الفـلوجه للشاعر كديميس العصيمي...

[سلطان نايف العضياني]

ماهوب صاحي كديميس صح لسانه

[فيصل المسعودي]

قصيدة هادفة

تحمل معاني جميلة وواقع ملحوظ

أين قناة الفتنة عنها وعن مثيلاتها من القصائد الهادفة وقت اللقاء

أيعقل أن يكو ن شاعر كشاعرنا كديميس لا يملك غير الهجاء

ولكن أهل الفتن دائماً يبحثون عن إثارة الأشياء بطرقهم الملتوية

صح لسان العلم كديميس

وبارك الله في ناقلها

تحياتي

[ابو ضيف الله]

قبل كنا فـي المواقـف كتلـةٍ مدموجـه =مايزعزعنا الحريـب وصفنـا متصافـي
كم تحدينا عواصيـف الزمـان وهوجـه= لين صدرنا مبـادي العـدل والانصافـي
كل مافتحنـا بلـد نبـدا نعالـج عوجـه =بالقلم والسيف والمصحف عـلاجٍ شافـي
غزوة اليرموك حنا للـي تفـوق فوجـه =ومن بعدها القادسيـه والسـلام الضافـي
اعتلينـا قمـة المجـد ومنـار بروجـه =وفي المعالي قسمنا من كل شكـل وافـي

بيض الله وجهك يا عتيبه على هذه القصيدة الجبارة للقوة العظمي كديميس العصيمي
وين قناة الفتنة عن مثل هالقصايد اللي تعجب ويحبها كل مسلم ؟!!!

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[ابن مشيب]

وش اللي اعمى معدي لقاء الشاعر كديميس في قناة الساحة عن طلب هذه القصيدة وشاكلاتها من الشاعر ؟؟؟؟؟؟؟؟

الله ينصر اخواننا المجاهدين في العراق , وصح السان الشاعر كديميس والله لايهينك ياotaibah



تحياتي

[روح جاي]

اعتلينـا قمـة المجـد ومنـار بروجـه
وفي المعالي قسمنا من كل شكـل وافـي
لين جانا من يشيـل العولمـه بخروجـه
لاهلا به من نظام ولا هلا به مـن لافـي

صح لسان شاعرنا الكبير كديميس العصيمي

[نواف العصيمي]

صح لسان الرائع كديميس العصيمي ,,

التوقيع

[صقر النواصر]

ولو يقول البعض طبو في المحيط وموجه..قال الآخر ماتقدم متر وانت خلافي
خايف من صاحبه يقلب عليه الموجه .. لايجيه ينازعه في حده الجـــــغرافي

هههههه

زمن الخيانات .. كل واحد مايضمن خويه ... لاتلومهم ياكديميس ..تاريخهم ملئ بالخيانات والغدر والخديعة والمؤامرة ... ... هذا طبع العبيد الذين لايملكون قرارهم ولا إرادتهم ولا حريتهم ولا استقلالهم ...... يحركون من البيت الابيض باصبع كونداليزا رايس ...دمى مركبة على خيوط ... واللي يشد ويرخي الخيوط هذي .. هو كونداليزا رايس ......

تجاهل هذه القصيدة ليس عفوي ... هو مقصود ومتعمد من القزم ناصر القحطاني واللقيط خالد عبدالرحمن آدم .هي سياسة إعلامية عامة لكل القنوات عامها وخاصها ....... لو نشروا هذه القصيدة بتزعل عليهم عمتهم كونداليزا رايس .... والمماليك أمثالهم مايقدرون على زعلها ...

هذه القصيدة وغيرها من القصائد التي تحمل هموم الأمة ... لاتريدها قناة الساحة ... لإنها ستصحح إتجاه البوصلة وسيشير السهم على العدو الحقيقي لنا ....... وهو أميركا ...... لا لا لا ..... دعهم في سباتهم يغطون .. دع جمهور الشعر .. لايرى له عدوا إلأّ ...عتيبة وقحطان ومطير وحرب وزهران وشمر وعنزة ... هؤلاء لايجب أن يتصافوا أبدا .. يا أخي فرق تسد .. هذه المقولة القديمة الجديدة ... يجب أن تبقى حية ..... دع أبناء القبائل يتعاركون فيما بينهم وينسون عدوهم الحقيقي ...إتركوا العرب خفاف العقول في سكرتهم يعمهون .. لاتفيقوهم بقصيدة ولا مقال ولا كلمة .. إياكم أن يصحو ضميرهم ...ليس مسموحاً لك ياكديميس أن تضع أصبعك على جراح الأمة حتى تنتبه في هذه المرحلة أبداً أبداً....كما كنت تضع إصبعك فيما مضى على جراح القبائل وتقلب مواجعها ......نحن لانريد أن تصحو الأمة ...دعو الأمة تعيش في ماضيها وتجتره .....أشغلوهم بمعارك جانبية في عقر دارهم ... حتى يسرح ويمرح النخولي الرافضي على كيف كيفه ..ويخطط ويجهز ... وهؤلاء غافلين .. وياغافل لك الله .....ولو نشرت هذه الرائعة في قناة فضائية أمام ملايين الجماهير ... سيصحو ضمير الملايين .. القصائد تحرك مشاعر العرب خصوصاً إذا أتت من شاعر عريق ....لاتحييوا ضمائرهم .. فالقصيدة في الثقافة العربية تحرك الملايين وتحيي القلوب الميتة ..

ألف شكر لمن أتحفنا بجديد الشاعر كديميس .....وهذا النوع من القصائد أتمنى أن يخرج إلى النور في هذا المنتدى .

[@ـايل]

المشاركة الأصلية كتبت بواسطة otaibah

قصيدة الفلوجه للشاعر كديميس العصيمي

كل من عايش مصايب نكبة الفلوجه = شاف كيف البطش والارهاب والاسرافي
جاهم الجيش الامريكي بابيضه وزنوجه = ومن ورى الجيش الامريكي قوة الاحلافي
المساجد مستباحه والجثث مبعوجه = والنساء واطفالهن للطايرات اهدافي
وكل بيتٍ كسرو بيبانه المزلوجه = ودخلو مع مدخله والبيت نوره طافي
ودوجوا في داخليه نعنبوها دوجه = وكل واحد معه رشاش ومعه كشافي
ومن ينادي بالعداله حجته مفلوجه = والخساير فادحه والفتق ماله رافي
ليتنا ناخذ على روس الاعادي روجه = بالصواريخ الثقيله لين يصفي الصافي
ان نصرنا لله طردنا المعتدي وعلوجه = وان خسرنا المعركه نطلع بعذرٍ كاافي
مير قادتنا سفينه صفهم مطعوجه = كل واحد ليا حصل يومٍ عبوس يفافي
ولو يقول البعض طبو في المحيط وموجه = قال الاخر ماتقدم متر وانت خلافي
خايفٍ من صاحبه يقلب عليه الموجه = لايجيه ينازعه في حده الجغرافي
قبل كنا في المواقف كتلةٍ مدموجه = مايزعزعنا الحريب وصفنا متصافي
كم تحدينا عواصيف الزمان وهوجه = لين صدرنا مبادي العدل والانصافي
كل مافتحنا بلد نبدا نعالج عوجه =بالقلم والسيف والمصحف علاجٍ شافي
غزوة اليرموك حنا للي تفوق فوجه =ومن بعدها القادسيه والسلام الضافي
اعتلينا قمة المجد ومنار بروجه = وفي المعالي قسمنا من كل شكل وافي
لين جانا من يشيل العولمه بخروجه = لاهلا به من نظام ولا هلا به من لافي
حصلت منا الكثير ابوابهم مهجوجه = ودخلوها ودخلتهم والغت الاوقافي
من مساويها مساواة الرجل والزوجه = الغت النص الصريح العولمه ياكافي
بردوها وارسلوها بالوباء ممزوجه = ولصفات المستقيمه هدف الهدافي
وهمشت هيبة بعضنا واوقفت منتوجه = وصار يذعن للشروط للي بهن اجحافي
لاحياه لكل رجلٍ هيبته مسهوجه = مثل ماسهج العقيد معمر القذافي
ضيروه مضيرين النافر المرجوجه = لين عقب مقامزتها عودت ميلافي
جاه مندوب الوكاله واستلم كتلوجه = واخضع البرنامج المحذور للاشرافي
شالوا الشمع الحمر عن مغلقات دروجه = مابقى في الملف السري ملفٍ خافي
ذللوه وصار مثل الهبره المعلوجه = لا عظام ولا شحم في هبرة الاكتافي

ياسلاااااااااااااااام...

رائعه من روائع الرائع الشاعر الكبير /كديميس العصيمي..

صح لسانه ..والله يطول في عمره ..ولاهنت اخوي عتيبه..على النقل الرائع ..والله يعافيك..

التوقيع

شكر خآص للأخ العزيز (سمي جدي) ,,, للتواصل,,, hail-osaimi@hotmail.com الفيس بوك : هايل العصيمي انستقرام : hailosaimi تويتر : AlHooL@

[ابوتيجان]

ابوصالح شاعر كل الاتجاهات اطال الله في عمره والله ينصر اهل الفلوجة

[المحايد]

صح الله لسان كديميس على هذه القصيده العصماء

ولكني أتعجب, أين معيض عن هذه القصيده وغيرها من قصائد كديميس الأخرى؟؟؟؟؟؟؟؟

شكرا لك أخي العزيز عتيبه ولا قصرت