رشيد الزلامي::ايام الهجوله غزلـــــيه لا يعلى عليها

[هلال الدوادمي]

الزلامي كيف رمح الهوى صابه=والهوى ماصابنا منه الاولنا
ياهل البيت الحجر سكرو بابه=سكرو بيبانكم ياعرب عنا
وامسكو ورع الهوى اللي بلينابه=كل ماجينا من الزام قابلنا
ورعكم يلعب ودنياه لعابه=مادرى انا قد لعبنا وهونا
ورعكم لايطلع اليوم لبلابه=وان طلع لاتامنون الخطر منا
هز رمش العين والاضحك نابه=ضحكة منها النجوم يتهاونا
اتمنى حرب مدفع ودبابه=والعيون السود عنا يصدنا
بس ياهل الورع من اسبابه=ولايرد الموت لنتم ولا حنا
ودنا حبل الهوى نقطع اطنابه=ونطلب المولى عسى العفو يشملنا

الــــشاعر ::رشيد الزلامي(وكان الشاعر يقصد ورعكم اي غروكم ولا استنقص فطانة القارئ فقط للاضاحه)

تقـــــديري للـــــجميع

[محمد بن دليم]

الهذه الدرجة تفكيرك يا هلال !!!
لاتعليق !!

[ابن ماثل]

صح اللسان رشيد الزلامي وتسلم على النقل ياالذيب

[الأمــير]

هلال الدوادمي

مشكووووووووور على الاختيار الرااائع

[يوسف عبيد]

صح لسان القائل والناقل

[نايف ابن حديد]

هلال الدوادمي مشكور على نقل هذه القصيده الغزليه الجميله للشاعر الداهيه رشيد الزلامي ولي بعض التعديل لو سحت

الهوى ماصابنا من على اولنا



ورعكم لايطلع اليوم نبلابه


الشطر الاول من البيت قبل الاخير ناقص كلمه لاتحضرني الان


تحياتي

[هلال الدوادمي]

ابن ماثل
ذيب الحنابج
يوسف عبيد
حشار
الله لا يهينكم على الردود وشاكرين لكم
والاخ:حشار اشكرك على المتابعه والاضاحه البيت الاول
يمكن لاني سامع القصيده مشيوله لكن البيت الثاني اقووول مالك لواء
شكري وتقديري للجميـــــــع

[ابن زهيميل]

اخوى هلال القصيدة لم تاتى كامله البيت الخضر وليسى الحجر ويقول بس ياهل الورع متنا من اسبابه ولك شكرى وتقديرى

[ابن عيدة]

السلام عليكم ورحمة الله وبركاته

صح لسن القائل والناقل

ولكن عندي احساس بأن القصيدة ناقص منها أبيات لأنني قد سمعتها مرة ولكن سوف أبحث عنها ان شاء الله والمرجو من يهمه الأمر ويعرفها كاملة أن يزودنا بها مشكورا

دمتم سالمين

[ذيب السبايا]

ههههههههههههههههههههههه