الرئيسية التسجيل التحكم


اختيار تصميم الجوال

العودة   الهيـــــــــــــلا *** منتدى قبيلة عتيبة > المنتديات الأدبية > الشعر الشعبي

« آخـــر الـــمـــشـــاركــــات »
         :: كل عضو او شاعر يسجل بيتين غزل الفهاا من قصائده .. بشرط ان تكون غزليه فقط .. (آخر رد :الريشاوي)       :: ودي ولا ودي وابيهم ولا ابيه (آخر رد :الريشاوي)       :: واكتبي هذا أنا أنا ليلى العامرية (آخر رد :الريشاوي)       :: البيت لاعْجَبني اجاريه باحساس (آخر رد :الريشاوي)       :: أنـا لا تلوموني ولو ملـت كل الميل (آخر رد :الريشاوي)       :: اوافق .. واقول النفس صعبه مطالبها (آخر رد :الريشاوي)       :: الحب اقفى في ديانا ودودي (آخر رد :الريشاوي)       :: امير قبيلة المحاقنة قبل الدولة السعودية (آخر رد :متعب الوحيدب)       :: امير قبيلة المحاقنة قبل الدولة السعودية (آخر رد :متعب الوحيدب)       :: الشيخ عبدالله ابن جزعاء العازمي جمع غير الفروسيه الحكمه والفكر السياسي وبعد النظر (آخر رد :متعب الوحيدب)      

إضافة رد
أدوات الموضوع انواع عرض الموضوع
غير مقروء 27-May-2013, 04:29 PM رقم المشاركة : 1
معلومات العضو
مطر العبدلي المطيري
عضو فضي

الصورة الرمزية مطر العبدلي المطيري

إحصائية العضو






التوقيت


مطر العبدلي المطيري غير متواجد حالياً

افتراضي قصيده في (( قبيلة مطير)) للشاعر فيحان البقمي

قامت تداحمني مـع كـل شريـان=كـن القصيـده بالمديـح تعناهـا
تقطع ضمى روحي ليا جيت ضميان=ومشاعري بالشعر تقطـع ضماهـا
الاوله والقـاف راهـي و مليـان=وقصيدتي مـدح الرجـال معناهـا
والثانيه للقـول والفعـل برهـان=والطيبه طيب الفعـل مـن وراهـا
قد قالوا ان البيت يبنـى بسيسـان=ولاخيـر فبيـوتٍ ركيـكٍ بنـاهـا
يامرحبا بمطير خطـلان الايمـان=عد النجوم المرقبـه فـي سماهـا
مطران لاعدوّ هل الطيب مطـران=مثل البروق اللي يجـاذب سناهـا
ويامرحبا مثل الرعد بين الامـزان=وبحرة المطـران ياصـل صداهـا
انتم هل الشلفا نشامـا وشجعـان=وانظراتكـم دايـم بعيـد مـداهـا
وانتم بعيدين المغـازي وظفـران=وامجادكم فـوق القمـر مستواهـا
وانتم هل الردات من ماض الازمان=وعدوانكم فالهوش تتـرك عشاهـا
وانتم لها في كل ساحـه وميـدان=اقولهـا والنـاس تشهـد علاهـا
يومنها بالشلف والسيـف شامـان=كم فارسٍ منكـم ضعونـه حماهـا
مطران حمران النواظر هل الشـان=فريسهـا وشيخوهـا وجبـراهـا
قد قالها الشاعر بمعنـى وقيفـان=(كم قالةٍ وصلـوا ليـا منتهاهـا)
افعالهم ترجح علـى كـل ميـزان=هـم الدهايـا كـان دارت رحاهـا
خويهم مايسبـر الليـل جوعـان=عز القريب وريف كـل قصراهـا
للحرب حرابـه وللخيـل فرسـان=قبيلـةٍ تشهـد عليـهـا عـداهـا
والله لو بكتب من الشعـر ديـوان=ما اوفي حقوق مطير واثبت غلاها
وانا مدحت ومدحي اليوم من شان=احـط لـي بصمـه وكـلٍ قراهـا
ولاني بزايدكم ولـو كـان ماكـان=لكن نفسـي طامـعٍ فـي رضاهـا
يامساعد ابن سعود ياطير حـوران=عزيمتـك يالحـر جانـا نبـاهـا
قدمت فعل الطيب من دون نقصان=بيمينـك الجزلـه وربـي عطاهـا
لاهان عودٍ جاب شـرواك لاهـان=وجميلتـك فالربـع هـذا جزاهـا
انا اشهد انـك وافـيٍ ياكحيـلان=ومـدات جـودك ماتـدور وراهـا
الطّيـب اللـي للمطاليـق شفقـان=حـراً مراقيـب النشامـا رقـاهـا
شرواك ياللي للجميـلات ولهـان=والطيبه بالطيّب مـا احـدٍ نساهـا
وابوي ذا الليله بالاصحاب كسبـان=دعى وجيه الخيـر واكـرم لحاهـا
على صحونه هبت الريـح قعـدان=وسمان حيـل وبالكرامـه ملاهـا
مايقصر المده ولا قـال خسـران=ولوّ تنشري قلوب النشاما شراهـا
شافي ومن مثله للأمجـاد عنـوان=عنّ المراجـل ليـن بيـح خفاهـا
وان ما مدحته قالوا الناس غلطـان=لإن المدايـح فيـه دايـم تبـاهـا
يامرحبا باسمه تراحيـب سفطـان=وبأسم البقوم اللي يـذري ذراهـا
سهوم المنايا لا اعتلى الجو دخـان=تخزي عداها ليـن تلعـن ثواهـا
ويامرحبا قبل أمس واليـوم والأن=والقابله واللي بعـد مـن وراهـا
ترحيبةٍ تقطف زهـر كـل بستـان=والعود الازرق والعبيـر يغشاهـا
بكل القبايل والمشايـخ والاعيـان=وجيه الرجال اللي غمرنـا وفاهـا
وكل النشاما كفو من دون حقـران=قيلـت وارددهــا وذا منتهـاهـا
عديت ماعندي ولازلـت طربـان=جبت اربعين وخفت لا اسمج حلاها















رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن »12:19 AM.


 Arabization iraq chooses life
Powered by vBulletin® Version 3.8.2
.Copyright ©2000 - 2024, Jelsoft Enterprises Ltd
اتصل بنا تسجيل خروج   تصميم: حمد المقاطي