عزالخوي

[بدر فلاج]

سر ياقلم لوهو على غير مشهاه=اليا حداني قـاف يمـك حديتـه
اخذ القوافي من خفوقـي منقـاه=امـا تفـل القـاف ولا طويتـه
فالقاف سلوان العيـون المشقـاه=ولا فيـه يـومٍ ياقلـم ماوليتـه
اسوقه لروس الرجال المسمـاه=لوفت احقوقي حقهـا مانسيتـه
وامدح به اللي تفعل الطيب يمناه=عيب عليه كـان مانـي وفيتـه
واهديه لعيون الوصل والمجافاه=للي ذبحنـي بالغـلا واهتويتـه
اللي طعن قلبي بالارماش وادماه=عيى يداوينـي وانـا ماسليتـه
غروٍ غريرٍ في خفا الروح مرباه=حبه من اعيون المقـرد حميتـه
هذا واغنيبه على كـل منحـاه=الا عن الدرب المعـوق نهيتـه
الشعر له مقصد ومبـدا ومنهـاه=وانا ليـا منـي بغيتـه نخيتـه
وده على ودي ومبـداي مبـداه=عز الخوي اللي مـن الله لقيتـه
يزين لا اقبل ثالث الليل مسـراه=ويطيب لي مسراه لا من سريته
مقفي به عن اللي كثير ملاغـاه=اللي طبوعـه بالـردى مبتليتـه
ماهوب هم لي ليا اقفت مطايـاه=لا هرجتـي يمـه ولا مقتفيتـه
ابيع من مثلـه بطبعـه وحليـاه=ولو مابقا الا خوتـه ماشريتـه
انا من اعتابه هل الطيب والجاه=وغير الولي في ذمتي مارجيتـه

[عـقـــــــــــاب]

مبدع و جزل يا بدر صح الله لسااااااااانكـ ياسنايدي

تقبل مروووووووووري و تحيتي بعـد تقبلها و شكراً

[بدر فلاج]

المشاركة الأصلية كتبت بواسطة عـقـــــــــــاب

مبدع و جزل يا بدر صح الله لسااااااااانكـ ياسنايدي

تقبل مروووووووووري و تحيتي بعـد تقبلها و شكراً

عقاب مرحبابك
ولاعليك زود
مشكووور على المرور والتعليق
تقبل تحياتي

[الخضارمي]

حياك يامشقي القلم ثم عناه = ينعى بدمع الحبر وابعدت واشقيته
ذكرتني بخل خليل وملقاه= عشرين عام وغيبته ماتحفيته
تدمع عيوني دمعها دم وامواه = ندماه دم وماي العين ثجيته
ومن ست شهور لاقانا وشفناه= ومكث شهرين واقفى واقفيته
ومازالوا عذالي كرهى لملقاه = ولوهم اهل قربى حبهم ماحبيته
قلبي بذكراه ومشغوف بصباه= اعد عد مخطي وعدتي تعديته
يمشي على الارض وتمشي بممشاه= ارواح وعيون هلكى تقافيته

[أبن حشيان]

اشكرك بدر فلاج

عوايدك العلم الطيب

والشعر الجزل

[بدر فلاج]

المشاركة الأصلية كتبت بواسطة أبن حشيان

اشكرك بدر فلاج

عوايدك العلم الطيب

والشعر الجزل

ابن حشيان مرحبابك
وماعليك زود
شرفتني بمرورك وتعليقك
تحياتي

[محمد الذيابـــي]

صح لسانك يابد فقصيدتك انارت المنتدى كالبدر


تقبل مروري يالغالي

التوقيع

التوقيع محمد الذيابـــي

[سعد المسـعودي]

الرائع : بدر فلاح
جزل لاعدمتك
نزفت فأثريت بمانزفت من إبداع
صح قلبك وكلك ياجزل

أحترامي

التوقيع

[بدر فلاج]

صح بدنك
يامحمد
ولاهنت على المتابعه
الدائمه
اشكرك وتقبل تحياتي

[بدر فلاج]

الاخ:سعد المسعودي
لك جزيل الشكر على المتابعه
والتعليق الائع اللذي اعتز به
تحياتي