دثرينـــــي يـــا منيـــــرة

[السبيــــعي]

بسم الله الرحمن الرحيم








دثريني يامنيره زمليني يامنيره

يامنيره في فوادي فرخ عبدٍ طق زيره

من هنوفٍ صوبها راع الهوى يشعب بعيره

سيدة سادات قومٌ سادةٌ أبناء ساده

من بهاها يامنيره ويش أوصف ويش أخلي

في جبين الطهر منها بدر سبتين متجلي

هالةٍ دون المصلى أخلفت وجه المصلي

في محاجرها عقيد القوم يومي به جواده

الحجاج هلال ماهو في أهلتنا مقيّد

من يشوفه قبل لا يبدي هلال العيد عيّد

لا متى والموت حدر رموشها السود يتصيد

لا متى ذبح البشر عند العيون السود عاده

دوب يانع وردها في روض لبتها تفتق

في سحر منطوقها صرفٍ من الراح المعتق

وكن ظفايرها على الغره ليا قامت تنتق

خدم أسودٌ وقوفٌ حو ل بنت البيه غادهٌ

ياوجودي يالزباد الزبد يالبيض المقشر

يوم حازت من أمامي عمد وأحمر المؤشر

ما أنا إلا أخـو عــقــمٍ بمــولودٍ مبشــر

من سروري يوم أعانق طيفها فوق الوساده

كن أصابعها من العناب أو بسرٍ عراقي

أو غلا أحشامٍ مجفف أو قناني خمر ساقي

وكن ترايبها صحاف الترك حمران الطواقي

في سنا نور رقبتها ذابت أكثر من قلاده

فتنةٍ من شافها في جو سابع عرش عرّش

كاد ناعم ثوبها في جسمها الغض يتحرّش

مرحبا يامرحبا يامرحبا بالطش والرش

بالحرير الحر والغرو الغرير الغر عاده

كل ما تكبر تزين وكل ما تقدم تجدد

كن نحرها من وراء بوابة الثوب يتهدد

حجم ناحل خصرها في ردفها لاجيت أحدد

حجم نقطة نون داخل نون ما تقبل زياده

بين خصرٍ إشتراكيٍ وردفٍ رأسمالي

ويل ويلي شيب عيني طر جيبي ويل حالي

كل غضٍ في نحرها شايفٍ نفسه معالي

والثنينين بصراحه يستحقون الإشاده

كن عايم صدرها في وقفته قرمٍ ينادي

في خضم المعركه هل من مبارز أو معادي

من غروره يعتبر كل ما نقوله فيه عادي

يامصابيح الرواهب من بياضه في سواده

من مزاج الزنجبيله في شفاه السلسبيله

أورد الساعي كليبٌ حتفه نظم الجليله

جمرةٍ في روح تمره ضيعت أبو دليله

قايدٍ حاذاه قايد ريم وأنساه القياده

من ليونتها كأن ماله ولا عظمٍ جسدها

ومن نعومتها تخاف خدودها من لمس يدها

ومن كثر ما مشيها جذاب ما تمشي وحدها

ومن كثر ما جلدها صخيفٍ تحب اللبس ساده

ويش يسوى المسك وأبو المسك مع ريحة عرقها

يوم ذبت شالها وأهتز في ال ملعب حلقها

ما كأن الله مثل باقي مخاليقه خلقها

فتنةٍ كانت طقوس القصر تعبدها عباده

دثريني يامنيره زمليني يامنيره

يامنيره في فوادي فرخ عبدٍ طق زيره

من هنوفٍ صوبها راع الهوى يشعب بعيره

سيدة سادات قومٌ سادةٌ أبناء ساده

[عبدالله الجـــذع]

مشكور يالسبيعي يالغالي..

ولكن للأسف اراء اللجنه كانت غريبه ومستفزه جدا خصوصا من بدر صفوق..

لاهان راسك يالغالي..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[السبيــــعي]

المشاركة الأصلية كتبت بواسطة عبدالله الجـــذع

مشكور يالسبيعي يالغالي..

ولكن للأسف اراء اللجنه كانت غريبه ومستفزه جدا خصوصا من بدر صفوق..

لاهان راسك يالغالي..

يا عبدلله هي مستفزه وبس ؟؟!
كان نقد جارح مثل ابو الشباب اللي قال درقن درقن ..
وحمد السعيد اللي كان يطلب من ناصر الغزل الان اصبح الغزل لا يليق بهذا المقام ؟!
وحبيت اوضح شي.. الغزل العفيف من زمان موجود مثل عنتره يوم قال

فوددت تقبيل السيوف لأنها
لمعت كبــارق ثغرك المتبسم

>>> هالبيت تاريخي ويُدرس

ناصر احبطوه وكان باين على وجهه ..
حتة عند اعلان النتيجة يصفق من غير نفس
وحال لسانه يقول من يعطيني حق قدري ؟؟

[بندر المرشدي]

بيض وجه ناصر شاعر مبدع ويستاااااهل الله يوفقه


انت شكرا لك على النقل

التوقيع

يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان :: ديواني من إعداد الزميل/ عمر الدغيلبي ... بيض الله وجهه

[ضياء الحق]

القصيدة فيها إختلال كبير في الوزن ولكن لم تنتبه له اللجنه


المقشر

الموشر

مبشــر





اللجنه ماتقيم الشعر بشكل جيد

ونحن سنقاطع هذا البرنامج أبشرك


تحياتي

[بدرالهبيري]

ويل ويلي شيب عيني طر جيبي ويل حالي

هذا الشطر يقول عنه الصفوق :

دربن دربن دربن ..

بالله هالشطر المحبوك حبكة معلم تقول عنه


دربن دربن دربن هذا كلام شوارعي ولايليق .,.,

فضلا ً عن ان اللجنه حديثهم ليس للنقد بل للذوق

فهم يغطون الدرجه على حسب ذوقهم فاان اعجبت

القصيده العضو عطا للشاعر درجه عاليه وان ماكانت

على موضوع يعجبه وان ماكانت على التيار اللي هو

يتبعه فالدرجه ستكون سيئه والتعليق سيخسف به

الشاعر ..,.,

بهذا الشطر الذي وكأنه يتحدث بلغتنا التي نفهمها :

لغه بسيطه وليست متكلفه كالمنهالي والكعبي

اللي سيلتوا لهم المديح ..

انا لست من قبيلة ناصر الفراعنه ولست من جمهوره

ولكن الحق يقال ان حركة صفوق مال امها داعي

والقصد منها فقط هو التقليل من طريقة ناصر التي يكتب

عليها ومحاولة ابراز التحديث في الشعر الذي لايرضي

الكثير من المتابعين للساحه الشعبيه ..,

وهو نفسه بدر صفوق يضع وسم البعير على سنامه ..

شكرا ً على القصيده واسف على الشطح ..

تحياتي وتقديري .. بدرعيد ..

[سلـطـان]

رووووووووح يا أبو فــارس


على الحرام ما يستاهل البيرق الأ أنت بعد

خروج بندر المحيـا

واصل يا شاعر الثقلين وووواصل


بالتوفيق أن شاء الله

[القرناص 999]

يارجال بدر صفوق قليل خاتمه والله اني خطير عندي فراسه

دوبي اكتشفتها عرفت هذا الشيء من اول مره شفته فيها

ايام الجولات يوم شفته قلت هذا ثقيل دم وقليل خاتمه من قبل

لااسمع كلامه وشوفه كل شوي وهو جاي بطعه وهذي اخرتها

دربن دربن دربن والله من النقد اللي عندك علي بالحرام ماعندك

الا الدجه انت وشنباتك تقول مكنسه

وحمد السعيد ماله خاتمه مره يبى غزل ومره مايليق بالمقام

طيب اللي يليق بالمقام البنات اللي يرقصون وشفنا البلاوي كلها

بعيوننا شعور ونحو و و و و ألخ

هذي مايقدر يهرج عليها لان المنسقه عمته نشوى

الحين اشين الكلام ولا الفعل والله غعالم مدري كيف عايشين

وياليت الفراعنه ينسحب واذا يبى يكمل الله يوفقه

فاله البيرق انشاءالله



ملاحظه / اخر نكته يقولون بن حماد الكعبي احسن من الفراعنه

جاب 41 والفراعنه 39 اثرك شاعر يابن حماد وحنا ماندري

ولا النوه مساوي الفراعنه

هههههههههههههههههههههههههههههههههههههههههههههه

اوه يابطني

[الفهاد]

شاعر بمعنى الكلامه

[السبيــــعي]

المشاركة الأصلية كتبت بواسطة بندر المرشدي

بيض وجه ناصر شاعر مبدع ويستاااااهل الله يوفقه


انت شكرا لك على النقل

بيض الله وجهك عالمشاركة الجميلة