والهرج يوخذ ماصفى من سمينه **وباقي هروج الربع ماتطفي النار

[مشاري الحبردي]

السلام عليكم ورحمة الله وبركاته ....

من روائع شعر الحكمة هذه التحفة للشاعر المرحوم ماجد بن بندر الثقيل الحبردي رحمه الله .... اترككم معها :-

وقت(ن) يفر الفكر فر المكينه=اليا دق سلفه وأشتعل بلفها نار
أحترت فيه وصار فكري رهينه=فرتني الأيام بسهوم الأقدار
ياحر في صدري مهاوي يمينه=أونسة من جور الدهر مطرقن حار
راح الشباب وصار شيبه رهينه=الله ولاوقتن حداني على الغار
حدتني الأيام حد السفينه=ليا حدها الربان بحبال شنكار
تلعبها الأمواج لعبة مزينه=بسيوف عطران الشوارب بسنجار
تفتل وتبرم راعني سو عينه=تفرني فرة محالن على بار
لوقلت والا قلت طالت سنينه=يطول وقت الهون دخان وغبار
يقطعك ياحظن ترخت يدينه=لوبه جهد عن ساعة الهون قد طار
وأنا على الشده ظلوعي متينه=لو سقوتي من نشلتي مر الامرار
أصبر بعون اللي ركونه حصينه=اللي كتب بلوح مؤمن وجبار
ماحسني هرجة ردي الضغينه=اللي كسب من عرض الأجواد دينار
هذا وانا بشرح معانن رزينه=لأهل الوفا والطيب بقياس وعيار
اللي يعرف أهروج من باع دينه=بالضحك والنمه وتمهيد الأخبار
ناسن تحط الثوب قبه ثمينه=ولهم على الغرات جرعه ومقدار
شواربن تضحك وعينن فطينه=زادو بها مثقال نقه بقنطار
والهرج يوخذ ماصفى من سمينه=وباقي هروج الربع ماتطفي النار
وانته وقفة بطيب وانت الرهينه=وقفت للعليا ولاقلت معذار
وكشفت طيبك مثل نور المدينه=وسلمة سلوك النور والسلك مسمار
واحتس بالي منك والله ضمينه=ومثلك يحس البال ياطيب الجار
وابيك تشرح لي بكلن وشينه=لايخلفك باالقول موشي وقمار
وأهل المثل تقول نشد جهينه=أخذ اليقين ومازكا من هل الشار
ولايشبع الجوعان شرب الشنينه=ولايبري المحرور رجواه بالثار
لكن شك القول يمي رطينه=صرت أتلمس راسي الله من العار
ومن لاحكم باالعدل نفسه لعينه=هذاك ماهوب الوسط والدن بار
وانت الحكيم وحكمكم قابلينه=أحكم بقول الله عن قول الأشرار
والحق مايضفي من الله ثنينه=وانا بوجهك عن نمة كل غدار
واليا نسيت الرجل طالع خدينه=يكفيك ذكر الرجل لاصرت محتار
ويكفيك من عرفه ذكر والدينه=وأقل حاجه جربه قبل الأذكار
وأختومها ذكر الولي محتسينه=اللي خلق خلقه على سبعة أقطار
اللي خلقهم بين نونه وسينه=أرفع حجاجي له وأصلي بالأسحار
عساه يرحم من تزايد ونينه=ياغافر الزلات رحماك مختار
أنت الكريم وعفوكم مرتجينه=أستر عليه حي وأن مت غفار

والسلام عليكم ورحمة الله وبركاته ....

[سلمان المرشدي]

ياسلام ياسلام هذا والله الشعر الي علئ اسمه الله يرحم الشاعر والله لايهينك يالحبردي

[سلطان البقمي]

وعليكم السلام



لكن شـك القـول يمـي رطينـه صرت أتلمس راسي الله من العار
ومن لاحكم باالعدل نفسـه لعينـه هذاك ماهوب الوسط والـدن بـار

الله الله


بيوت جزله رحمة الله على من قالها





بيض الله وجهك على النقل الجميل


اشكرك

[فهد العازمي العتيبي]

..

صح لسانه

وقصيده جزله ومتماسكه

والله يرحمه

ولاهنت يا ذيب الهيلا ،،،

التوقيع

للتواصل على تويتر https://twitter.com/falotaibi5115 ،،

[مشاري الحبردي]

المشاركة الأصلية كتبت بواسطة ابو عدي المرشدي

ياسلام ياسلام هذا والله الشعر الي علئ اسمه الله يرحم الشاعر والله لايهينك يالحبردي

ولا انت يابو عدي


وسلمت ولاهنت

[مشاري الحبردي]

المشاركة الأصلية كتبت بواسطة سلطان البقمي

وعليكم السلام



لكن شـك القـول يمـي رطينـه صرت أتلمس راسي الله من العار
ومن لاحكم باالعدل نفسـه لعينـه هذاك ماهوب الوسط والـدن بـار

الله الله


بيوت جزله رحمة الله على من قالها





بيض الله وجهك على النقل الجميل


اشكرك

حياك الله يالبقمي

ووجهك ابيض

[مشاري الحبردي]

المشاركة الأصلية كتبت بواسطة فهد العازمي العتيبي

..

صح لسانه

وقصيده جزله ومتماسكه

والله يرحمه

ولاهنت يا ذيب الهيلا ،،،

امين

ولاانت يافهد مشكور على المرور

[سلمان القسامي]

صح الســـــــــــــــــــــــــــــــــــان شاعــــــــــــــرها مدد بلاعـــــــــــــدد واللـــــــــــــه يــــرحــــــــــمــــــــه

ليـــــــــــــــــــــــت شعــــــــــــــــــــــــــــار الجيل يقـــــــــــروووووون الحكـــــــــم فالشعر غلى أصووووله


بيض الله وجهك على النقل أكثرررر من رائع



أخوكـــ/ابن مدرع القســـــــــــــــــامي.

[خالد مطلق الحبردي]

ألله يغفر له ويرحمه


مشكور يا مشاري على إدارج القصيدة ,,

[عبد الله المزحمي]

شي طيب وماجد بن بندر الثقيل واخوانه هم شيوخ وأمراء فخذ الثقال من عشيرة الحبردية