شبيب بن عرار النعيمي يجاري حبيب العازمي

[عماش]

بسم الله الرحمن الرحيم
هذي قصيده للشاعر شبيب بن عرار النعيمي وهي مجاراه لقصيدة شاعرنا الكبير حبيب العازمي

ياطير ياطير ياطير السعد ياللي تـرف الجنـاح=قد قالها الشاعر حبيب وانـا بالطـرق لاحيتهـا
واقول مشهور يامشهور ياطير الهـدد والفـلاح=ياللي كفوفـك بـدم الصيـد يامشهـور حنيتهـا
انا خويك على الشده الا بـارت يديـن الشحـاح=روس المبادي على شانك صلاة العصر عنيتهـا
خيلت برق(ن) يلوح وهاضني برق الحيا يوم لاح=وانا جري(ن)على الخطوه الا طالـت تخطيتهـا
الهجر ومفارق الخـلان للخـلان سم(ن)ذحـاح=صدقت ماقيل عن قيس الملـوح يـوم عانيتهـا
مواري العاشقيـن الصادقيـن معلقيـن السـلاح=في قمتن حيها يبكـي ولا يبكـى علـى ميتهـا
ياشين قرب القلوب الا جرى بين الجنوب انتزاح=القي على المستمع بعض الدروس اللـي تلقيتهـا
ياقوم تدرون وش قوم العزى بي توه اليوم بـاح=حزن وحسايف على كم فرصتن حانت وعديتهـا
لو تعرفونه عذرتوني الا صحت ورفعت الصياح=لكـن ياهنـي عينـن ماراتهـا مثـل ماريتهـا
قمة جمال ودلالن في تعـزال الطـوال الشنـاح=سبحانك الله كيف اكملت فيها الوصف واعطيتها
ياوجد قلبي عليها وجد مهمومن يجـر الصيـاح=ويون ونـة حزينـن تسهـر النايـم تناهيتهـا
خليتني ضامين باقصى المضامي كل ماقام طاح=وين انت بتروح من كبدن ضماها لك ولا اسقيتها
صوتي تعداك انا ماني من اللي يطردون الضحاح=اعرف حدودي لكن حقـك علـي اليـا تعديتهـا
خذني واخذ ماتبي في ضمتن منك وشربة قـراح=حقك علي لـو تبيـن اردهـا بعديـن رديتهـا
من ذاق ماذقت معذورن الا واق الرقيبـه ونـاح=وان ناحت الورق جر الصوت مثلي يوم لاحيتها

[سعود بن مشعل]

عماش ..

اختيار جميل يستحق الإشادة ..


دمت بخير ..

[ابن ماثل]

اشكرك عماش على هالقصيده الاكثر من رائعه
تحياتي

[محمد الـعـريدي]

كل الشـكر ياعماش على حسن الأخـتيار

لك منــي جـزيل الشــكروأجــل التقدير

اخــوك:محمد العريدي

دمت بحفظ الله

[نمر العتيبي]

عماش اختيار جميل وقصيده رائعه

مع اطيب التحايا