قصيدة علياء في ابوزيد الهلالي عندما لم يحضر للوعد الذين بينهم

[ابن مشيب]

بسم الله الرحمن الرحيم


هذه القصيدة قالتها عليا الهلالية في الشجاع المعروف أبي زيد الهلالي عندما نزحوا من نجد إلى المغرب بسبب الجدب الذي استمر عليهم أكثر من سبع سنوات، وتبقى لهم بقايا، وكانت عليا من ضمن مَن بقوا. وأبو زيد من الذين ذهبوا للمغرب، وكان بينهم موعد زواج، وانتهى الحول فلم يحضر، فأرسلت له هذه القصيدة التي تتصف بالجزالة:


[poet font="Simplified Arabic,4,sandybrown,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يا ركب يا اللي في عصير تقللوا=على ضمر شروا الجريد النحايل
عليهن غلمان لكن وجوههم=بدر الدجا فيه اللحى والجدايل
إذا لفيتوا سلم الله حيكم=متبجحين في حضون الحلايل
فيكم من يلفي على بيت عوهج=تسليه عن ماله وتشفي الغلايل
وفيكم من ملفاه غما كسيحه=من الغم شينات الطبوع الهبايل
وفيهن من لاجا لبيته حليلها=تسقيه فيح مثل حام الملايل
وكم من صموت الحجل تبلى بعاقه=وكم عاقة ترزق بواف الخصايل
أوصيكم وصاة ما تثقل ركابكم=ايلا اعتليتوا فوق هجن أصايل
قولوا لأبا زيد عليا مريضة=ولا بقا من حاله الا القلايل
قولوا لأبا زيد لا غاب محلف=يأتي على وجنا من الهجن حايل
أبا زيد زلبات السبايا مغره=عيرات الانضا خير منهن فعايل
قولوا لأبا زيد ان نجد مخصبه=ترى كل واد من مغانيه سايل
اخفي الغطا من دون ابوي وعزوتي=وأخل الغطا من ما يواليه مايل
أبا زيد تنساني وتنسا جمايلي=املاك تنسى يا جحود الجمايل
أبا زيد حب الناس عام وينقضي=وحبي أنا وياك طول مطايل
أبا زيد ما يصغي للضايع الغدي=ولا ينفع القلب المحب العذايل
أبا زيد مل الله من مل قربكم=من لا بكى يوم افتراق الحمايل
أبا زيد بذار الشعير استرده=ومن قدم الحسنى تقاضى الجمايل
أبا زيد كان أنه بغاني بغيته=وان دور البدلا لقينا البدايل
أبا زيد لولا البحر بيني وبينك=جيتك على وجنا من الهجن حايل
حايل ثمان سنين ما مسها الظنا=ولا دارها الجمال بين العدايل
لكن بنات البدو يمشطن ذيلها=على ثومد العرقوب غادي همايل
لكن صرير المرو من تحت خفها=صريخ القطا في محكمات الحبايل
لكن يد البذار أوماي راسها=وان درهمت في حاميات القوايل
لكنها بالحزم الادنى نعامه=وبالحزم الاقصى من دقاق الزوايل
غزالية المقدم جمالية القفا=هي شغلكم يا راكبين الرحايل


[/poet]



رواية: منديل الفهيد.......

الجزيرة

[’’الفارس’’]

يعطيك العافيه يابن مشيب

قصيده رائعه

[ابن مشيب]

اخي العزيز/ ’’الفارس’’

الله يعافيك , واسعدني مرورك وردك الكريم.......


تحياتي....

[حسان]

أبن مشيب

قصيدة رائعه ولا ينقلها إلا رائع مثلك0

تحيات / حســــــــــــــــان

[الوجيه]

يعطيك العافية يا بن مشيب
مشاركة جميلة

اخوك
الوجيه

[ابن مشيب]

اخي الكريم/ حسان

اشكرك على هذا المرور الكريم , وهذا الاطراء الجميل , كما اشكرك على هذا التواصل المستمر.........


تحياتي.......

[ابن مشيب]

اخي الكريم/ الوجيه

الله يعافيك , واسعدني مرورك وتعليقك الكريم.......


تحياتي......

[شيباني نت]

عزيزي
ابن مشيب
قصيده جدا رائعه
ونقل واختيار موفقين
وجميع ذلك ليس بمستغرب من شخص مثلك


اخوك شيباني نت

[ابن مشيب]

ابن العم/ شيباني نت

اشكرك على هذا الاطراء والرد الكريم , واسعدني مرورك الجميل.........


تحياتي..........

[النمر المقنع]

[SIZE=6]عزيزي بن مشيب اختيارك جميل لقصيدة جميله تحكي الوفى بين المحبين وهذا يدل على انك وفي في مذهبت اليه وفقك اللة. وانا من قوم تدوس الافاعي مع عقاربها :ولهاعزايم تهد الشامخ العالي. اخوك النمر المقنع.[/SIZE]