% لـغـز الـرجـال الـفطـيـن بـيحلـه %

[الـــقـــرم]

بسم الله الرحمن الرحيم
..
..
السلام عليكم ورحمة الله وبركاته
..
..

هـذا لـغـز طـوّل اللـه بـاعمـــاركـم سـهـل ولا يـبيلـه ..
.
والـرجّــال الـفطيـن والـذهيـن بـيحلـه مـن يـوم يـقـراه ..
.
.
اللـغـز يـقـول : ـ

---

ويش رجال يموت ولا يمـــــوت = يتوفى ثم يرجع للحياه
يستعيد العافية من غير صـوت = ويتجدد كن توه في صباه
في حياته يسلب العالم ويفوت = وفي مماته تركض العالم وراه

---

اللـه اللـه يـا شـبـاب بـالحـل .. شـغّـلـو عـقوولـكـم وعـز الله بتعرفونـه

وانــا اتـحـرّى اول واحـد بـيـرد و يـحـلـه
..
..
..

[ مــودتــي .. وتــقـديــري ..// الـــقـــرم .., ]

آخر تعديل الـــقـــرم يوم 16-Jul-2007 في 05:41 AM.

[معلا إبراهيم الأسعدي]

ممــــكن الموت

التوقيع

[ابوبجاد الرويس]

مهب الرجال الميت

ويش رجال يموت ولا يموت ===== يتوفـى ثـم يرجـع للحيـاه

يموت في الدنيا ويرجع بالأخره للحساب ويرجع لحياة يانار ولا جنة



يستعيد العافية من غير صوت ==== ويتجدد كن توه فـي صبـاه

يحاسب بالقبر من دون صوت محد يسمعه من البشر



في حياته يسلب العالم ويفوت ===وفي مماته تركض العالم وراه


في الدنيا هي اعماله ,,, وتركض العالم وراه ,, تمشي وراه كلهم على طريق الموت وراه ,,,

[الـــقـــرم]

شـامـان الأسـعـدي ..

مـنـت بـحـول الـجواب و مـعكـم آخـر مـحـاولـه ان ما جبـتـو الـحل والا حـليتـه لـكـم
.................................................. ...
ابـو بجـاد ..

مراااحـب والله يـالغالــي

رمـعـتك طـيـبـه بـالحيـل يـالذيـب وتـراك حـول الـجواب بس حـاول الـمره الأخيـره وانشـاء اللـه بـتجيـب الـحل النهائي يـالرويـس ..

انـا بنتظاركم وإذا مـا عرفتو الحل علمونـي أعطيكـم الـجـواااب


مودتـــــي ..,

[معلا إبراهيم الأسعدي]

طيب وش رايك في النبات

[ابوبجاد الرويس]

اانا مع اخوي شامان عزالله رمعته طيبه

[مازن]

صح لسانك
القمر
تحيتي لك

[الـــقـــرم]

الأخـوان : ( شـامـان الأسـعـدي و مـازن ) كـلكـم يـالثنيـن منتم حولهـا

واللـي قـرب مـن الـحـل شـوي بس ما جابه اخونـا / ابو بجاد الـرويـس
.
.

والـجــواب هــو : ـ


{ الـــــتـــــاريـــــخ }


وراحـت عـليـك يا بني عمـي

[صنداح الزلامي]

القرم بيض الله وجهك على ها اللغز وله عندي رمعه

ويش رايك هذا هو فعل الطيب وذكر الطيبين كما قال المثل

ذكر الحياء والطيبين يبين هذا هو الرجل صاحب الطيب ذكره يبيقى

حتى لومات


التوضيح
يموت ويرجع الحياه صحيح يموت الرجل ويرجع للحياه بذكر وسمعته
الطيبة ومافعل في حياته يذكربه في مماته___________



تركض العالم وراه صحيح تركض العالم وراه بسمعته الطيبه ويذكرونه
بمافعل خير اوغير

[الـــقـــرم]

صـنـداح الـزلامـي ..

ووجـهـك ابـيـض يـالـغـالـي ــ وتــرا وللـمعلوميــة ...!
.
.
.
رمـعـتـك انت و ابـو بـجـاد ( تـعـتـبـر حل ثـانـي للـغـز ) واقـولهـا وبكل صراحة

وبـذات عـقـب مـا شرحتولنــا ووضـحتولنــا كيف


بـس حـلهـا الأصلـي والـمعـروف هـو : ـ

{ الـــــتــــاريـــخ }