[ رسالة عتيبي إلى ملوك الجن]

[{عاشق الهيلا}]

يامغيب الشمس تكفـى لاتعجـل فالمغيبـي
وقل صبحي من لساني لايطول في غيابـه

وياهجوس الليل هاتي وأن بغيتي روحيبـي
أفزعي للشاعر اللي قـام ليلـه وأنتخابـه

دعوتي من ليل(ن)أسود بس واشيبه وشيبي
من عفاريتٍ تهاوش جنها مـن دون بابـه

قال تكفى وأن نخيتك ويش تفعـل ياعتيبـي
قلت أقوم كل قرم(ن)قال أعود فـي عتابـه

قال وأن دقر نصيبك وأنت تدري وش نصيبي
قلت أقوم مع عتابه كل قرم(ن)من شبابـه

قال تقدر تفزع أبهـم قلـت قلـي يانديبـي
والله أني لك لعصب الرأس وبـدأ بالقرابـه

بنتخي بعيال شيخ(ن)طيبهـم قـدام طيبـي
قال منهم قلت روق اللـي تـروق لنشابـه

وقال بس وقلت أزيدك لاتعجـل ياصحيبـي
وقال منهم قلت برقى نسل شيب(ن) لذيابـه

خذ كلام الشاعر اللي لاوقف ضد الحريبـي
أن بغيت الفعل جابه وأن بغيت القاف جابـه

والله أنه من نخانا مـن نخانـا مايخيبـي
قال خابر بس حنا قلـت لا تنطـق بجابـه

خابر أن أخصامنا الجن لاتروح ولاتجيبـي
وأدري أن أبليس يحسب للعتيبي في حسابه

تدري أن العيب فينا لابغيـت تقـول عيبـي
فاتنا عصر أبرهه مـع بدايـات الصحابـه

والله أنا فالمعـارك مانحـذف ألا نصيبـي
وأنشد الأيام عنا وهـي تسبـق باالأجابـه

لكن أنته في حمانا ودعـي الله يستجيبيـي
نقذ أبليس المولي مـن فعولـك ياعتابـه

الولد فينا شبيهه من بعيـد ومـن قريبـي
لو تحط السيف جنبه قلت ياكثـر التشابـه؟

ومن تردى من ورانا قلت يايمنـاه عيبـي
أقطعورأسه بسيفه ونطلوهن فـي زهابـه

وأحمدالله ياعتيبـه يـوم ليلـي ينتخيبـي
والشجرمن دون ضله ويش يبغابـه ترابـه

وسمحولي ياقبايل لامريـض ولا غريبـي
شاعر ويمدح عتيبه لاعجيـب ولاعجابـه

بارك الله بأرض تمشي فوقها ساق العتيبي
ويرحم الله من تحتها ومطريلـه ياسحابـه

***وسلامتكم***

[الشجيع]

قصيدة رائعة

ا ل ش ج ي ع

[ذيب السبايا]

يعطيك العافية بس ياليت نعرف من القايل

[ابـن نـعـيـس]

يعطيك العافيه


وماقصرت


وعلى ماظن والله العالم ان شاعرها اسمه ايمن العتيبي وكان ومازال عضو


في هذا المنتدى



تحيااااااااااااااااااااااااااااااااااااتي

التوقيع

[{عاشق الهيلا}]

شكرا على رد السريع/:الشجيع

[{عاشق الهيلا}]

الله يعافيك : ذيب السبايا بس والله ياخوك ماعرف شاعرها

[{عاشق الهيلا}]

الله يعافيك: يابن نعيس

والله أني معرف اسم شاعرها

[ساري 2006]

السلام عليكم ورحمة الله وبركاته

اشكر الجميع على الاجتهادات وعلى

الاعمال الجليله الذين يقدمونها للشعر

من اجل الحفاظ على تراثنا للاجيال القادمه

وحبيت ان ابين ان القصيده السابقه هي :

للشاعر / ايــمــن السليس العتيبي

هذا ما كان ودي توضيحه ولكم جزيل الشكر

[نجد العصيمي]

عاشق الهيلا


تسلم يمينك وصح لسان الشاعر


كفيت و وفيت

لا هنت على النقله المميزه

[ذيب الدلابحه]

القصيده طيبه بالحيل والي قاله أطيب وصح لسان أيمن