عنتر العبسي وقيس الملوح وشبل مرجحين الموازين

[ماجد العصيمي]

لا يا زماني حالتي ما يشابهها=لا حالة العبسي ولا حالة ملوح
تحتلني عنوه ولاني بكارهها=نوبن تصبح قلبي ونوبن تروح
اللي قضا حكم القدر ما نواجهها=آمنت في حكمه وانا صدري مفوح
ماهي تلاشا الذكريات ويجابهها=صوت الجريح اللي على المرقب مطوح
يحذف بروحه فالشقا ما يدهدهها=وسط الخلا الخالي ولا عينن تشوح
واليا انفصل رعادها والمطر جهها=على خفوقي باقين صدري مفوح

[فهد الشيباني]

صح لسانه "

[فيصل مطر]

اخوي ماجد
نآمل ان يكون القادم أفضل
وشكرا على المشاركه

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[طير الهداد]

سلمت ويعطيك العافية