسال قصيده الى الامير الشيخ محمد بن هادي شيخ قبايل قحطان : يا راكبٍ حمرا بلونهـا سحامـه ترعي الزهر لين الشحم فوقها زام عليها صبى مـا تغيـر كلامـه يدي الخبر يم الرفاقـه والاعـلام منصاك شيـخ بينـات اعلامـه شيخٍ ورمحه في أهل الخيل ملحام منصاك ابن هادي كبير العمامـه مكدر الصافـي بعجـات الأيـام حن درعه الضافي وقوة حزامـه وعدوة القاسي ندوسـه بالأقـدام وعده لبن شفلوت راعي الشهامه شيخ الشيوخ متيهة كـل مـرزام صبيان قحطـان عليهـم ملامـه والها على صبيان جنبٍ تلمـلام تجنبوا درب الرثـاء والملامـه احموا لنـا قـدام وقـت التنـدام حنا كمـا مايـح ثمانيـن قامـه هيما وفي جيلانها تسعـة اهيـام ما يظهر المايح من اقصى غمامه خطر علـى جيلانهـا بالتهـدام ما يظهر المايح من أقصى الغمامه الاجواذيبـاُ وربـعـا وخــدام وان كان جذابه تنافض اعظامـه خلي ابغلـه فـي قليبـه ولاقـام حنـا شـوي وشايلتنـا القرامـه قطاعـةٍ نذبـح ولا كملـوا يـام رماحنا وسـط المدينـه علامـه مع الصحابه قاتلوا ذيـك الأيـام وعندما وصلت القصيدة إلى محمد بن هادي جمع قبائل قحطان وطلب منهم أن ينتقلوا من نجد إلى بني هاجر في اسفل الديرة ففعلوا . وقال هذه القصيدة : يا سابقـي تستاهليـن السلامـه الله يجيرك من بلا سـو الأيـام لي لابةٍ حدرتهـا مـن تهامـه وسلاحها صنع الفرنجي والأروام اعلوهم في الطور ثـور كتامـه واسفلهم اللي كدر الماء على يام ياذا البهم والله أن تباري الجهامه أيلين تنزل بين صفوى والأوجام حنا كمـا سيـل يطـم العدامـه حول على طاش البحر له تلطام حنا كما سيـل تلاطـم عجامـه من الكويت الى الحسا له تلاطام ولابد مـن يـوم يثـور كتامـه أما على المطران وإلا على يـام كله لعينـا شافـي فـي كلامـه يشكي علينا الضد قبل ذا العـام ملاحظه : صفوى : هي مدينة صفوى الحالية في المنطقة الشرقيه وتقع شمال منطقة القطيف الاوجام : هي ايضا قرية تقع غرب منطقة القطيف . وعندما علم راكان بن حثلين شيخ العجمان بان قبيلة قحطان قد رحلت من نجد ،وقامت نوت نصره قبيلة بني هاجر أولاُ بفتح الطريق أمام جيش قحطان بدك قبيله مطير في نجد وخاصه صبحاء وثانيا بتسير الجيش كامل بقيادة الشيخ جمل بن لبدة لمناصرة بني هاجر ابلغ العجمان أن يستعدوا للحرب ، ولكن الحرب مع قحطان شيء عسير المنال . وأرسل بن حثلين بعض الهدايا إلى محمد بن هادي أمير قحطان يطلب منه العودة وعدم الاشتراك في الحرب ، ولكن ابن هادي رفض هدايا راكان بن حثلين وقال : شورك مردود في زورك وهداياك معادة إليك . وقال الشيخ راكان هذه القصيدة ردا على قصيدة محمد ابن هادي : ياراكـب حـر تـذرب سنامـه عليـه نـي راكـب نيـه العـام ماطققـوا لحيـه ليالـي فطامـه مقوي عظمه لبـن كـل مـرزام الـى ورد عـد يطيـر حمامـه جا للصريمة من لحيـه تقصـام تلفي لبن هـادي كبيـر العمامـه شيخ ورمحه مع هل الخيل مرسام مـر يواعدنـا بحـرب وقوامـه ومر يجينا منـه هـرج وتسـلام حي الكلام وحـي منهـو كلامـه اللي لفانا منـه هـرج التوهـام وش الجزا ياشوق زاهي وشامـه بالسابق اللي ما عرفنا لها اوقـام كزيت لك نور السلف والجهامـة باغيك لي ذخرٍ في مقابيل الايـام غديت انا ويـاك مثـل النعامـة جاها بلاها من ثقيـلات الاقـدام وان كان تبغى سابقـك للسلامـه فلا تحول بالجحـادر علـى يـام ولا تطاوع شافـي فـي كلامـه بالك تطاوع شور فضاي الأنعـام الشايب اللي ما تحلـل إعظامـه عيـت تبيّـده الليالـي والأيـام لاشب له ضوء بـراس العدامـه قمنا نربط غالـي القـش بحـزام ان كان تبغي سابقـك والسلامـة خلوا ظعاينكم مع العتـش خـرام حرم عليك النوط تطلـق بلامـه مادام عنده واحد من ضنـا يـام معنا الطويل اللي تجيكم علامـه مثل العديم اللي على الجول صرام الترك قبلك زارنـا بـه زعامـه قد عافنا واختار عنا هـل الشـام ان كان تطري حدرتك بالجهامـة لما توصل بـك لهاذيـك الاجـام ذي ديرة الحاكم كبيـر العمامـة اللي نحا عنهـا طوابيـر الاروام قدامكـم شيـخ رفيـع مقـامـه الخيل قرح وابيض الخـد قـدام يالله عسى الفردوس ملفا عظامـه اللي بعث دين النبي دين الاسـلام وان رادها غيره ضربنـا رثامـه عـوّد يبـدل هقوتـه بالتـنـدام مثل الدويش اللي يقدي الجهامـة عقرت جواده فوق رجله والاقدام اقبل وحنا نسـوي لـك كرامـة شلف على شهب سريعات الاولام تسعين رمح كسرن فـي عدامـه عشرين منهم بين راكان وحـزام كم ثار عند ركابنـا مـن كتامـه ياما هلك من ضدنا من سبب يـام كم من حريب دارج الـدم دامـه يشبع بها السرحان والطير لا حام حنا كمـا سيـل تنحـا غمامـه هامل بردها بالفرنجـي والاروام سيله يقزي ما نحا مـن عدامـه ورعودها منها المدن لـه تقصـام كم سيف هندي فصخنـا لجامـه بايماننا كنـه مقابيـس الاضـلام نروي من رقاب السكارى حيامـه في هيةٍ يشبع بهـا كـل حـوام نطعن لعين اللي عريض سنامـه شقح مفاليهـا مباكيـر الاوسـام ان كان ودك عندنا لـك كرامـة وتدري بضيفتنا لك الشرق والشام اقبل علينا حي سـوق المسامـة وعاداتنا نغلي جلب كـل سـوام حريبنـا تصبـح بكبـده ندامـه وبراية الله نجعله حـذو الاقـدام نرجي مها شيلـك تعـدى تهامـة لا ساقك الله والقـدم ناحـر يـام فلم وصلت القصيده الى الامير الشيخ محمد ابن هادي اردف بقصيدة يقول فيها: إن كـان عنـدك للمسيـر كرامـه عجل ترى ربعي مشافيـق وحيـام كرامـة تـرث عليـهـم نـدامـه تصبح ذراريهـم مراميـل وأيتـام كـم شيـخ قـوم مطلقيـن حزامـه من عقب لبس الجوخ قدوا له الخـام وان كان تطري السيف تفضح الحامه لو هو على الدوشان ما كـان تنـلام وكذلك رد الشاعر الكبير ابن ريفه هذه القصيدة التي قالها في الفترة التي حصل فيها خلاف بين العجمان وبني هاجر وحيث أن بني هاجر وابن ريفه يجمعهم نسب (ضيغم وجنب) فقد أبدا ابن ريفه استعداده لمساندة بني هاجر وقد تطرق أحد شعراء العجمان لابن ريفه في قصيدته التي أذكر لكم منها الأبيات التالية: يا جنب تركوا الرثـي والحمامـه الحرب قرب وخرب الشرك لسلام وقولـوا لفـراج يعّـرب كلامـه وألا يخاف الله لياما فجـر صـام الفهري اللي منزلـه فـي تهامـه يلوي محله في لحاليـح وعجـام يا مصقره يبغي النصف والسلامه يبغي عيـال محمـد فـي لقايـام فرّد فراج ابن ريفه بالقصيدة التالية : يا راكب حر يصاغـي خطامـه هياف قطاع الريـادي بروجـام كنه ظليم يـوم حـق أنهزامـه لطار عنده يبرق الريـش سهـام منصاك شيخ منزله في العدامـه واختص لي بالهرج راكان وحزام يذكر لنا إنهم محتسيـن كرامـه نعم بهم بالجود ظفـران وكـرام فلولا الأمام اللـي تبنـا خيامـه اللي قرع ربعي بخـطٍ وبلـزام كـان يمدينـا كلينـا الكـرامـه أحدٍ كـلا منهـا ومناحـدٍ حـام والشاعر اللي يخوجـل كلامـه لا فايد ربعـه ولا هـو بدسـام يكفونك آل معيض ياذا الهلامـه خيالة آل حبيش لجـات لزحـام وأنكان تطري منزلي في تهامـه فلاني لا جـارٍ ولانـي بغـرام عبيدي وسـط القبايـل علامـه أصلٍ وفصلٍ يا الردي ماكر الهام وأنكان تطرون الرثي والحمامـه فأنا أحمد الله ما كفرنـا بالأنعـام وأنكان تطرون الفري والجرامـه فنلبس فرنجي من سريعات لو لام ورماحنا عنـد المدينـة علامـه مركزاتٍ قبـل نمـرود وهشـام حتى الشريف العبدلي أبو عمامه اللي يقلـط بالعساكـر والأروام في دقل ربعي هو وأبوه وعمامه كلاهم السرحان والطيـر لحـام وجنبٍ مفاتيح البـلا والسلامـه ما حن بمن فيه الروايات رخـام وذهب الشيخ راكان بنفسه إلى الأمام فيصل بن تركي وطلب منه أن يعيد قبائل قحطان بقوله : يا طويل العمر إن بني هاجر وقحطان لو اجتمعوا معاً فسوف يشعلون النار فينا وفيكم معاً . فقال له الأمام فيصل بن تركي : ( اصلح مع بني هاجر أولاً فأعيد قحطان، وبدون ذلك فلا أستطيع ردهم من نصره بني عمهم وأرسل الشيخ راكان من فوره إلى الأمير شافي بن سفر أمير بني هاجر يطلب الصلح . فقام ابن شافي وشاور ربعه فشاروا عليه قالوا له حن ذبحنا فيهم اكثر من الى ذبح فينا وتمت المصالحة عند الامام فيصل بن تركي فقام الامام تركي بطلب الى الشيخ جمل ابن لبده ان يرجع قحطان الى نجد وقال الى شيخ بني هاجر لك طلبه عندي ويش تبي قال ابي ان الهاجري مايضرب ولا تقطع يدة ولا يقص به في السوق ولاكن يقام عليه الحد في السجن لعلم ابن شافي وفطنته وذكائه ان ابن سعود سوف يحكم البلاد ويسود عليها فقاله هي لك ولربعك وما زالت الى اليوم تطبق من ايام فيصل ابن تركي آل سعود وقام الأمام فيصل بن تركي بجمع الفارسين المتنازعين جمل بن لبده القحطاني والشيخ راكان بن حثلين وذلك بعد أن استتب السلام بينهما ، والعودة إلى نجد وطلب منهما أن يقولا كل منهما بيتاً من الشعر . فقال الفارس جمل ابن لبدة : والله لولا فيصل وأمر الشيوخ امطاع أن قد انشد وننزل بين الحسا وانطاع وأجابه الشيخ راكان قائلاً : تراه يكذب يا فيصل ما هوب لك مطواع نتافة لحية مرشد والشيخ الآخر ضـاع اخواني الاعزا ارجون ان اكون قد وضحت لكم قدر استطاعتي .. منقوووووول |
|||||
|
|
|
|
|
|
|
|
|
|
30-Jul-2007, 11:30 PM
|
رقم المشاركة : 2 | |||||
|
لا هنت على القصه والقصيد
وتقبل مروري |
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
