مساجلة تاريخية بين شعراء من الحبردية

[مشاري الحبردي]

السلام عليكم ورحمة الله وبركاته ...

هذه قصيدة للشاعر غازي بن عبد الله الحبردي من مشاهير الحبردية في الوقت الحاضر وهو رجل تعجز الاقلام والالسن عن وصفه مما يتصف بسمات الشهامه والرجولية وله مواقف مشرفه مع ابناء عمومته .. و يذكر فيها لبعض بطولات قبيلة الحبردية في الماضي .. ادعكم معها

يالي تمشى بين ابو ظبي وعمان = عقب التمشي عفت جو القرارة
دار لنا تفرق عن كل الاوطان = لو جوها مابين برد وحرارة
سمومها اغلى من هوا جو لبنان = وجبالها تسوا قصور وعماره
تأسست بالدين في دور سلطان = وذوي عطية كلهم وسط حارة
حنا بنيناها على مر الازمان = ياعنك مانحسب حساب الخسارة
فيها عيال العود ذربين الايمان = بأفعالهم نحتل عال الصدارة
حامينها يوم المغازي والاكوان = أنشد مواجه والي جرا في جواره
وانشد عن المصلوم كان انت غلطان = وانشد طلال ومن برز في نهاره
وانشد صباح السور عن كاين كان = يوم الشتيلي طاح والرب اجاره
وانشد عن الي فك حلوات الالبان = يوم الرمك والجيش جا له معاره
فابو دخن جا لأشهب الملح دخان =وعيو عليها اخوان شما جهاره
وابن رشيد الي سكن قصر برزان = منقيته جينا بها من دياره
سلم على من سالمونا وخلان = وعدونا نسقيه كاس المراره
في ما مضى حنا اهل البوش وعنان = واليوم عصر التقنية والحضاره
الضيف نذبح له سمان من الضان = ولا القعود الي عريض فقاره
هذا تراث اجدادنا يابن الاحسان = موجز ومثلك الي يكتفي بالاشاره
وعسى السحاب الي يجي فيه ربان = يسقي الفياض وكلنا بزباره
نحبها ومن الوفاء حب الاوطان = لا شفتها كني وزير التجاره

وقد جاراه الشاعر سطام ابو سنون بهذه القصيدة :-

سمعت لي مكتوب صادر على ان = فيه الشطاره والجزالة مهاره
شيدت ساسه لاهل القوافي بنيان = طوبة على طوبة نقوّم جداره
الحر ياطير السعد طير حوران = لو لف كونه مرجعه في وكاره
وان كان صاحبكم لبو ظبي شفقان = يطلب من الجمرك صدور استماره
حنا عيال العود لاثار بركان = حب الرحى لادار نازن عياره
يوم الدعاوي شلف ورماح وحصان = كلن على جهده يقلط مهاره
نارد بقب كنها فرخ شيهان = يشهد لنا تاريخنا بالجداره
وسط العذية نوخ القوم ركبان = ومن القرارة منبع اهل الاماره
نحمي دخيل القوم واذكر عبيان(*) = عيونّا دونه تقادح شراره
نحما العطاوي في مراتيع ذيدان = من شافها قفى وعجل فراره
رمح الحبردي للمشاكيل عنوان = بوابة عنيزة عليها شعاره
فأم المعارك لاغدا العلم نيشان = سقنا جملنا والشجاعه سطاره
ومطلق حمى بالشلفا والسيف شامان = من دون وجهه شب للضيف ناره
وقت مضى فيه التواريخ برهان = لافرع المبسم نبيّن ستاره
واليوم ننعم وسط روض وبستان = فيه الامن نجني ونقطف ثماره
وانت ياغازي من رجال لها شان = حر تسلسل تقدح بك النعاره
هيّضني قافك دون شك ونقصان = والحقت لي غاره على جو غاره
انت وزير للتجاره بليهان = وانا على داري وزير السفاره

توضيح * :- عبيان هو حصان لرجل من الغنانيم كان الفضل للامير مطلق ابوسنون في رجوع الحصان لصاحبه


والسلام عليكم ورحمة الله وبركاته ...

[ذعير العالي]

مشاري الحبردي بيض الله وجهك علي النقل الرائع وصح الساااااان الشاعر غازي تحياتي

[علي الدعجاني]

الله الله

صح الله السن الشعار

نـحـمـا الـعـطـاوي فـــي مـراتـيـع ذيــــدان **مـــــن شـافــهــا قـــفـــى وعـــجـــل فــــــراره

اي والله عجل فراره

وسبعين نعم بالاد حبرود وذوي عطيه

[محمد الذيابـــي]

والله ونعم بالاد حبرود


نقل رائع يالسلّي كل الشكر لك

التوقيع

التوقيع محمد الذيابـــي

[الامير حريبيش]

قصائد جزله من شعراء جزلين تتكلم عن تاريخ كبير للحبرديه ونعم فيهم
بيض الله وجهك يامشاري علي جهودك ننتظر جديدك

[(مہودع دنہيأهہ)]

الله الله.


وصحت الألسن.وبيض الله وجهك مشاري على نقل القصيد الجزل ولاهنت.



وونعم والله فالحبرديه وفالعطوات جميع.



وتقبل مروري:وننتضر جديدك



أخووووووووك

[فهد العازمي العتيبي]

...

صحت السنتهم جميعاً

ونعم والله بالحبرديه

ويعطيك العافيه يا مشاري ،،،

التوقيع

للتواصل على تويتر https://twitter.com/falotaibi5115 ،،

[متعب الند]

كل عام ونت بخير .................يالحبردي ...............وبيض الله وجهك ع النقل ونع فالجميع

[مشاري الحبردي]

المشاركة الأصلية كتبت بواسطة ذعير العالي

مشاري الحبردي بيض الله وجهك علي النقل الرائع وصح الساااااان الشاعر غازي تحياتي

ووجهك ابيض يالعالي

وصح بدنك

[ولدعساف]

صحة ألسنتهم .. سلمت ولاهنت يابن شمطان على النقل الجزل ..

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها